കണ്ണീര്‍ക്കാഴ്ചയായി.... കൂട്ടുകാരോടൊപ്പം കടലില്‍ കല്ലുമ്മക്കായ ശേഖരിക്കാനിറങ്ങിയ യുവാവ് മുങ്ങി മരിച്ചു. കടലില്‍ കല്ലുമ്മക്കായ ശേഖരിക്കാനിറങ്ങിയ യുവാലാണ് മുങ്ങി മരിച്ചത്.

കടുക്കബസാര്‍ അരയന്‍വളപ്പില്‍ ഹുസൈന്റെ മകന്‍ കമറുദ്ദീന്‍ (29) ആണ് ദാരുണമായി മരിച്ചത്. രാവിലെ എട്ടിനായിരുന്നു അപകടം നടന്നത്. സുഹൃത്തുക്കള്‍ക്കൊപ്പം ചാലിയം ബീച്ചില്‍ കല്ലുമ്മക്കായ ശേഖരിക്കാനിറങ്ങിയ കമറുദ്ദീന്‍ പെട്ടെന്നു കടലില്‍ മുങ്ങിപ്പോകുകയായിരുന്നു.

ഒപ്പമുണ്ടായിരുന്നവര്‍ ഉടന്‍ തിരച്ചില്‍ നടത്തി കമറുദ്ദീനെ കണ്ടെത്തി ചെറുവണ്ണൂരിലെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ഭാര്യയും മകളുമുണ്ട്.

അതേസമയം തമിഴ്‌നാട് നാഗര്‍കോവിലില്‍ വാഹനാപകടത്തില്‍ മലയാളികളായ റിട്ടയേര്‍ഡ് അധ്യാപകനും മകനും ദാരുണാന്ത്യം. കാരക്കോണം കന്നുമാമൂട് സ്വദേശി ജി.റസലിയന്‍ (66), മകന്‍ അരുണ്‍സാം (30) എന്നിവരാണ് മരിച്ചത്.

ചെന്നൈയില്‍ പോയി വരുന്ന വഴി ഇന്ന് പുലര്‍ച്ചെ രണ്ടരയ്ക്കായിരുന്നു അപകടം നടന്നത്. റോഡരികിലെ മരത്തില്‍ കാര്‍ ഇടിച്ചായിരുന്നു അപകടം സംഭവിച്ചത്.