മണിപ്പുരില് വീണ്ടും സംഘര്ഷം... മരണസംഖ്യ ഉയരുന്നു... നിരവധി പേര്ക്ക് പരുക്ക്, സംഘര്ഷം പൊട്ടിപ്പുറപ്പെട്ടതോടെ വിവിധ പ്രദേശങ്ങളില് കര്ഫ്യൂവിന് ഏര്പ്പെടുത്തിയ ഇളവുകള് പിന്വലിച്ചു
മണിപ്പുരില് വീണ്ടും സംഘര്ഷം... മരണസംഖ്യ ഉയരുന്നു... നിരവധി പേര്ക്ക് പരുക്ക്, സംഘര്ഷം പൊട്ടിപ്പുറപ്പെട്ടതോടെ വിവിധ പ്രദേശങ്ങളില് കര്ഫ്യൂവിന് ഏര്പ്പെടുത്തിയ ഇളവുകള് പിന്വലിച്ചു.
കഴിഞ്ഞ ഇരുപത്തിനാലു മണിക്കൂറിനിടെ ഒമ്പതു പേര് കൊല്ലപ്പെട്ടതായാണ് റിപ്പോര്ട്ട്. സംഘര്ഷത്തില് നിരവധി പേര്ക്ക് പരിക്കേല്ക്കുകയും ചെയ്തു. ഖാമെന്ലോക് മേഖലയിലാണ് സംഘര്ഷം പൊട്ടിപ്പുറപ്പെട്ടത്.
കലാപകാരികള് വ്യാപക അക്രമമാണ് അഴിച്ചുവിട്ടത്. ഇരുവിഭാഗങ്ങള് തമ്മിലുണ്ടായ വെടിവെപ്പിലാണ് ഒമ്പതുപേരും കൊല്ലപ്പെട്ടതെന്ന് സൈന്യം വ്യക്തമാക്കി. കൊല്ലപ്പെട്ടവരുടെ ശരീരത്തില് മാരകമായ മുറിവുകളും വെടിയേറ്റ ഒന്നിലധികം പാടുകളും കണ്ടെത്തി. പരിക്കേറ്റ പലരും ഗുരുതരാവസ്ഥയില് തുടരുന്നതിനാല് മരണസംഖ്യ ഇനിയും കൂടിയേക്കാമെന്നാണ് റിപ്പോര്ട്ടുകള് വ്യക്തമാക്കുന്നത്.
മണിപുരില് മെയ്തി, കുകി സമുദായാംഗങ്ങള് തമ്മില് മാസങ്ങളായി തുടരുന്ന സംഘര്ഷത്തിന് ഏതാനും ദിവസങ്ങളായി അയവുവന്നിരുന്നു. സമാധാനശ്രമങ്ങള് നടക്കുന്നതിനിടെയാണ് വീണ്ടും സംഘര്ഷം പൊട്ടിപ്പുറപ്പെട്ടിരിക്കുന്നത്.
"
https://www.facebook.com/Malayalivartha
