ഇടിച്ചിട്ട് നിര്ത്താതെ പോകുന്ന വാഹനങ്ങളേയും വ്യക്തികളേയും കണ്ടെത്താന് ജില്ലതോറും പൊലീസിന്റെ സ്ക്വാഡ് രൂപീകരിക്കണമെന്ന ഉത്തരവുമായി ഹൈക്കോടതി
ഇടിച്ചിട്ട് നിര്ത്താതെ പോകുന്ന വാഹനങ്ങളേയും വ്യക്തികളേയും കണ്ടെത്താന് ജില്ലതോറും പൊലീസിന്റെ സ്ക്വാഡ് രൂപീകരിക്കണമെന്ന ഉത്തരവുമായി ഹൈക്കോടതി . സ്ക്വാഡ് പ്രവര്ത്തനം ജില്ലാ പൊലീസ് മേധാവിയുടെ നേരിട്ടുള്ള മേല്നോട്ടത്തില് നേരിട്ട് വേണം. അപകടമുണ്ടാക്കിയ വാഹനങ്ങള് കണ്ടെത്താനായി കഴിയാത്തതിനാല് ഇരകള്ക്ക് ഇന്ഷുറന്സ് തുക ഉള്പ്പെടെ നിഷേധിക്കപ്പെടുന്ന സാഹചര്യത്തിലാണ് ജസ്റ്റിസ് ജി ഗിരീഷിന്റെ ഈ ഉത്തരവ്.
റോഡ് അപകടമുണ്ടാക്കി വാഹനങ്ങള് കടന്നുകളഞ്ഞ സംഭവങ്ങള് ചൂണ്ടിക്കാട്ടിയുള്ള മൂന്ന് ഹര്ജികള് പരിഗണിച്ചാണ് കോടതി ഉത്തരവായത്. ജില്ല തോറുമുള്ള സ്ക്വാഡുകള് പരസ്പരം ഏകോപനത്തില് പ്രവര്ത്തിക്കേണ്ടതാണ്. പൊലീസ് ഉദ്യോഗസ്ഥര് ഇത്തരം സംഭവങ്ങള് സ്ക്വാഡിന്റെ ശ്രദ്ധയില്പ്പെടുത്താന് സംസ്ഥാന പൊലീസ് മേധാവി നിര്ദേശം നല്കേണ്ടതാണ്. സൈബര് പൊലീസിന്റെ സഹായവും ഉറപ്പാക്കുകയും വേണം. പൊതുജനങ്ങള്ക്ക് വിളിച്ചറിയിക്കാനായി സ്പെഷ്യല് സ്ക്വാഡിന്റെ ഫോണ് നമ്പറുകള് ലഭ്യമാക്കണമെന്നും നിര്ദേശിച്ചു.
റോഡില് ഇടിച്ചിട്ട് വാഹനം നിര്ത്താതെ പോകുന്ന അപകടങ്ങളില് ഇരകള്ക്ക് നഷ്ടപരിഹാരം ഉറപ്പാക്കാനുള്ള നിയമഭേദഗതി കേന്ദ്രസര്ക്കാര് ആലോചിക്കണമെന്നും കോടതി .
"
https://www.facebook.com/Malayalivartha
