കോണ്ഗ്രസിനെ കുരുക്കാന് 'കുതുകാല്വെട്ട്...സി.പി.എമ്മിന് അവസാനം പിടിവള്ളി കിട്ടി....അതിനവസരം ഒരുക്കികൊടുത്ത പ്രധാനമന്ത്രി നരേന്ദ്രമോദിയോടും, ബി.ജെ.പിയോടും എത്ര നന്ദി പറഞ്ഞാലും മതിയാകില്ല...
കോണ്ഗ്രസിനെതിരെ നാറിയ കളികളെല്ലാം കളിച്ച് നാണക്കേടില് മുങ്ങിത്താണുകൊണ്ടിരുന്ന സി.പി.എമ്മിന് അവസാനം പിടിവള്ളി കിട്ടി. അതിനവസരം ഒരുക്കികൊടുത്ത പ്രധാനമന്ത്രി നരേന്ദ്രമോദിയോടും ബി.ജെ.പിയോടും എത്ര നന്ദി പറഞ്ഞാലും മതിയാകില്ല. മോദിജി കേന്ദ്രത്തിലും കേരളത്തില് ഞങ്ങളും എന്നതാണ് സി.പി.എമ്മിന്റെ പുതിയ മാര്ക്സിസ്റ്റ്-ലെനിനിസ്റ്റ് തത്വശാസ്ത്രം. കേന്ദ്ര ഏജന്സികള് സംസ്ഥാന സര്ക്കാരിന്റെ ലൈഫ് മിഷന് അടക്കമുള്ള പദ്ധതികളിലെ അഴിമതി അന്വേഷിക്കുന്നതിലെ ശുഷ്കാന്തി തന്നെ ഇരുവരും അടയും ചക്കരയും ആണെന്നതിന്റെ വ്യക്തമായ സൂചനയാണ്. കേന്ദ്രസര്ക്കാരുമായി കൈകോര്ത്ത് മുന്നോട്ട് പോകുമ്പോഴും ഏകസിവില്കോഡ്, പൗരത്വനിയമ ഭേദഗതി എന്നി വീഷങ്ങളില് സി.പി.എം സമരം നടത്തും. അത് മറ്റൊന്നിനുമല്ല. സംസ്ഥാനത്ത് 30 ശതമാനം ജനസംഖ്യയുള്ള മുസ്ലിം വോട്ട് പെട്ടിയിലാക്കണം കൂട്ടത്തില് കോണ്ഗ്രസിനെ കളത്തില് നിന്ന് പുറത്താക്കണം. എന്നാല് ഇതേ കോണ്ഗ്രസുമായി കെട്ടിപ്പിടിച്ച് കേന്ദ്രത്തില് അധികാരക്കിട പങ്കിടുന്നത് സംബന്ധിച്ച ചര്ച്ചയ്ക്ക് പാട്നയില് പോയി. ഇങ്ങിനെയൊക്കെയാണ് വൈരുദ്ധ്യാത്മിക ഭൗതികവാദം സി.പി.എം റീലോഡ് ചെയ്യുന്നത്. ഏക സിവില്കോഡ് വിവാദത്തിന്റെ തീച്ചൂളയിലേക്ക് ആദ്യം ഇറങ്ങിയ സി.പി.എമ്മിന് നന്നേ കൈ പൊള്ളിയിരുന്നു. കാരണം അവരുടെ തലതൊട്ടപ്പന് സാക്ഷാല് നമ്പൂതിരിപ്പാടാണ് ഈ സംഭവം ആദ്യം കത്തിച്ചുവിട്ടത്. പിന്നീടാണ് ബി.ജെ.പി അത് ഏറ്റ് പിടിച്ചത്. ഈ യാഥാര്ത്ഥ്യം കോണ്ഗ്രസ് തുറന്നുകാട്ടിയപ്പോള് സി.പി.എം അമ്പരന്നു.
