കേരളം മയക്കുമരുന്ന ഹബ്ബായി മാറിയതിന് പിന്നില് പോലീസ് ഏമാന്മാരുടെ മക്കളുടെ പങ്ക് വ്യക്തമാക്കി കൊണ്ടാണ് ദേശീയ നര്ക്കോട്ടിക് കണ്ട്രോള് ബ്യൂറോ കേരള പോലീസിനെ സമീപിച്ചിരിക്കുന്നതെന്ന ഞെട്ടിക്കുന്ന വിവരമാണ് പുറത്തു വരുന്നത്. പോലീസ് ക്വോര്ട്ടേഴ്സുകള് കേന്ദ്രീകരിച്ച് സുരക്ഷിതമായി ലഹരി മരുന്നുകള് കൈമാറ്റം ചെയ്യപ്പെടുന്നതായുള്ള വിവരമാണ് അവര് നല്കിയത്
കേരളം മയക്കുമരുന്ന ഹബ്ബായി മാറിയതിന് പിന്നില് പോലീസ് ഏമാന്മാരുടെ മക്കളുടെ പങ്ക് വ്യക്തമാക്കി കൊണ്ടാണ് ദേശീയ നര്ക്കോട്ടിക് കണ്ട്രോള് ബ്യൂറോ കേരള പോലീസിനെ സമീപിച്ചിരിക്കുന്നതെന്ന ഞെട്ടിക്കുന്ന വിവരമാണ് പുറത്തു വരുന്നത്. പോലീസ് ക്വോര്ട്ടേഴ്സുകള് കേന്ദ്രീകരിച്ച് സുരക്ഷിതമായി ലഹരി മരുന്നുകള് കൈമാറ്റം ചെയ്യപ്പെടുന്നതായുള്ള വിവരമാണ് അവര് നല്കിയത്. അതൊടൊപ്പം കൊച്ചി സിറ്റി പോലീസ് കമ്മിഷണര് സേതുരാമന്റെ വെളിപ്പെടുത്തലും മയക്കു മരുന്നിന്റെ വിപണന ശൃംഖലയില് പോലീസ് ക്വോര്ട്ടേഴ്സുകളും ഉള്പ്പെടുന്നു എന്ന വിവരമാണ് പുറത്തു വരുന്നത്.
ലഹരി മരുന്നുകള് പോലീസ് ക്വാര്ട്ടേഴ്സുകളിലേയ്ക്കും കടന്നു കയറിയിരിക്കുന്നതായുള്ള കൊച്ചി സിറ്റി പോലീസ് കമ്മിഷണറുടെ വെളിപ്പെടുത്തലിന് പിന്നാലെ കസ്റ്റംസ് രംഗത്തെത്തിയതും പിണറായി സര്ക്കാരിന് നാണക്കേടായി മാറിയിരിക്കുകയാണ്. മണിചെയിന് മാതൃകയില് കേരളത്തില് ലഹരി വില്പന വ്യാപിക്കുന്നതായി കേന്ദ്ര ലഹരിവിരുദ്ധ ഏജന്സിയായ നര്കോട്ടിക് കണ്ട്രോള് ബ്യൂറോയുടെ ഇന്റലിജന്സ് വിഭാഗം റിപ്പോര്ട്ട് ചെയ്തിട്ട് മാസങ്ങളായി. ഇത്തരം കേസുകള് ശ്രദ്ധയില്പെട്ടതായി സംസ്ഥാന എക്സൈസ് ഇന്റലിജന്സ് വിഭാഗവും കസ്റ്റംസ് പ്രിവന്റീവ് വിഭാഗവും സ്ഥിരീകരിച്ചു. ലഹരിമരുന്നു വ്യാപനം തടയാന് കൊച്ചി, തിരുവനന്തപുരം, കോഴിക്കോട് നഗരങ്ങള് കേന്ദ്രീകരിച്ച് എക്സൈസ്-കസ്റ്റംസ് സംയുക്ത ഓപ്പറേഷനും നടപടി തുടങ്ങിയിരിക്കുകയാണ്.
