എഴുന്നെള്ളത്തിനായി ആനകളെ കൊണ്ടുപോകുന്നതിനിടെ ആനയ്ക്കും പാപ്പാനും മതിയായ വിശ്രമം ഉറപ്പാക്കണമെന്ന് ഹൈക്കോടതി
എഴുന്നെള്ളത്തിനായി ആനകളെ കൊണ്ടുപോകുന്നതിനിടെ ആനയ്ക്കും പാപ്പാനും മതിയായ വിശ്രമം ഉറപ്പാക്കണമെന്ന് ഹൈക്കോടതി.
എഴുന്നള്ളത്തിനും മറ്റും പോകുന്ന ആനകള്ക്കു ശരീരത്തിലെ ചൂടു കുറയ്ക്കാനായി ക്ഷേത്രങ്ങളില് സംവിധാനം വേണമെന്ന ആവശ്യവുമായി സൊസൈറ്റി ഫോര് എലിഫന്റ് വെല്ഫെയര് നല്കിയ ഹര്ജി പരിഗണിച്ചാണ് നിര്ദേശം.
ആക്ടിങ് ചീഫ് ജസ്റ്റിസ് എസ് വി ഭട്ടി, ജസ്റ്റിസ് ബസന്ത് ബാലാജി എന്നിവരുള്പ്പെട്ട ഡിവിഷന് ബെഞ്ചാണ് ഹര്ജി പരിഗണിച്ചത്. ക്ഷേത്രങ്ങളില് ആനകള്ക്കു കുളിക്കാന് വലിയ ടാങ്കുകള് നിര്മിക്കണമെന്നാണ് ആവശ്യം.
നിലവില് പൈപ്പില് നിന്നുള്ള വെള്ളം ഹോസ് ഉപയോഗിച്ച് ആനയുടെ ശരീരത്തു ചീറ്റിക്കുകയാണ് ചെയ്യുന്നത്. ഇക്കാര്യത്തില് സര്ക്കാരിനു ശ്രദ്ധയുണ്ടാകണമെന്നും ജില്ലാ തലത്തില് നിരീക്ഷണ സമിതി വേണമെന്നും കോടതി .
ഹര്ജിയില് സര്ക്കാരിനും തിരുവിതാംകൂര്, കൊച്ചി, മലബാര് ദേവസ്വം ബോര്ഡുകള്ക്കും ഗുരുവായൂര് ദേവസ്വത്തിനും കോടതി നോട്ടിസ് പുറപ്പെടുവിച്ചു.
https://www.facebook.com/Malayalivartha
