മന്ത്രി ആന്റണി രാജുവിന്റെ അടുത്ത അറ്റ കൈ പ്രയോഗം. ഉത്സവ ദിനങ്ങളിൽ ടിക്കറ്റ് നിരക്ക് വർദ്ധിപ്പിക്കുന്നതിനായൊരുങ്ങി കെഎസ്ആർടിസി. ഇതിന് മുന്നോടിയായി ഓണത്തിന് നിരക്ക് വർദ്ധനവ് പ്രാബല്യത്തിൽ വരും. ഉത്സവ ദിനങ്ങളിൽ 30 ശതമാനം വരെ ടിക്കറ്റ് നിരക്കാണ് ഉയർത്തുന്നത്. എക്സ്പ്രസ് മുതലുള്ള സൂപ്പർ ഫാസ്റ്റ് ബസുകളിൽ മാത്രമാണ് നിരക്ക് വർദ്ധന നടപ്പാക്കുന്നത്.സിം​ഗിൾ ബർത്ത് ടിക്കറ്റുകളുടെ നിരക്കിൽ അഞ്ച് ശതമാനം വർദ്ധനവും ഉണ്ടായിരിക്കുന്ന‌താണ്. ഓഗസ്റ്റ്, സെപ്റ്റംബർ, ഒക്ടോബർ മാസങ്ങളിലാണ് നിരക്ക് വർദ്ധന നടപ്പിലാക്കുന്നത്. എന്നാൽ ഉത്സവദിനങ്ങളല്ലാത്ത ചൊവ്വ, ബുധൻ, വ്യാഴം ദിവസങ്ങളിലെ ടിക്കറ്റ് നിരക്കിൽ കുറവുവരുത്താനും തീരുമാനമുണ്ട്. ഈ ദിവസങ്ങളിൽ 15 ശതമാനം വരെയാണ് നിരക്കിൽ വ്യത്യാസം വരുത്തുക.

വന്ദേഭാരത് അടക്കമുള്ള ട്രെയിനുകൾക്ക് റെയിൽവേ ടിക്കറ്റ് നിരക്കിൽ 25 ശതമാനം ഇളവ് നൽകുന്നു എന്ന വാർത്ത പുറത്ത് വന്നതിന് പിന്നാലെയാണ് കെഎസ്ആർടിസി നിരക്ക് വർദ്ധിപ്പിക്കുന്നത്. എസി ചെയർകാർ, എക്സിക്യൂട്ടീവ് ക്ലാസ് എന്നിവയിലാണ് ഇളവ് നൽകുക. വന്ദേഭാരത് അടക്കമുള്ള ട്രെയിനുകൾക്ക് ബാധകമായിരിക്കുമെന്നും പുതിയ നിരക്ക് ഉടൻ നിലവിൽ വരുമെന്നും അധികൃതർ അറിയിച്ചു.കെഎസ്ആര്‍ടിസി സ്വിഫ്റ്റ് ബസിന് പിഴയിട്ട് മോട്ടോര്‍ വാഹന വകുപ്പ്. സ്വിഫ്റ്റിന്റെ ലക്ഷ്വറി സര്‍വീസായ ഗജരാജ് ബസിനാണ് എംവിഡി പിഴയിട്ടത്.കൂളിങ് ഫിലിം ഒട്ടിച്ചതിനാണ് പിഴ.കഴിഞ്ഞമാസം തിരുവനന്തപുരം കഴക്കൂട്ടം കണിയാപുരം ദേശീയ പാതയില്‍വെച്ചാണ് പിഴയിട്ടത്. പിഴ നോട്ടീസ് കെഎസ്ആര്‍ടിസിക്ക് അയച്ചുകൊടുത്തു. 250 രൂപയാണ് പിഴ.നേരത്തെ, മോട്ടോര്‍ വാഹനവകുപ്പും വൈദ്യുതി വകുപ്പും പിഴചുമത്തുന്നതും ഫ്യൂസ് ഊരുന്നതും വാര്‍ത്തകളില്‍ നിറഞ്ഞിരുന്നു. തോട്ടിയും മറ്റുമായി പോകുന്ന കെഎസ്ഇബി വാഹനങ്ങള്‍ക്ക് എംവിഡി ക്യാമറയില്‍ പിടിച്ച് പിഴയിട്ടതും, ബില്‍ കുടിശ്ശിക ചൂണ്ടിക്കാട്ടി കെഎസ്ഇബി.

ഫ്യൂസ് ഊരുന്നതും ചര്‍ച്ചയായിരുന്നു.വയനാട്ടിൽ തോട്ടിയുമായി പോയ കെഎസ്ഇബി വാഹനത്തിന് ആർടിഒ പിഴയിട്ടതായിരുന്നു കെഎസ്ഇബി-എംവിഡി പോരിന് ആരംഭം കുറിച്ചത്. പിന്നാലെ വൈദ്യുതി ബിൽ കുടിശ്ശികയുള്ള എംവിഡി ഓഫീസുകൾ തേടുകയാണ് കെഎസ്ഇബി. കൽപ്പറ്റയിലെ ആർടി ഓഫീസിലെ ഫ്യൂസൂരിയതിന് പിന്നാലെ കാസർകോട് കറന്തക്കാട്ടെ ആർടിഒ എൻഫോഴ്സ്മെന്റ് ഓഫീസിലേക്കുളള വൈദ്യുതി ബന്ധവും വിച്ഛേദിച്ചിരുന്നു.