വാഹനപരിശോധനയ്ക്കിടെ ചവറയില്‍ 214 ഗ്രാം എംഡിഎംഎയുമായി മൂന്നു യുവാക്കള്‍ പിടിയിലായി. കുണ്ടറ സ്വദേശികളായ നജ്മല്‍ , സെയ്താലി , അല്‍ത്താഫ് എന്നിവരെയാണ് അറസ്റ്റു ചെയ്തത്. രാത്രി പൊലീസ് നടത്തിയ വാഹന പരിശോധനയ്ക്കിടെയായിരുന്നു ഇവര്‍ പിടിയിലാകുന്നത്.

കാര്‍ തടഞ്ഞുനിര്‍ത്തി വിവരങ്ങള്‍ ചോദിച്ചറിയുന്നതിനിടെ യുവാക്കളുടെ പെരുമാറ്റത്തില്‍ സംശയം തോന്നിയ പൊലീസ് കാര്‍ പരിശോധിച്ചു. കാറിനുള്ളില്‍ ഒളിപ്പിച്ച നിലയിലാണ് എംഡിഎംഎ കണ്ടെത്തിയത്. തുടര്‍ന്ന് മൂന്നുപേരെയും ചവറ പൊലീസ് സ്റ്റേഷനിലേക്ക് മാറ്റി. കൊല്ലം ജില്ലയിലെ ഏറ്റവും വലിയ സിന്തറ്റിക് ലഹരിമരുന്ന് വേട്ടയാണിത്.

സംഭവത്തില്‍ വിശദമായ അന്വേഷണത്തിനൊരുങ്ങി പോലീസ്.്. ഇപ്പോള്‍ പിടിയിലായവര്‍ വന്‍ മയക്കുമരുന്ന് റാക്കറ്റിന്റെ ഭാഗമാണെന്നാണ് പൊലീസിന്റെ സംശയം. ഇവര്‍ക്ക് എംഡിഎംഎ എത്തിച്ചു നല്‍കിയവരെക്കുറിച്ചും പൊലീസ് അന്വേഷിച്ചു വരുന്നു.