കേരള അതിര്ത്തിയോടു ചേര്ന്ന് തമിഴ്നാട്ടിലെ കമ്പം ടൗണിലിറങ്ങി പരാക്രമം കാട്ടിയ കാട്ടാന അരിക്കൊമ്പനെ പിടികൂടാന് എല്ലാ വകുപ്പുകളും സഹകരിക്കണമെന്ന് തമിഴ്നാട് മുഖ്യമന്ത്രി എം.കെ.സ്റ്റാലിന്...
കേരള അതിര്ത്തിയോടു ചേര്ന്ന് തമിഴ്നാട്ടിലെ കമ്പം ടൗണിലിറങ്ങി പരാക്രമം കാട്ടിയ കാട്ടാന അരിക്കൊമ്പനെ പിടികൂടാന് എല്ലാ വകുപ്പുകളും സഹകരിക്കണമെന്ന് തമിഴ്നാട് മുഖ്യമന്ത്രി എം.കെ.സ്റ്റാലിന്. ജനങ്ങളെ ബുദ്ധിമുട്ടിക്കാതെ ആനയെ മാറ്റണമെന്ന് അദ്ദേഹം ആവശ്യപ്പെട്ടു.
അതേസമയം, അരിക്കൊമ്പനെ മയക്കുവെടി വച്ചേക്കുമെന്ന് സൂചനകള് . തല്ക്കാലം മയക്കുവെടി വച്ച് ഉള്വനത്തിലേക്ക് നീക്കാനാണ് തീരുമാനം. മയക്കുവെടി വയ്ക്കുന്ന തീയതി തീരുമാനിച്ചിട്ടില്ലെന്നും ആനമലയില് നിന്ന് കുങ്കിയാനകളെ എത്തിച്ചേക്കും.
ജനങ്ങള് പുറത്തിറങ്ങരുതെന്ന് പൊലീസ് മുന്നറിയിപ്പു നല്കി. തോക്കുമായി പൊലീസുകാര് രംഗത്തെത്തിയിട്ടുണ്ട്. ആകാശത്തേക്കു വെടിവച്ച് അരിക്കൊമ്പനെ കാട്ടിലേക്ക് ഓടിക്കാനാണു പൊലീസ് ശ്രമിക്കുന്നത്. അരിക്കൊമ്പനെ മയക്കുവെടി വയ്ക്കുന്ന കാര്യത്തില് പ്രാഥമിക തലത്തിലാണ് തീരുമാനമുണ്ടായിരിക്കുന്നത്. ഇതുമായി ബന്ധപ്പെട്ട മറ്റു വിശദാംശങ്ങള് തീരുമാനിക്കേണ്ടതുണ്ടെന്നാണ് ചീഫ് വൈല്ഡ് ലൈഫ് വാര്ഡന് ശ്രീനിവാസ് റെഡ്ഡി നല്കുന്ന വിവരം.
ആനയെ മയക്കുവെടി വച്ച് കുങ്കിയാനകളുടെ സഹായത്തോടെ പിടികൂടി ഉള്വനത്തിലേക്ക് മാറ്റാനാണ് ഇപ്പോഴുള്ള തീരുമാനം. കമ്പം ടൗണില് ഉള്പ്പെടെ ആന പരാക്രമം തുടരുന്ന സാഹചര്യത്തില് ഇതുമായി ബന്ധപ്പെട്ട അന്തിമ തീരുമാനമായിട്ടില്ല.
"
https://www.facebook.com/Malayalivartha
