മാര്‍പാപ്പ പറയുന്നത് 300 രൂപ തരുന്നവരുടെ കൂടെനില്‍ക്കാനല്ല. കിലോയ്ക്ക് മുന്നൂറ് രൂപ തന്നാല്‍ മറ്റൊരു തത്വവുമില്ലെന്ന് പറയുന്നത് ക്രിസ്തീയവിശ്വാസമല്ല. തലശ്ശേരി അതിരൂപത ബിഷപ് മാര്‍ ജോസഫ് പാംപ്ലാനിയെ ക്രിസ്തുവചനം പഠിപ്പിക്കാനിറങ്ങി പൊളിറ്റ് ബ്യൂറോ അംഗം എംഎ ബേബി. ആണ്ടെകെടാ......വോട്ടുബാങ്ക് തകരുമെന്നായപ്പോള്‍ ബേബിച്ചായന്റെ സുവിശേഷം പ്രസംഗിക്കല്‍. പട്ടിണിയാണ് ബേബിച്ചായാ പ്രശ്‌നം,റബ്ബര്‍ കര്‍ഷകര്‍ എത്രകാലമെന്ന് വെച്ചാണിങ്ങനെ നിങ്ങളുടെ വാഗ്ദാനങ്ങള്‍ മാത്രം വിശ്വസിച്ചിരിക്കുന്നത്. ക്രിസതു പറഞ്ഞിട്ടുണ്ട് ഒരുകരണത്ത് അടിച്ചാല്‍ മറുകരണം കൂടി കാണിച്ച് കൊടുക്കണമെന്ന് അത് അനുസരിക്കുന്ന ആളാണോ ബേബി സഖാവ്. അല്ലാല്ലോ. വോട്ടിന് വേണ്ടി മാത്രം അരമന കയറി ഇറങ്ങുന്നവരാണ് ക്രിസ്റ്റിയാനിറ്റി പഠിപ്പിക്കാനിറങ്ങിയിരിക്കുന്നത്. കാലാകാലങ്ങളായ് റബ്ബര്‍ കര്‍ഷകര്‍ നട്ടംതിരിയുകയാണ്. കേന്ദ്ര ഇടപെടല്‍ ഉണ്ടായാലേ എന്തെങ്കിലും മാറ്റം ഉണ്ടാകൂ എന്ന് കര്‍ഷകര്‍ക്ക് തോന്നി. ഇപ്പറയുന്ന പിണറായി സര്‍ക്കാര്‍ എന്താണ് കര്‍ഷകരോട് കാണിക്കുന്നത്. കെഎം മാണി ധനകാര്യ മന്ത്രി ആയിരുന്നപ്പോള്‍ റബ്ബറിന് താങ്ങുവില 150 ആക്കി. ഞങ്ങള്‍ അധികാരത്തില്‍ വന്നാല്‍ 250 ആക്കുമെന്ന് പറഞ്ഞ് കര്‍ഷകരെ മോഹിപ്പിച്ച് വോട്ടുവാങ്ങി ജയിച്ചിട്ട് 250ഉം ഇല്ല, ഉണ്ടായിരുന്ന 150ഉം കൂടി കളഞ്ഞ് 120 ആക്കി ഒന്നാന്തരമായ് കര്‍ഷകരെ പറ്റിച്ച ടീംസാണ് ന്യായം പറയുന്നത്. ലേശം ഉളുപ്പുണ്ടോ.

കേരളത്തിലെ ക്രിസ്തുമത വിശ്വാസികള്‍ ക്രിസ്തുവിന്റെ നീതിബോധം പേറുന്നവരാണ്. അവര്‍ ബിഷപ്പിന്റെ വാക്കുകള്‍ക്ക് ചെവികൊടുക്കില്ലെന്ന് എംഎം ബേബി. ബിഷപ്പിന്റേത് ശാസ്ത്രിമാരുടേയും പരീശന്മാരുടേയും നീതിയാണെന്നും ബേബിച്ചായന്റെ രോദനം. ഫേസ്ബുക്കില്‍ പാംപ്ലാനിക്കെതിരെയും രൂപതയ്‌ക്കെതിരെയും പൊട്ടിത്തെറിക്കുകയായിരുന്നു എംഎം ബേബി.

പോസ്റ്റിങ്ങനെ.....