ലഹരി ആവശ്യമുള്ള, എന്നാല് വാങ്ങാന് പണമില്ലാത്ത ഒരാള് സമീപിച്ചാല് ആ വ്യക്തിയോട്, വാങ്ങാന് പണമുള്ള 3 പേരെ പരിചയപ്പെടുത്താന് ലഹരി സംഘം ആവശ്യപ്പെടും. ഇതു ചെയ്താല് ആ 3 പേര്ക്കു വില്ക്കുന്ന ലഹരിപദാര്ഥത്തിന്റെ വിലയുടെ 30% തുക ഒന്നാമനു വാഗ്ദാനം ചെയ്യും.കച്ചവടം നടന്നാല് പണത്തിനു പകരം തുല്യവിലയ്ക്കുള്ള ലഹരിപദാര്ഥം ഒന്നാമനു നല്കും. ഇയാള് തന്നെ നാലാമതൊരാളെക്കൂടി പരിചയപ്പെടുത്തിയാല് നാലാമന് വാങ്ങുന്ന ലഹരിമരുന്നിന്റെ അതേ അളവില് ലഹരി സൗജന്യമായി നല്കും. അങ്ങനെ മണിചെയിന് പോലെ ലഹരി ശൃംഖല സൃഷ്ടിക്കപ്പെട്ടിരി്ക്കുകയാണ്. കേരളത്തില് ഗ്രാമപ്രദേശങ്ങളില് പോലും അപകടകരമായ വിധം ലഹരി വ്യാപനമുണ്ടാകാനുള്ള കാരണവും വില്പനസംഘങ്ങളുടെ ഈ ഗൂഢതന്ത്രമാണെന്ന നിഗമനത്തിലാണ് എന്സിബിയുടെ കേരള പോലീസിനെ സമീപിച്ചിരിക്കുന്നത്.
കേരളത്തിലേക്കു വന്തോതില് ലഹരിപദാര്ഥങ്ങള് എത്തി മണിക്കൂറുകള്ക്കകം അതു വില്പന ശൃംഖലയുടെ താഴെത്തട്ടുവരെ എത്താനുള്ള കാരണം മണി ചെയിന് മാതൃകയിലുള്ള വിതരണ രീതിയാണ്. ഇതില് കണ്ണിയായിരുന്ന യുവാവിനെ മാതാപിതാക്കള് പുനരധിവാസ കേന്ദ്രത്തിലെത്തിച്ചപ്പോഴാണ് അന്വേഷണ ഏജന്സികള്ക്ക് ഇതേക്കുറിച്ച് വിവരം ലഭിച്ചത്. കേരള പൊലീസിലെ സബ് ഇന്സ്പെക്ടറുടെ മകന് പ്രതിയായ ആലുവയിലെ ലഹരി കടത്തു കേസിലും ഈ രീതിയായിരുന്നു. കേസിലെ മുഖ്യപ്രതിയായ മകനെ വിദേശത്തേക്കു കടക്കാന് സഹായിച്ച എസ്ഐയെയും കേസില് പ്രതിയാക്കി റിമാന്ഡ് ചെയ്തിരുന്നു. കൊച്ചി കേന്ദ്രീകരിച്ചു പ്രവര്ത്തിക്കുന്ന ലഹരി സംഘത്തിന്റെ വിതരണ ശൃംഖലയിലെ രണ്ടാമത്തെ കണ്ണിയിലാണ് എസ്ഐയുടെ മകന് ഉള്പ്പെട്ടത്.
