ലൈഫ് മിഷന് കേസില് ഇ.ഡിയുടെ ചോദ്യങ്ങളെ തന്ത്രപരമായി തഴഞ്ഞ് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം. ശിവശങ്കര്... അന്വേഷണവുമായി ശിവശങ്കര് സഹകരിക്കുന്നില്ല എന്ന നിലപാടില് ഇ.ഡി....
ലൈഫ് മിഷന് കേസില് ഇ.ഡിയുടെ ചോദ്യങ്ങളെ തന്ത്രപരമായി തഴഞ്ഞ് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം. ശിവശങ്കര്... അന്വേഷണവുമായി ശിവശങ്കര് സഹകരിക്കുന്നില്ല എന്ന നിലപാടില് ഇ.ഡി....
ഒമ്പതുദിവസം കസ്റ്റഡിയില് കിട്ടിയിട്ടും ശിവശങ്കറില്നിന്ന് തെളിവുമൂല്യമുള്ള മൊഴികളൊന്നും അന്വേഷണസംഘത്തിന് കിട്ടിയില്ല. ലൈഫ് മിഷന് കേസിന് അനുകൂലമായി തന്നില്നിന്ന് ലഭിക്കുന്ന മൊഴിയാകും അന്വേഷണസംഘത്തിന് ലഭിക്കുന്ന ഏറ്റവും വലിയ ആയുധമെന്ന നിയമോപദേശത്തിന്റെ അടിസ്ഥാനത്തിലാണ് ശിവശങ്കര് തന്ത്രപരമായ മൗനം അവലംബിക്കുന്നതെന്നാണ് സൂചനകള്.
കേസില് എം. ശിവശങ്കറിനെ രണ്ടുദിവസം തുടര്ച്ചയായി ചോദ്യംചെയ്തിട്ടുണ്ടായിരുന്നു. അറസ്റ്റുചെയ്ത് കോടതിയില് ഹാജരാക്കിയപ്പോള് ഇ.ഡി. ഉന്നയിച്ച പ്രധാനകാര്യം അന്വേഷണവുമായി സഹകരിക്കുന്നില്ല, അതിനാല് കസ്റ്റഡിയില് ചോദ്യംചെയ്യണമെന്നായിരുന്നു.
ആദ്യം അഞ്ചുദിവസമാണ് കസ്റ്റഡി അനുവദിച്ചത്. ഈ കസ്റ്റഡി കാലാവധിയില് ശിവശങ്കറിന് കാല്നൂറ്റാണ്ടിലേറെ അടുപ്പമുള്ളയാളും സ്വപ്നയ്ക്കായി ബാങ്ക് ലോക്കര് തുറക്കാന് സഹായിക്കുകയും ചെയ്ത ചാര്ട്ടേഡ് അക്കൗണ്ടന്റ് പി. വേണുഗോപാലിനെ ചോദ്യം ചെയ്തു. വേണുഗോപാലില് നിന്ന് ശിവശങ്കറിന്റെ മൗനവും നിഷേധാത്മകനിലപാടും പൊളിക്കാനുള്ളതൊന്നും കിട്ടിയതുമില്ല.
ലൈഫ് മിഷന്റെ മുന് സി.ഇ.ഒ. യു.വി. ജോസിനെയും ഈ കാലയളവില് ചോദ്യംചെയ്തെങ്കിലും ശിവശങ്കറിനെതിരേ ശക്തമായ മൊഴികളൊന്നും കിട്ടിയില്ല.
വീണ്ടും കോടതിയില് ഹാജരാക്കിയപ്പോഴും ശിവശങ്കര് അന്വേഷണവുമായി സഹകരിക്കുന്നില്ലെന്ന വാദമാണ് ഇ.ഡി. ഉന്നയിച്ചത്. നാലുദിവസംകൂടി കസ്റ്റഡി കിട്ടിയെങ്കിലും മുന്നിലപാടുകളില് നിന്ന് ഒരിഞ്ച് പിന്മാറാനായി ശിവശങ്കര് തയ്യാറായില്ല.
'വടക്കാഞ്ചേരി ലൈഫ് മിഷന് പദ്ധതി കരാര് യൂണീടാക്ക് ബില്ഡേഴ്സിന് നല്കിയതില് സര്ക്കാരിന് പങ്കില്ല' എന്നാണ് ശിവശങ്കര് ആവര്ത്തിക്കുന്ന ഉത്തരം. ശിവശങ്കര് ബോധപൂര്വം സ്വീകരിച്ചിരിക്കുന്നതാണ് നിസ്സഹകരണ നിലപാടെന്ന് ഇ.ഡി. അന്വേഷണസംഘം വ്യക്തമാക്കുകയാണ്.
"
https://www.facebook.com/Malayalivartha