റബറിന്റെ വില കിലോയ്ക്ക് മുന്നൂറ് രൂപ ആക്കിയാല്‍ കേന്ദ്ര സര്‍ക്കാരിനെ പിന്തുണയ്ക്കാന്‍ കേരളത്തില്‍ നിന്ന് എംപി ഇല്ലാത്തതിന്റെ വിഷമം കുടിയേറ്റ ജനത മാറ്റിത്തരും,' എന്നു പറയുന്ന സീറോ മലബാര്‍ സഭയുടെ തലശ്ശേരി അതിരൂപതയുടെ ആര്‍ച്ച് ബിഷപ്പ് മാര്‍ ജോസഫ് പാംപ്‌ളാനിയുടേത് ശാസ്ത്രിമാരുടെയും പരീശന്മാരുടെയും നീതിയാണ്. നീ എനിക്ക് കിലോയ്ക്ക് മുന്നൂറ് രൂപ തന്നാല്‍ എനിക്ക് മറ്റൊരു തത്വവും ഇല്ല എന്ന് പറയുന്നത് ക്രിസ്തീയവിശ്വാസം അല്ല. നിങ്ങളുടെ നീതി ശാസ്ത്രിമാരുടെയും പരീശന്മാരുടെയും നീതിയെ കവിയുന്നില്ലെങ്കില്‍ നിങ്ങള്‍ സ്വര്‍ഗ്ഗരാജ്യത്തില്‍ കടക്കയില്ല എന്നു ഞാന്‍ നിങ്ങളോടു പറയുന്നു.' മത്തായിയുടെ സുവിശേഷം അഞ്ചാം അധ്യായം, വാക്യം ഇരുപത്. യേശു ക്രിസ്തു ഗലീലിയിലെ ഗിരിപ്രഭാഷണത്തില്‍ പറഞ്ഞതാണ് ഈ വാക്യം. കുടിയേറ്റക്കാരായാലും അല്ലെങ്കിലും കേരളത്തിലെ ക്രിസ്തുമതവിശ്വാസികള്‍ ക്രിസ്തുവിന്റെ നീതിബോധം പേറുന്നവരാണ്. അവര്‍ ആര്‍ച്ച് ബിഷപ്പ് മാര്‍ ജോസഫ് പാംപ്‌ളാനിയുടെ വാക്കുകള്‍ക്ക് ചെവി കൊടുക്കില്ല. ആര്‍എസ്എസ് സര്‍ക്കാര്‍ റബറിന്റെ വില കൂട്ടാന്‍ പോകുന്നില്ല എന്നത് എല്ലാവര്‍ക്കും അറിയാം. അവര്‍ കര്‍ഷകരെ കൂടുതല്‍ ഞെരുക്കണം എന്ന രാഷ്ട്രീയത്തിന്റെ നടത്തിപ്പുകാരാണ്. ഫാദര്‍ സ്റ്റാന്‍ സ്വാമിയേയോ ആക്രമിക്കപ്പെട്ട മറ്റു ക്രിസ്തീയ വിശ്വാസികളെയോ കുറിച്ചു മാത്രമല്ല ക്രിസ്ത്യാനികള്‍ ആലോചിക്കേണ്ടത്, നീതിയെക്കുറിച്ചാണ്. ആഗോള കത്തോലിക്കാ സഭയുടെ അധിപന്‍ ഫ്രാന്‍സിസ് മാര്‍പാപ്പയും വിശ്വാസികളോട് ആവശ്യപ്പെടുന്നത് നീതിയുടെ പക്ഷത്ത് നില്ക്കാന്‍ ആണ്. അല്ലാതെ മുന്നൂറ് രൂപയോ അധികാരത്തിന്റെ ശീതളശ്ചായയോ തരുന്നവരുടെ കൂടെ നില്ക്കാന്‍ അല്ല. ഇതായിരുന്നു എംഎം ബേബിയുടെ കുറിപ്പ്.

എംഎ ബേബിയുടെ ഈ രോദനം കര്‍ഷകരോടുള്ള സ്‌നേഹം കൊണ്ടോ ക്രിസ്റ്റിയാനിറ്റിയെ കുറിച്ചുള്ള വേവലാതി കൊണ്ടോ അല്ല. മറിച്ച് ക്രൈസ്തവര്‍ സിപിഎമ്മിനോട് ഇടയുന്നത് കൊണ്ടുള്ള പൊള്ളലാണ്. വോട്ടിന് വേണ്ടി അരമന കയറി ഇറങ്ങുന്നവര്‍ കാര്യം കഴിഞ്ഞാല്‍ ആ വഴിക്ക് തിരിഞ്ഞ് നോക്കില്ല. ക്രൈസ്തവരുടെ പ്രശ്‌നങ്ങള്‍ കാലാകാലങ്ങളായ് അവഗണിക്കുകയാണ് ഈ സര്‍ക്കാര്‍. മാത്രമല്ല കേരളത്തിലെ കര്‍ഷകരെ പച്ചയ്ക്ക് വഞ്ചിക്കുന്നു. അതിന്റെ തിരിച്ചടിയാണ് ഇപ്പോള്‍ ഉണ്ടായിരിക്കുന്നത്. കര്‍കരുടെ പ്രതിസന്ധി പരിഹരിക്കാന്‍ കേന്ദ്ര ഇടപെടല്‍ ഉണ്ടാകണമെന്ന് രൂപത ആവശ്യപ്പെടുന്നു. ക്രിസ്തീയ സമൂഹം ബിജെപിയോട് അടുക്കുന്നത് സിപിഎമ്മിനെ പൊള്ളിക്കുന്നു. വോട്ട് ബാങ്ക് തകരും ബിജെപി കേരളത്തില്‍ അക്കൗണ്ട് തുറക്കുമെന്ന ഭയത്തിലാണിപ്പോള്‍ സിപിഎം. എന്തായാലും സഭ സര്‍ക്കാരിനിട്ട് വെച്ചത് മുട്ടന്‍ പണി. ഉടനെ അരമനയ്ക്ക് വെച്ചുപിടിക്കും മുഖ്യമന്ത്രി പിണറായി വിജയന്‍