ഇ20 പെട്രോൾ മൂലം എൻജിൻ തകരാറിലായെന്ന കേസിൽ ഉപഭോക്താവിന് അനുകൂലമായ ചരിത്രവിധി പുറപ്പെടുവിച്ച് കോടതി. ഇ20 ഇന്ധനം ഉപയോഗിച്ചതിനെ തുടർന്ന് കാറിന്റെ എൻജിന് ഗുരുതരമായ കേടുപാടുകൾ സംഭവിച്ചെന്ന ഉപഭോക്താവിന്റെ പരാതി അംഗീകരിച്ചാണ് റായ്പൂർ ജില്ലാ ഉപഭോക്തൃ കോടതി വാഹന നിർമ്മാതാക്കൾക്കും ഡീലർക്കും എതിരെ ഉത്തരവിട്ടത്.

എഥനോൾ മിശ്രിത ഇന്ധനവുമായി ബന്ധപ്പെട്ട് രാജ്യത്ത് ഉണ്ടാകുന്ന ആദ്യ കോടതി വിധിയാണിത്. പരാതിക്കാരന് വാഹനം റിപ്പയർ ചെയ്യാൻ വേണ്ടി വന്ന ചിലവുകൾ നൽകാനായി കോടതി ഉത്തരവിട്ടു. ഇതിന് പുറമേ മാനസികമായുണ്ടായ പ്രയാസത്തിന് നഷ്ടപരിഹാരം നൽകാനും കോടതി ചെലവുകൾ കൊടുക്കാനും ഉത്തരവിട്ട് കോടതി.

 "