എല്ലാ റാങ്കുകളിലുള്ള പൊലീസ് ഉദ്യോഗസ്ഥന്മാരുടെ മക്കളിലും ലഹരി മരുന്ന് ഉപയോഗിക്കുന്നവര് ഉണ്ടെന്നും സംസ്ഥാനത്തെ ഒരു എസ്പിയുടെ രണ്ട് മക്കളും ലഹരിയ്ക്ക് അടിമയായെന്നും കൊച്ചി സിറ്റി പോലീസ് കമ്മിഷണര് കെ.സതുരാമന് പറഞ്ഞത് പോലീസ് ഓഫീസേഴ്സ് അസോസിയേഷന് സമ്മേളമത്തിലാണ്.
തിരുവനന്തപുരത്ത് ഒരു സഹപ്രവര്ത്തകന്റെ കുട്ടി ലഹരിമരുന്നിന് അടിമയായി മരിച്ചു. പൊലീസ് ക്വാര്ട്ടേഴ്സിലാണ് ഇതു സംഭവിച്ചത്. ലഹരിമരുന്നുപയോഗത്തില് ദേശീയ ശരാശരി 2.5% ആണെങ്കില് കേരളത്തില് 1.2% മാത്രമാണ്. ലഹരിമരുന്നുപയോഗം ഇവിടെ വലിയ പ്രതിസന്ധിയായിട്ടില്ല. എങ്കിലും പൊലീസ് ഉണര്ന്നു പ്രവര്ത്തിക്കേണ്ട സമയമാണിത്. കാര്യക്ഷമമായ പ്രതിരോധം ഒരുക്കി മുന്നോട്ടുപോകണം. -സേതുരാമന്റവെളിപ്പെടുത്തലിന്റെ ഭാഗമായി പോലീസ് ക്വാര്ട്ടേഴ്സുകളില് ഉള്പ്പടെ ലഹരി മരുന്ന് കേന്ദ്രങ്ങള് തേടിയിറങ്ങാന് കസ്റ്റംസ് വകുപ്പും സന്നദ്ധത ്അറിയിച്ചിട്ടുണ്ട്.
കുട്ടികളെ കൂട്ടത്തോടെ കൊന്നൊടുക്കുന്ന ലഹരി മാഫിയയ്ക്കെതിരെ കേരള പോലീസിനോ എക്സൈസിനോ വേണ്ട രീതിയില് പ്രവര്ത്തിക്കാന് കഴിയുന്നില്ല. സര്ക്കാരിന്റെ വിമുക്തി പദ്ധതിയും പൂര്ണ്ണ പരാജയമാണെന്നാണ് സമീപകാല സംഭവങ്ങള് തെളിയിക്കുന്നത്. എന്നാല് മയക്കുമരുന്നെത്തുന്നതും അതിന്റെ വിതരണവും സാധാരണക്കാരല്ലെന്നും അതിന്റെ ഉറവിടം ഉന്നത കേന്ദ്രങ്ങളാണെന്നും കേന്ദ്ര ഏജന്സികള് കണ്ടെത്തിയതോടെ പോലീസും വെട്ടിലായിരിക്കുകയാണ്. അമിത്ഷായുടെ നിര്ദ്ദേശ പ്രകാരം പ്രത്യേക സംഘത്തെ നിയോഗിച്ചതായാണ് പുറത്തു വരുന്ന വിവരം. കേരളത്തില് ഏതൊക്കെ പോലീസ് ഓഫീസിഴേസിന്റെ മക്കളാണ് കണ്ണികളായിട്ടുള്ളതന്ന് കണ്ടെത്തി ഉടന് റിപ്പോര്ട്ടു ന്ലകാനാണ് നിര്ദ്ദേശം നല്കിയിരിക്കുന്നതെന്നാണറിയുന്നത്. എന്തായാലും കേരളത്തിലെ പ്രശ്നങ്ങളില് ഇടപെടാന് കേന്ദ്രം സദാസന്നദ്ധമാണെന്ന മുന്നറിയിപ്പും അമിത് ഷാ നല്കുന്നുണ്ട്.
https://www.facebook.com/Malayalivartha
