അരികൊമ്പന് തമിഴ്നാടിന്റെ നിയന്ത്രണത്തിലാണെന്നും ഉചിതമായ തീരുമാനം എടുക്കേണ്ടത് തമിഴ്നാട് സര്ക്കാര് ആണെന്നും വനം മന്ത്രി ...
അരികൊമ്പന് തമിഴ്നാടിന്റെ നിയന്ത്രണത്തിലാണെന്നും ഉചിതമായ തീരുമാനം എടുക്കേണ്ടത് തമിഴ്നാട് സര്ക്കാര് ആണെന്നും വനം മന്ത്രി എ കെ ശശീന്ദ്രന്.
കേരള വനം വകുപ്പുമായി തമിഴ്നാട് സര്ക്കാര് ആശയവിനിമയം നടത്തുന്നു്. ഹൈക്കോടതി നിയോഗിച്ച കമ്മീഷന്റെ ഉപദേശം ആവശ്യമാണ്. ഉള്വനത്തിലേക്ക് അയച്ചത് വനം വകുപ്പിന്റെ ആശയമായിരുന്നില്ലെന്നും വനം മന്ത്രി. ഉള്കാട്ടിലേക്ക് അയച്ചിട്ട് കാര്യമില്ല എന്ന നിലപാടാണ് സര്ക്കാര് സ്വീകരിച്ചത്.
അതിരു കവിഞ്ഞ ആന സ്നേഹത്തെ തുടര്ന്ന് ആന പ്രേമികള് ഹൈക്കോടതിയെ സമീപിച്ചത് കൊണ്ടുണ്ടായ സ്ഥിതിയാണിത്. ഇപ്പോള് അരികൊമ്പന് തമിഴ്നാട് അതിര്ത്തിയിലായതിനാല് തീരുമാനം തമിഴ്നാട് സര്ക്കാരിന്റേതെന്നും മന്ത്രി പറഞ്ഞു. കമ്പം ടൗണിലിറങ്ങിയ അരിക്കൊമ്പനെ തമിഴ്നാട് വനം വകുപ്പ് അധികൃതര് മയക്കുവെടി വെച്ചേക്കുമെന്നാണ് സൂചന. ഇതിന് മുന്നോടിയായി ആനയെ ആകാശത്തേക്ക് വെടിവെച്ച് തുരത്താന് വനം വകുപ്പ് ഉദ്യോഗസ്ഥര് ശ്രമിക്കുന്നുണ്ട്.
മുമ്പ് ജനവാസ മേഖലയില് അരിക്കൊമ്പന് ഇറങ്ങിയിരുന്നെങ്കിലും വലിയ പ്രശ്നങ്ങളൊന്നും ഉണ്ടാക്കിയിരുന്നില്ല. എന്നാല് ഇത്തവണ അതല്ല സ്ഥിതി. ആയിരക്കണക്കിനാളുകള് താമസിക്കുന്ന, മുനിസിപ്പാലിറ്റിയായ കമ്പം മേഖല പ്രധാന വാണിജ്യ കേന്ദ്രം കൂടിയാണ്. ഇവിടേക്ക് ആന എത്തുന്നത് വലിയ വെല്ലുവിളിയാണ് ഉണ്ടാക്കിയിരിക്കുന്നത്.
കമ്പം ടൗണില് വന്യമൃഗങ്ങള് ഇറങ്ങുന്ന പതിവില്ല. കേരളത്തിലും തമിഴ്നാട്ടിലും വന് വാര്ത്താ പ്രാധാന്യം നേടിയ അരിക്കൊമ്പന് ടൗണിലെത്തിയതറിഞ്ഞ് നിരവധി പേരാണ് കമ്പത്തേക്ക് പാഞ്ഞെത്തിയത്.
https://www.facebook.com/Malayalivartha
