മലപ്പുറത്ത് സ്കൂള് വിദ്യാര്ത്ഥിനിയെ ഇടിച്ചിട്ടു നിര്ത്താതെ പോയ വാഹനവും ഡ്രൈവറും പിടിയില് ...
മലപ്പുറത്ത് സ്കൂള് വിദ്യാര്ത്ഥിനിയെ ഇടിച്ചിട്ടു നിര്ത്താതെ പോയ വാഹനവും ഡ്രൈവറും പിടിയില് ... പറമ്പില് പീടിക സ്വദേശി നെടുമ്പള്ളിമാട് നിസാമുദ്ദീനാണ് (26) അറസ്റ്റിലായത്. ഇയാളുടെ ഇന്നോവ കാറും പൊലീസ് കസ്റ്റഡിയിലെടുത്തിട്ടുണ്ട്.
ഈ മാസം എട്ടിന് വള്ളുവമ്പ്രം അത്താണിക്കല് എം ഐ സി പടിക്കലാണ് കേസിനാസ്പദമായ സംഭവം നടന്നത്. ക്ലാസ് കഴിഞ്ഞ് ബസ് കാത്തുനിന്ന മഞ്ചേരി സ്വദേശിനിയായ സ്കൂള് വിദ്യാര്ഥിനിയെ അതിവേഗതയിലെത്തിയ കാര് ഇടിച്ചു തെറിപ്പിച്ച് നിര്ത്താതെ പോകുകയായിരുന്നു.
തലയ്ക്കും, കാലിനും ഗുരുതര പരുക്കേറ്റ വിദ്യാര്ഥി കോഴിക്കോട് മെഡിക്കല് കോളജില് ചികിത്സയില് കഴിയുകയാണ്. സംഭവത്തിന് ശേഷം പൊലീസ് ഇന്സ്പെക്ടറുടെ നേതൃത്വത്തില് പ്രത്യേക സ്ക്വാഡ് രൂപവത് കരിച്ചാണ് അന്വേഷണം തുടങ്ങിയത്. നൂറോളം സി സി ടി വി ദൃശ്യങ്ങള് കേന്ദ്രീകരിച്ച് അഞ്ച് ദിവസത്തെ അന്വേഷണത്തിനൊടുവിലാണ് ഇയാളെ കണ്ടെത്തിയത്.നിസാമുദ്ദീന് തന്നെയാണ് വാഹനം ഓടിച്ചിരുന്നതെന്നും പൊലീസ് കണ്ടെത്തി.
വിദ്യാര്ഥിനിയെ ഇടിച്ചിട്ട ശേഷം അത്താണിക്കല് നിന്നും മലപ്പുറം ഭാഗത്തേക്ക് വന്ന് കോട്ടക്കല് വഴി രക്ഷപ്പെടുകയായിരുന്നു. പ്രതിയുടെ ലൈസന്സ് റദ്ദ് ചെയ്യാനും മോട്ടോര് വാഹന വകുപ്പിന് റിപ്പോര്ട്ട് നല്കുമെന്ന് മഞ്ചേരി പൊലീസ് ഇന്സ്പെക്ടര് പറഞ്ഞു.
"
https://www.facebook.com/Malayalivartha
