ഒരു ദിവസത്തെ ക്ഷീണം അധ്വാനം ഇതെല്ലാം കഴിഞ്ഞ് ബസ്സിൽ ക്ഷീണത്തോടെ ഇരിക്കുമ്പോൾ ആയിരിക്കും അടുത്തിരിക്കുന്നവന്റെ കോപ്രായങ്ങൾ കൂടെ ഓരോ സ്ത്രീകളും നേരിടേണ്ടി വരുന്നത് ഇത് വല്ലാത്തൊരു കഷ്ടമാണ്.കെഎസ്ആർടിസി ബസിലെ പീഡനശ്രമങ്ങൾക്ക് ഒരു അയവും ഉണ്ടാകുന്നില്ല. വീണ്ടും യുവതിക്ക് നേരെ പീഡനശ്രമം ഉണ്ടായിരിക്കുകയാണ് . ഇന്നലെ രാത്രി 10 മണിക്ക് കാഞ്ഞിരംകുളം-പൂവാർ റൂട്ടിൽ സർവീസ് നടത്തിയ കെഎസ്ആർടിസി ബസിലാണ് സംഭവം ഉണ്ടായിരിക്കുന്നത്.

സംഭവവുമായി ബന്ധപ്പെട്ട് കാഞ്ഞിരംകുളം സ്വദേശി രഞ്ജിത്തിനെ നെയ്യാറ്റിൻകര പൊലീസ് കസ്റ്റഡിയിലെടുക്കുകയുണ്ടായി. ജോലി കഴിഞ്ഞ് വീട്ടിലേക്ക് മടങ്ങിയ നഴ്‌സിനോട് പല തവണ മോശമായി പെരുമാറിയെന്നാണ് പരാതിയിൽ വ്യക്തമാക്കിയിരിക്കുന്നത് . യുവതി വിവരം ബന്ധുക്കളെ ഉടനെ അറിയിച്ചു . ഇവരെത്തി ബസ് തടഞ്ഞുനിർത്തി രഞ്ജിത്തിനെ പിടികൂടി . പ്രതിയെ പിന്നീട് പൊലീസിന് കൈമാറുകയായിരുന്നു.

അതേസമയം ബസിനുള്ളിലെ പീഡനശ്രമങ്ങൾ നാം നേരത്തെ അറിഞ്ഞതാണ്, മലപ്പുറത്ത് കെഎസ്ആർടിസി ബസിൽ യുവതിക്ക് നേരെ പീഡനശ്രമം. കാഞ്ഞങ്ങാട് പത്തനംതിട്ട ബസിലാണ് ഈ സംഭവം ഉണ്ടായത് . യുവതിയുടെ പരാതിയിൽ കണ്ണൂർ സ്വദേശി നിസാമുദ്ദീൻ അറസ്റ്റിലായിരിക്കുകയാണ് . ഇന്നലെ രാത്രി മലപ്പുറം വളാഞ്ചേരിയിൽ എത്തിയപ്പോഴായിരുന്നു ഇത്തരത്തിലൊരു സംഭവം ഉണ്ടായത് . യുവതിയോട് ഇയാള്‍ അപമര്യാദയായി പെരുമാറുകയായിരുന്നു. തുടര്‍ന്ന് യുവതി എമര്‍ജന്‍സി നംപറില്‍ വിളിച്ച് പരാതി പറഞ്ഞു . വളാഞ്ചേരിയില്‍ വെച്ച് പൊലീസെത്തി ഇയാളെ അറസ്റ്റ് ചെയ്തത്.