മകനു പിന്നാലെ അമ്മയും..... കോരപ്പുഴ പാലത്തിന് സമീപം കഴിഞ്ഞ ദിവസമുണ്ടായ വാഹനാപകടത്തില് പരിക്കേറ്റ് ചികിത്സയിലായിരുന്ന മഹിളാ കോണ്ഗ്രസ് കോഴിക്കോട് ജില്ലാ വൈസ് പ്രസിഡന്റ് എസ്.പി കൃഷ്ണവേണി മരിച്ചു
കോരപ്പുഴ പാലത്തിന് സമീപം കഴിഞ്ഞ ദിവസമുണ്ടായ വാഹനാപകടത്തില് പരിക്കേറ്റ് ചികിത്സയിലായിരുന്ന മഹിളാ കോണ്ഗ്രസ് കോഴിക്കോട് ജില്ലാ വൈസ് പ്രസിഡന്റ് എസ്.പി കൃഷ്ണവേണി മരിച്ചു.
കൃഷ്ണവേണിയുടെ മകന് അതുലും അതുലിന്റെ ഒരു വയസുള്ള മകന് അന്വിഖും അപകടത്തില് മരിച്ചിരുന്നു. അതുലിന്റെ ഭാര്യ മായ പരിക്കുകളോടെ ആശുപത്രിയില് ചികിത്സയിലാണ്. കെ മുരളീധരന് എംപിയുടെ ഡ്രൈവറാണ് മരിച്ച അതുല്.
കോരപ്പുഴ പാലത്തിന് സമീപം ഇവര് സഞ്ചരിച്ച ബൈക്കില് കാര് ഇടിച്ചായിരുന്നു അപകടം ഉണ്ടായത്. കോഴിക്കോട് കോരപ്പുഴ പാലത്തില് കഴിഞ്ഞ ദിവസം അര്ധരാത്രിയോടെ ആയിരുന്നു സംഭവം നടന്നത്.
അപകടത്തില് പരുക്കേറ്റ അതുലിന്റെ ഭാര്യ മായ, അമ്മ കൃഷ്ണവേണി എന്നിവരെയും കാര് യാത്രക്കാരായ രണ്ട് പേരെയും കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചിരിക്കുകയായിരുന്നു. എന്നാല് ഇന്ന് രാവിലെയോടെയാണ് കൃഷ്ണവേണി മരിച്ചത്. ഇടിയുടെ ആഘാതത്തില് സ്കൂട്ടര് പൂര്ണമായും തകര്ന്നനിലയിലാണ്. കാറിന്റെ മുന്വശവും തകര്ന്നു.
"
https://www.facebook.com/Malayalivartha