എങ്ങനെ മറുപടി നല്കണമെന്ന് അറിയില്ലായിരുന്നു. അങ്ങനെയിരുന്നപ്പോഴാണ് ഏകസിവില് കോഡിനെ കുറിച്ച് സി.പി.എം നടത്തുന്ന സെമിനാറില് പങ്കെടുക്കാന് മുസ്ലിം സംഘടനയായ സമസ്ത തീരുമാനിച്ചത്. ഇടത്തോട്ട് പോണോ, വലത്തോട്ട് പോണോ എന്ന് ആശങ്കപ്പെട്ട് നിന്നിരുന്ന ലീഗിനത് വലിയ തലവേദനയായി. കാരണം ലീഗിന്റെ വലിയ വോട്ട് ബാങ്കാണ് സമസ്ത. അവരെ പിണക്കാന് ലീഗ് തയ്യാറാകില്ല. മാത്രമല്ല വര്ഷങ്ങളായി സി.പി.എമ്മിനൊപ്പം സഹകരിക്കുന്ന കാന്തപുരം വിഭാഗം ലീഗുമായി ഒത്തുപോകാനും തീരുമാനിച്ചു. ലീഗ് അധ്യക്ഷന് അത് സമ്മതിക്കുകയും ചെയ്തു. അങ്ങനെ മൊത്തത്തില് സി.പി.എമ്മിന്റെ രാഷ്ട്രീയ ആക്രമണം കോണ്ഗ്രസിന്റെ നെഞ്ചത്ത് തറച്ചിരിക്കുകയാണ്. ഏകസിവില് കോഡ് വിഷയത്തില് സി.പി.എമ്മുമായി സഹകരിക്കുമെന്ന പി.കെ കുഞ്ഞാലിക്കുട്ടി പറഞ്ഞെങ്കിലും സെമിനാര് അടക്കമുള്ള കാര്യങ്ങളിലെ കാര്യത്തില് അന്തിമതീരുമാനം എടുത്തിട്ടില്ല.
നിലവില് കോണ്ഗ്രസിന്റെ പ്രവര്ത്തന ശൈലിയോട് ലീഗിന് പൊതുവേ നല്ല അഭിപ്രായമല്ല ഉള്ളത്. എക സിവില് കോഡ് വിഷയത്തില് കോണ്ഗ്രസ് ഹൈക്കമാന്ഡ് തീരുമാനം എടുത്തിട്ടുമില്ല. അത് കോണ്ഗ്രസിന് തിരിച്ചടിയായി. സി.പി.എം അത് മുതലെടുക്കാനുള്ള കളിയാണ് പയറ്റുന്നത്. അതിലൂടെ എ.ഐ ക്യാമറ, ലൈഫ് മിഷന് കോഴക്കേസ്, മാധ്യമവേട്ട തുടങ്ങി സകലമാന നാറ്റക്കേസുകളും കുഴിച്ചുമൂടാനുള്ള പണി നടക്കുന്നു. സംഘടനാ ശക്തി ദുര്ബലമായ കോണ്ഗ്രസാകട്ടെ എന്ത് ചെയ്യണമെന്ന് അറിയാതെ കൈയ്യും കാലുമിട്ട് അടിക്കുകയാണ്. ഏക സിവില്കോഡ് വിഷയം കേവലം മുസ്ലിം വിഷയമായി മാത്രമാണ് സി.പി.എം കാണുന്നത്. ക്രൈസ്തവസഭകളെല്ലാം സിവില്കോഡിന് എതിരാണെങ്കിലും അവരെ ആകര്ഷിക്കാന് വലിയതോതിലുള്ള ശ്രമം സി.പി.എം നടത്തുന്നില്ല എന്നതും ശ്രദ്ധേയമാണ്. അതേസമയം സി.പി.എമ്മിന്റെ പ്രധാന വോട്ട് ബാങ്കായ ഈഴവ സമുദായത്തിന്റെ നേതാക്കളില് പ്രധാനിയായ വെള്ളാപ്പള്ളി നടേശന് ഏകസിില് കോഡിനെ സ്വാഗതം ചെയ്തു. ഇത് സി.പി.എമ്മിനെ എങ്ങനെ ബാധിക്കുമെന്ന് പ്രവചിക്കാനാവില്ല. സി.പി.എം അടുത്തകാലത്തായി മുസ്ലിം പ്രീണനം ശക്തമാക്കുന്നതായി പാര്ട്ടിയിലെ ഒരു വിഭാഗത്തിന് വലിയ ആക്ഷേപമുണ്ട്.
