വീണ്ടും ആരോഗ്യ വകുപ്പിനെ വെട്ടിലാക്കുന്ന ഒരു സംഭവമാണ് ഉണ്ടായിരിക്കുന്നത്. പ്രസവ ശസ്ത്രക്രിയക്ക് ശേഷം വയറ്റിൽ പഞ്ഞി മറന്നുവെച്ചതായി പരാതി ഉന്നയിച്ച് യുവതി രംഗത്ത് . പാലക്കാട് പാലന ആശുപത്രിയിൽ പാലക്കാട് സ്വദേശി ഷബാനയാണ് പരാതിക്കാരി. ആശുപത്രിക്കെതിരെയും ആരോഗ്യമന്ത്രി വീണ ജോർജിനും ജില്ലാ കളക്ടർക്കുമെതിരെയാണ് പരാതി നൽകിയിരിക്കുന്നത്. ഷബാനയുടെ പ്രസവ ശസ്ത്രക്രിയ നടന്നത്, ഈ മാസം ഒമ്പതാം തിയതിയായിരുന്നു. ശസ്ത്രക്രിയ കഴിഞ്ഞ ഉടന്‍ തന്നെ വയറുവേദന ഉണ്ടായി. അത് ഡോക്ടറെ അറിയിച്ചു .

പക്ഷേ പ്രസവ ശസ്ത്രക്രിയ കഴിഞ്ഞാല്‍ വയറുവേദന സ്വഭാവികമാണെന്നും നടന്ന് കഴിയുമ്പോള്‍ വേദന മാറുമെന്നുമായിരുന്നു ഡോക്ടര്‍ പറഞ്ഞത്. ഇന്നലെ ഷബാന ഡിസ്ചാര്‍ജായി വീട്ടില്‍ എത്തി. ഇന്ന് രാവിലെ മൂത്രമൊഴിച്ചപ്പോൾ പഞ്ഞി പുറത്ത് വന്നുവെന്നാണ് ഷബാന പറയുന്നത്. നിലവില്‍ ആരോഗ്യമന്ത്രിക്കും ജില്ലാ കളക്ടർക്കുമാണ് ഇവര്‍ പരാതി നല്‍കിയിരിക്കുന്നത്.

അതേസമയം കോഴിക്കോട് മെഡിക്കല്‍ കോളേജ് ആശുപത്രിയിൽ താമരശേരി സ്വദേശിനി ഹർഷിന എന്ന വീട്ടമ്മയുടെ വയറ്റിൽ കത്രിക മറന്നു വച്ചത് ആർക്കും മറക്കാനാകില്ല. 2017ലാണ് പ്രസവ ശസ്ത്രക്രിയ നടന്നത്. ശസ്ത്രകിയ വിജയകരമായെങ്കിലും പിന്നീട് യുവതിക്ക് അസ്വസ്തതകൾ ഉണ്ടായി.പിന്നട് നടന്ന പരിശോധനയിലാണ് യുവതിയുടെ വയറ്റിൽ കത്രിക കണ്ടെത്തുകയും ഇത് പുറത്തെടുക്കുകയും ചെയ്തത്.