മാപ്പിളപ്പാട്ട് കലകാരനും കൊണ്ടോട്ടി മാപ്പിളകലാ അക്കാഡമി മുന്‍ സെക്രട്ടറിയും സാംസ്‌കാരിക പ്രവര്‍ത്തകനുമായ റസാഖ് പയമ്പ്രോട്ടിനെ പഞ്ചായത്ത് ഓഫീസിന്റെ വരാന്തയില്‍ തൂങ്ങിമരിച്ച നിലയില്‍ കണ്ട സംഭവത്തില്‍ ഉള്ളുതൊടുന്ന കുറിപ്പുമായി മലപ്പുറം ഡി.സി.സി അദ്ധ്യക്ഷന്‍ വി.എസ്.ജോയി. സ്വന്തം വീടും സ്വത്തും സി പി എമ്മിന്റെ പേരില്‍ എഴുതി വെച്ച പാര്‍ട്ടി സ്‌നേഹി. ഇന്ന് ഒരു തുണ്ട് കയറില്‍ സി പി എം ഭരിക്കുന്ന പുളിക്കല്‍ പഞ്ചായത്ത് ഓഫീസില്‍ തൂങ്ങി മരിച്ചുവെന്ന് ജോയി ഫേസ്ബുക്കില്‍ കുറിച്ചു.

തന്റെ സഹോദരന്റെ മരണത്തിന് കാരണമായ വിഷലിപ്തമായ മാല്യന്യം പുറന്തള്ളുന്ന പ്ലാസ്റ്റിക് ഫാക്ടറിക്കെതിരെ നടപടി ആവശ്യപ്പെട്ട് നിരന്തരം പഞ്ചായത്ത് ഓഫീസില്‍ കയറിയിറങ്ങിയിട്ടും ജീവന് തുല്യം സ്‌നേഹിക്കുന്ന പാര്‍ട്ടിയില്‍ നിന്നും നീതി ലഭിക്കാതെ നിരാശനായി ആത്മഹത്യ ചെയ്ത ഈ മനുഷ്യന് നീതി കിട്ടണമെന്ന് ജോയി ആവശ്യപ്പെട്ടു.

വി.എസ്. ജോയിയുടെ ഫേസ്ബുക്ക് പോസ്റ്റ്

ഇത് റസാഖ് പയമ്പ്രോട്ട്.

സി പി എം ന്റെ സാംസ്‌കാരിക മുഖം.

പാര്‍ട്ടിക്കായി തൂലിക പടവാളാക്കിയ എഴുത്തുകാരന്‍,പത്രപ്രവര്‍ത്തകന്‍.

കവി മോയിന്‍കുട്ടി വൈദ്യര്‍ സ്മാരക അക്കാദമിയുടെ മുന്‍ സെക്രട്ടറി.

സ്വന്തം വീടും സ്വത്തും സി പി എം ന്റെ പേരില്‍ എഴുതി വെച്ച പാര്‍ട്ടി സ്‌നേഹി.

ഇന്ന് ഒരു തുണ്ട് കയറില്‍ സി പി എം ഭരിക്കുന്ന പുളിക്കല്‍ പഞ്ചായത്ത് ഓഫീസില്‍ തൂങ്ങി മരിച്ചു.

തന്റെ സഹോദരന്റെ മരണത്തിന് കാരണമായ വിഷലിപ്തമായ മാലിന്യം പുറന്തള്ളുന്ന പ്ലാസ്റ്റിക് ഫാക്ടറിക്കെതിരെ നടപടി ആവശ്യപ്പെട്ട് നിരന്തരം പഞ്ചായത്ത് ഓഫീസില്‍ കയറിയിറങ്ങിയിട്ടും ജീവന് തുല്യം സ്‌നേഹിക്കുന്ന പാര്‍ട്ടിയില്‍ നിന്നും നീതി ലഭിക്കാതെ നിരാശനായി ആത്മഹത്യ ചെയ്ത ഈ മനുഷ്യന് നീതി കിട്ടണം.

'മരണവും ഒരു സമരമാണ്' എന്ന് എഴുതിയ കുറിപ്പും

പരാതി കെട്ടുകളടങ്ങിയ ഫയലും കഴുത്തില്‍ കെട്ടിയാണ് തൂങ്ങി മരിച്ചത്.

ഉത്തരവാദികള്‍ക്കെതിരെ കൊലക്കുറ്റത്തിന് കേസെടുക്കണം.

നാളെ രാവിലെ പഞ്ചായത്തിലേക്ക് യൂ ഡി എഫിന്റെ പ്രതിഷേധ മാര്‍ച്ച്.