അതുകൊണ്ട് ഹൈന്ദവ വോട്ടുകള് ഏകീകരിച്ചാല് അത് കോണ്ഗ്രസിന് കിട്ടാനാണ് സാധ്യത. ബി.ജെ.പിയില് ഭൂരിപക്ഷം വരുന്ന ഹൈന്ദവര്ക്ക് വലിയ വിശ്വാസമില്ല. അവരെ വിശ്വാസത്തിലെടുക്കാന് ബി.ജെ.പി സംസ്ഥാന നേതൃത്വം ശ്രമിക്കുന്നുമില്ല. പ്രധാനപ്പെട്ട കോണ്ഗ്രസ് നേതാക്കളെല്ലാം ഹൈന്ദവ സംഘടനകളുമായി അത്ര രസത്തിലല്ല. എങ്കിലും സി.പി.എമ്മിനോടുള്ള വിരോധം തീര്ക്കാന് അവര് കോണ്ഗ്രസിനെ പിന്തുണച്ചേക്കും. കഴിഞ്ഞ പാര്ലമെന്റ് തെരഞ്ഞെടുപ്പില് അതാണ് കണ്ടത്. എന്നാല് നിയമസഭയിലതുണ്ടായില്ല.കോണ്ഗ്രസ് കേന്ദ്രത്തിലോ, കേരളത്തിലോ അധികാരത്തിലേറിയാല് പിന്നെ ബംഗാളിലോ, ത്രിപുരയിലോ പോലും പോയി പൊറോട്ടയടിച്ച് ജീവിക്കാനൊക്കാത്ത സാഹചര്യമാകും ഉണ്ടാവുകയെന്ന് സി.പി.എമ്മിനറിയാം. കെ. സുധാകരന്റെ അറസ്റ്റിനുള്ള പ്രതികാരം എങ്ങനെ ആയിരിക്കുമെന്ന് പ്രവചിക്കാനാവില്ല. അതുകൊണ്ട് സിവില് കോഡിന്റെ മറവില് ലീഗിനെ കൊണ്ട് കോണ്ഗ്രസിനെ മൊഴിചൊല്ലിക്കാനുള്ള നാടകമാണ് അരങ്ങേറാന് പോകുന്നത്.
ഇതിലൂടെ കോണ്ഗ്രസിന് താല്ക്കാലിക തിരിച്ചടിയുണ്ടായേക്കും. പക്ഷെ, സി.പി.എം എളിയിലെടുത്ത് വെച്ച് പാല് കൊടുക്കുന്ന ബി.ജെ.പിയുണ്ടല്ലോ അവര് അധികാരത്തിലെങ്ങാനും എത്തിയാല് ആദ്യം തുടച്ചു നീക്കുക പാല് കൊടുത്ത കൈയ്യായിരിക്കും. രാജ്യമൊട്ടുക്ക് വേരുള്ള കോണ്ഗ്രസ് ഇന്നല്ലെങ്കില് നാളെ പൊട്ടിമുളയ്ക്കും. കാരണം അതിന്റെ വിത്തിന്റെ ഗുണം ഈ നാട്ടിലെ ജനങ്ങള്ക്കറിയാം. കമ്മ്യൂണിസം വിദേശികള് രാജ്യത്ത് നട്ടുവളര്ത്തിയ വിഷവിത്താണെന്നാണ് ബി.ജെ.പി പറയുന്നത്. കോണ്ഗ്രസ് ഒരിക്കല് പോലും സി.പി.എമ്മിനെ തകര്ക്കണമെന്ന നിലപാട് സ്വീകരിച്ചിട്ടില്ല. തെരഞ്ഞെടുപ്പുകളില് നീക്കുപോക്കുകള് നടത്തിയിട്ടുണ്ടെന്ന് യാഥാര്ത്ഥ്യമാണ്. അതുകൊണ്ട് തീ കൊള്ളി കൊണ്ട് തല ചൊറിയുന്ന പരിപാടി നിര്ത്തുന്നതാണ് സി.പി.എമ്മിന് നല്ലത്. ഇല്ലെങ്കില് ആ കൊള്ളി എടുത്ത് ചിതയില് വയ്ക്കുന്ന കാലം വിദൂരമല്ലാതാകും.
https://www.facebook.com/Malayalivartha
