സിറ്റി മ്യൂസിയം പോലീസ് സ്റ്റേഷനതിര്‍ത്തിക്കകമായ ബാര്‍ട്ടണ്‍ ഹില്‍ കോളനിയില്‍ സംഘര്‍ഷത്തിനിടെ 24 കാരനായ ശരത്ത് എന്ന യുവാവിനെ വെട്ടിക്കൊലപ്പെടുത്താന്‍ ശ്രമിച്ച കേസില്‍ ഗുണ്ടുകാട് സാബുവിന്റെ കൂട്ടാളികളായ ഗര്‍ഭിണി ഷൈജുവിനും ചെളി രാജേഷിനും 9 വര്‍ഷം തടവും 75,000 രൂപ വീതം പിഴയും ശിക്ഷ വിധിച്ചു.

തിരുവനന്തപുരം പ്രിന്‍സിപ്പല്‍ സബ്ബ് ജഡ്ജിയും അസി. സെഷന്‍സ് ജഡ്ജിയുമായ ജി.ഹരീഷിന്റെതാണ് ശിക്ഷാവിധി. പിഴത്തുകയായ ഒന്നര ലക്ഷം രൂപ പരിക്കേറ്റ യുവാവിന് നഷ്ടപരിഹാരമായി നല്‍കാനും കോടതി ഉത്തരവിട്ടു.

ഇന്ത്യന്‍ ശിക്ഷാ നിയമത്തിലെ വകുപ്പ് 308 (കുറ്റകരമായ നരഹത്യാശ്രമം) കുറ്റത്തിന് 7 വര്‍ഷം വീതം തടവും 50,000 രൂപ വീതം പിഴയൊടുക്കണം. വകുപ്പ് 324 ( മാരകായുധമുപയോഗിച്ച് ദേഹോപദ്രവമേല്‍പ്പിക്കല്‍) കുറ്റത്തിന് 2 വര്‍ഷം തടവും , 25,000 രൂപ വീതം പിഴയും ഒടുക്കണം.

മ്യൂസിയം പോലീസ് മൂന്നാം പ്രതിയെ കൃത്യവുമായി ബന്ധപ്പെടുത്തുന്ന കുറ്റപ്പെടുത്തുന്ന നിയമപരമായി . സ്വീകരിക്കുന്ന തെളിവുകള്‍ ഹാജരാക്കാത്തതിനാല്‍ തെളിവിന്റെ അഭാവത്തില്‍ മൂന്നാം പ്രതി ഗുണ്ടുകാട് സാബുവിനെ കോടതി വിട്ടയച്ചു.

സാബു ആക്രമണ കൃത്യത്തില്‍ നേരിട്ട് പങ്കെടുക്കാത്തതിനാല്‍ ഗൂഢാലോചനക്കുറ്റം ചുമത്തി 2013 ഓഗസ്റ്റ് 5 ന് സാബുവിനെ മ്യൂസിയം പോലീസ് അറസ്റ്റ് ചെയ്തത്.ബാര്‍ട്ടണ്‍ ഹില്‍ കോളനിയില്‍ സംഘര്‍ഷത്തിനിടെ ശരത് എന്ന 24 കാരനെ വെട്ടിക്കൊലപ്പെടുത്താന്‍ ശ്രമിച്ച കേസിലാണ് ഗുണ്ടുകാട് സാബുവിനെ മ്യൂസിയം പോലീസ് അറസ്റ്റ് ചെയ്തത്.


സാബു സ്വദേശിയായ ബാര്‍ട്ടണ്‍ ഹില്‍ കോളനിയില്‍ താമസിക്കുന്ന ശരത്ത് എന്ന 24 കാരനെ ആക്രമിച്ച കേസിലാണ് സാബുവിനെ അറസ്റ്റ് ചെയ്തത്. സാബുവിന്റെ സംഘത്തിലെ അംഗങ്ങളായ ഗര്‍ഭിണി ഷൈജു എന്ന ഷൈജു, ചെളി രാജേഷ് എന്ന രാജേഷ് എന്നിവര്‍ ചേര്‍ന്നാണ് ശരത്തിനെ വെട്ടിയത്.


കേസില്‍ സാബുവിനെ മൂന്നാം പ്രതിയാക്കി ഗൂഢാലോചനക്കുറ്റം ചുമത്തി പോലീസ് കേസെടുത്തു. ആദ്യം അറസ്റ്റ് ചെയ്തു. ഷൈജുവും രാജേഷും ഒന്നും രണ്ടും പ്രതികളായ കേസില്‍ ഇരുവരും ഒളിവിലായിരുന്നു.


2013 ആഗസ്റ്റ് 3 രാത്രിയുണ്ടായ സംഘര്‍ഷത്തില്‍ ശരത്തിന് പുറമെ വിപിന്‍, സുകുമാരി എന്നീ രണ്ട് പേര്‍ക്കും പരിക്കേറ്റിരുന്നു. ഒന്നാം പ്രതി ഷൈജുവിന്റെ അമ്മയാണ് സുകുമാരി. ബാര്‍ട്ടണ്‍ ഹില്‍ കോളനിയിലെ രണ്ട് വിഭാഗങ്ങള്‍ തമ്മിലുള്ള തര്‍ക്കമാണ് സംഘര്‍ഷത്തിന് കാരണമെന്ന് കന്റോണ്‍മെന്റ് അസിസ്റ്റന്റ് കമ്മീഷണര്‍ എം ജി ഹരിദാസ് സംഭവ കാലത്ത് പറഞ്ഞിരുന്നു.