പ്രധാനമന്ത്രി നരേന്ദ്രമോദിയെ സ്വീകരിക്കാനുള്ള ഒരുക്കങ്ങളിലാണ് അമേരിക്ക . വാഷിംഗ്ടൺ ഡിസിയിൽ, എല്ലായിടത്തും അമേരിക്കൻ പതാകയ്‌ക്കൊപ്പം ഇന്ത്യൻ പതാകയും സ്ഥാപിച്ചിട്ടുണ്ട് . വൈറ്റ് ഹൗസിന് പുറത്ത് ത്രിവർണ്ണ പതാക പറക്കുന്നത് കാണുമ്പോൾ അഭിമാനം ഉണരുന്നതായി ന്യൂജേഴ്‌സിയിൽ താമസിക്കുന്ന ഇന്ത്യൻ വംശജർ പറയുന്നു .ജൂൺ 20 മുതൽ 24 വരെയാണ് നരേന്ദ്ര മോദി അമേരിക്ക സന്ദർശിക്കുന്നത്. ന്യൂയോർക്കിൽ നിന്നാണ് യാത്ര ആരംഭിക്കുന്നത്. വൈറ്റ് ഹൗസ് ക്ഷണിക്കുന്ന രണ്ടാമത്തെ ഇന്ത്യൻ പ്രധാനമന്ത്രിയാണ് പ്രധാനമന്ത്രി നരേന്ദ്രമോദി. വൈറ്റ് ഹൗസിൽ നിന്ന് മൂന്ന് മിനിറ്റ് മാത്രം അകലെയുള്ള പ്രശസ്തമായ ബ്ലെയർ ഹൗസിലാണ് മോദി തങ്ങുന്നത്.അമേരിക്കൻ പ്രസിഡന്റിന്റെ നേരിട്ടുള്ള ഭരണത്തിൻ കീഴിലാണ് ബ്ലെയർ ഹൗസ് .190 വർഷമായി അമേരിക്കയുടെ ചരിത്രത്തിന് സാക്ഷ്യം വഹിക്കുകയാണ് ബ്ലെയർ ഹൗസ്. ഇവിടെയാണ് എബ്രഹാം ലിങ്കൺ തന്റെ ജീവിതത്തിലെ ചില സ്വകാര്യ നിമിഷങ്ങൾ പങ്കുവെച്ചത്.

രണ്ടാം ലോക മഹായുദ്ധം അവസാനിച്ച ശേഷം അമേരിക്കൻ പ്രസിഡന്റ് ഹാരി ട്രൂമാൻ ഇവിടെയിരുന്നാണ് ഭാവി തന്ത്രങ്ങൾ ചർച്ച ചെയ്തത് .ആദ്യം ബ്ലെയർ ഹൗസ് ഒരു സ്വകാര്യ ഹൗസായിരുന്നു, എന്നാൽ 1942-ൽ അന്നത്തെ പ്രസിഡന്റ് ഫ്രാങ്ക്ലിൻ റൂസ്വെൽറ്റിന്റെ നേതൃത്വത്തിലുള്ള അമേരിക്കൻ സർക്കാർ ഇത് വാങ്ങി.1824-ൽ അമേരിക്കൻ ആർമി സർജൻ ജനറൽ ജോസഫ് ലോവലിന്റെ വീടായാണ് ഈ കെട്ടിടം നിർമ്മിച്ചത്.1836-ൽ അമേരിക്കയുടെ ഏഴാമത്തെ പ്രസിഡന്റായ ആൻഡ്രൂ ജാക്സൺ ഇത് വാങ്ങി.അന്നുമുതൽ അതിന്റെ പേര് ബ്ലെയർ ഹൗസ് എന്നാണ്. ബ്ലെയർ ഹൗസ് കൊട്ടാരസമാനമായ ഒരു കെട്ടിടമാണ്.നിരവധി സിറ്റിംഗ് റൂമുകൾക്കും കോൺഫറൻസ് റൂമുകൾക്കും പുറമെ ഒമ്പത് കിടപ്പുമുറികൾ, നാല് ഡൈനിംഗ് റൂമുകൾ, 14 അതിഥി മുറികൾ, 35 ബാത്ത്റൂമുകൾ, ഒരു ഹെയർ സലൂൺ, വ്യായാമ മുറി എന്നിവയുണ്ട്.

ലോക യോഗ ദിനമായ ജൂൺ 21ന് യുഎൻഒ ആസ്ഥാനത്ത് അദ്ദേഹം യോഗ ക്യാമ്പിന് നേതൃത്വം നൽകും. വൈകുന്നേരം വാഷിംഗ്ടൺ ഡിസിയിൽ എത്തുന്ന മോദിയെ ഗാർഡ് ഓഫ് ഓണർ നൽകി സ്വീകരിക്കും.ജൂൺ 21 ന് രാത്രി വൈറ്റ് ഹൗസിൽ ബൈഡൻ ദമ്പതികൾ മോദിയ്‌ക്ക് വിരുന്ന് നൽകും . ജൂൺ 23ന് ഉപരാഷ്‌ട്രപതി കമലാ ഹാരിസും വിദേശകാര്യ മന്ത്രി ആന്റണി ബിൽഡനും മോദിയ്‌ക്ക് വിരുന്ന് നൽകും . ഔദ്യോഗിക പരിപാടികൾക്ക് പുറമെ യുഎസ് കമ്പനികളുടെ സിഇഒമാരുമായും മറ്റ് പങ്കാളികളുമായും പ്രധാനമന്ത്രി ചർച്ച നടത്തും. അതിന് ശേഷം വാഷിംഗ്ടണിലെ ഇന്ത്യൻ വംശജരെയും അദ്ദേഹം കാണും.പ്രധാനമന്ത്രി നരേന്ദ്രമോദിയുടെ ഔദ്യോഗിക യുഎസ് സന്ദർശനം ചരിത്രപരമെന്ന് അമേരിക്കയിലെ ഇന്ത്യൻ അംബാസഡർ തരൺജിത് സിംഗ് സന്ധു. വരാനിരിക്കുന്നത് അമേരിക്കൻ ഐക്യനാടുകളിൽ സാധാരണമല്ലാത്തൊരു സന്ദർശനമാണെന്നും ഇത് ഇന്ത്യക്കും പ്രധാനമന്ത്രിക്കും ബഹുമതിയാണെന്നും അദ്ദേഹം പറഞ്ഞു.