യുവാവിന് രക്ഷകരായി ആ കരങ്ങള്..... ആലപ്പുഴയില് ആംബുലന്സ് ജീവനക്കാരുടെ സമയോചിത ഇടപെടല് അപകടത്തില് പെട്ട യുവാവിന്റെ ജീവന് രക്ഷിച്ചു
യുവാവിന് രക്ഷകരായി ആ കരങ്ങള്..... ആലപ്പുഴയില് ആംബുലന്സ് ജീവനക്കാരുടെ സമയോചിത ഇടപെടല് അപകടത്തില് പെട്ട യുവാവിന്റെ ജീവന് രക്ഷിച്ചു.
അപകടത്തില് പെട്ട ഇരുചക്ര വാഹന യാത്രക്കാരനായ ചെന്നിത്തല റൂബന് വില്ലയില് റൂബന്(18) നെയാണ് ആംബുലന്സ് ഡ്രൈവര് സ്വാലിഹ്, ആബുലന്സ് ജീവനക്കാരന് സുഹൈല് എന്നിവരുടെ ഇടപെടല് മൂലം ജീവന് തിരിച്ച് കിട്ടിയത്. തിരുവല്ലാ - കായംകുളം സംസ്ഥാന പാതയില് മാന്നാര് കോയിക്കല് ജങ്ഷന് തെക്ക് വശത്ത് വെച്ചാണ് അപകടം സംഭവിച്ചത്.
കുടിവെള്ള പൈപ്പ് ഇടുന്നതിനായി എടുത്ത കുഴി മൂടിയതിന്റെ ഭാഗമായി ഉയര്ന്ന് കിടന്ന മണ്ണില് കയറി റൂബന് സഞ്ചരിച്ച സ്കൂട്ടര് നിയന്ത്രണം തെറ്റി റോഡിലേക്ക് തെറിച്ച് വീണു. പരുമല ആശുപത്രിയില് രോഗിയെ ഇറക്കി തിരികെ വരികയായിരുന്നു ആംബുലന്സ്.
അപകടം കണ്ട് ഉടനെ വാഹനം നിര്ത്തി സ്വാലിഹും സുഹൈലും റോഡില് വീണു കിടന്ന യുവാവിനെ എടുക്കാന് ശ്രമിച്ചു. അപ്പോഴാണ് വയറിന് താഴെയുണ്ടായ വലിയ മുറിവില് നിന്നും അമിതമായ രക്തം പോകുന്നതായി ശ്രദ്ധയില് പെട്ടത്. ഉടന് തന്നെ ആംബുലന്സ് തിരിച്ച് അതില് കയറ്റി നിമിഷനേരം കൊണ്ട് പരുമല ആശുപത്രിയില് എത്തിച്ചു
പരിക്കേറ്റ റൂബനെ പരുമല ആശുപത്രിയില് അടിയന്തര ശസ്ത്രക്രിയക്ക് വിധേയമാക്കി. വലിയ അപകടം ആണെന്ന് കരുതിയില്ലെന്നും വാഹനം നിര്ത്തി അപകടം പറ്റിയ ആളിനെ എടുത്തപ്പോഴാണ് അപകടത്തിന്റെ ഗുരുതരാവസ്ഥ മനസിലായതെന്ന് കറ്റാനം, ചൂനാട് കേന്ദ്രമായി പ്രവര്ത്തിക്കുന്ന മെഡ് വിങ്ങ്സ് കമ്പനിയുടെ ആംബുലന്സ് ഡ്രൈവര് സ്വാലിഹും ജീവനക്കാരന് സുഹൈലും പറയുന്നു.
സംസ്ഥാന പാതയിലും മാന്നാര് പഞ്ചായത്തിലെ ഇട റോഡുകളിലും കുടിവെള്ള പൈപ്പ് ഇടാനായി എടുത്ത കുഴി മൂടിയ മണ്ണ് ഉയര്ന്ന് കിടക്കുന്നത് അപകടത്തിനിടയാക്കുന്നു.
" f
https://www.facebook.com/Malayalivartha
