ആരോഗ്യ പ്രവര്ത്തകരുടെ സുരക്ഷ ഉറപ്പാക്കുന്നതുമായി ബന്ധപ്പെട്ട് മുഖ്യമന്ത്രി അടിയന്തര യോഗം വിളിച്ചു.... നിയമ നിര്മ്മാണം അടക്കമുള്ള വിഷയങ്ങള് യോഗത്തില് ചര്ച്ച ചെയ്യും...
ആരോഗ്യ പ്രവര്ത്തകരുടെ സുരക്ഷ ഉറപ്പാക്കുന്നതുമായി ബന്ധപ്പെട്ട് മുഖ്യമന്ത്രി അടിയന്തര യോഗം വിളിച്ചു. നിയമ നിര്മ്മാണം അടക്കമുള്ള വിഷയങ്ങള് യോഗത്തില് ചര്ച്ച ചെയ്യും.
ഇന്ന് ഉച്ചക്ക് 3.30ന് മുഖ്യമന്ത്രിയുടെ കോണ്ഫറന്സ് ഹാളില് ആണ് യോഗം ചേരുക. ആരോഗ്യ വകുപ്പ് മന്ത്രി, ചീഫ് സെക്രട്ടറി, ആഭ്യന്തരസെക്രട്ടറി, ആരോഗ്യ വകുപ്പ് സെക്രട്ടറി, നിയമ സെക്രട്ടറി, മെഡിക്കല് വിദ്യാഭ്യാസ ഡയറക്ടര്, സംസ്ഥാന പോലീസ് മേധാവി, എ ഡി ജി പിമാര്, ബന്ധപ്പെട്ട മറ്റ് വകുപ്പ് തലവന്മാര് എന്നിവരുടെ അടിയന്തിര യോഗമാണ് ചേരുന്നത്. കൊട്ടാരക്കരയില് ഡോ. വന്ദന ദാസ് കൊല്ലപ്പെട്ട സാഹചര്യത്തിലാണ് ഉന്നതതല യോഗം ചേരുന്നത്.
അതേസമയം, വന്ദനയുടെ കൊലപാതകത്തില് വിവിധയിടങ്ങളില് പ്രതിഷേധം . വിവിധ സംഘടനകളുടെ നേതൃത്വത്തിലാണ് പ്രതിഷേധം നടക്കുന്നത്. അതിനിടെ, സംഭവത്തില് രൂക്ഷ വിമര്ശനം തുടരുകയായിരുന്നു ഹൈക്കോടതി. ഡോക്ടര്മാര് ഇന്നും സമരത്തിലല്ലേ എന്ന് കോടതി ചോദിച്ചു, എത്രയോ ആളുകളാണ് ചികിത്സക്കായി കാത്തുനില്ക്കുന്നത്, ഈ സമയത്ത് എന്തെങ്കിലും സംഭവിച്ചാല് എന്ത് ചെയ്യും, ഇപ്പോഴത്തേത് സമരമല്ലെന്നും ഡോക്ടര്മാരുടെ ഭയം കൊണ്ടാണെന്നും കോടതി പറഞ്ഞു.
"
https://www.facebook.com/Malayalivartha
