സർക്കാരിനെ വെല്ലുവിളിച്ച് ഗവർണർ ആരിഫ് മുഹമ്മദ് ഖാൻ. സർവ്വകലാശാല ബില്ലുകൾ ഒപ്പിടില്ലെന്നാണ് അദ്ദേഹം പറഞ്ഞിരിക്കുന്നത്. തന്റെ കാലയളവിൽ ബില്ലിൽ ഒപ്പിടില്ലെന്നു അദ്ദേഹം വ്യക്തമാക്കി. ഗവർണറുടെ ഈ വെല്ലുവിളി അക്ഷരാർത്ഥത്തിൽ സര്ക്കാരിന് കനത്ത പ്രഹരമായിരിക്കുകയാണ് . ഗവർണർ ഒപ്പിട്ടാൽ നിയമമാകാൻ കാത്തിരിക്കുന്ന സുപ്രധാന ബില്ലുകളിൽ ഒന്നാണ് സർവ്വകലാശാല ബില്ലുകൾ.

ഗവർണറെ സർവകലാശാലകളുടെ ചാൻസലർ സ്ഥാനത്തുനിന്നു മാറ്റുന്ന ബില്ലിൽ അദ്ദേഹം ഇത് വരെ തീരുമാനമെടുത്തില്ല. ബിൽ രാഷ്ട്രപതിയുടെ അനുമതിക്കായി അയക്കുന്ന കാര്യം ഉൾപ്പെടെ പരിഗണനയിലാണെന്നു ഗവർണർ വ്യക്തമാക്കിയിരുന്നു സർവകലാശാലകളുടെ ചാൻസലർ സ്ഥാനത്തുനിന്ന് ഗവർണറെ നീക്കുന്ന ബില്ലിൽ സ്വയം തീരുമാനമെടുക്കുന്നത് ഉചിതമല്ലെന്നതാണ് ഗവർണ്ണറുടെ പക്ഷം.

സർവകലാശാലാ ഭേദഗതി ബിൽ യുജിസി. മാർഗരേഖയ്ക്കു വിരുദ്ധമാണെന്നും ഗവർണ്ണർ വ്യക്തമാക്കിയിട്ടുണ്ട്. രാഷ്ട്രപതിക്ക് ഈ ബില്ലുകൾ അയച്ചാൽ നടപടിക്രമങ്ങൾ ഇനിയും വൈകും. ചാൻസലർ ബില്ലിൽ തനിക്ക് യാതൊരു തീരുമാനമെടുക്കാൻ ആകില്ല എന്ന കാര്യം നേരത്തെ ആവർത്തിച്ചു പറഞ്ഞിരുന്നു ഗവർണർ.