ബിജെപി സംസ്ഥാന പ്രസിഡന്റ് കെ വീണ് പരുക്കേറ്റു എന്ന വിവരമാണ് പുറത്ത് വരുന്നത് . ഗൃഹസന്ദർശനത്തിനിടയിൽ ആണ് അപകടം. ബിജെപി ബൂത്ത് ദർശൻ പരിപാടിയോടനുബന്ധിച്ച് മഞ്ചേശ്വരം മണ്ഡലത്തിലെ വോർക്കാടിയിൽ ഇന്നലെ രാത്രി ഒരു വീട്ടിലേക്കു പ്രവർത്തകരോടൊപ്പം പോകുമ്പോൾ തെന്നി വീഴുകയായിരുന്നു. സ്വകാര്യ ആശുപത്രിയിൽ പരിശോധന നടത്തി. പരുക്ക് ഗുരുതരമല്ല. വിശ്രമം പറഞ്ഞിരിക്കുന്നതിനാൽ ഇന്നത്തെ പരിപാടികൾ റദ്ദാക്കി.

എന്നാൽ ഇടത് പാളയത്തിൽ കെ സുരേന്ദ്രനെ പരിഹസിച്ച് നിരവധി ട്രോളുകൾ വരുന്നുണ്ട്. ഗണപതിയെ വെച്ച് മുതലെടുപ്പ് നടത്താൻ നോക്കിയതിനു കിട്ടിയ ശിക്ഷയാണ് എന്നതടക്കമുള്ള ട്രോളുകൾ അദ്ദേഹത്തിന്റെ പരിക്കു മായി ബന്ധപ്പെട്ടു ഉയരുന്നുണ്ട്. അദ്ദേഹം ഇന്ന് മാധ്യമങ്ങളെ കണ്ടപ്പോൾ ഈ ചോദ്യം മാധ്യമപ്രവർത്തകർ ഉയർത്തിയിരുന്നു.

സോഷ്യൽ മീഡിയയിൽ ഒക്കെ ഗണപതിയുടെ വിഷയം ഉയർത്തിയപ്പോൾ തന്നെവീണു എന്ന രീതിയിലുള്ള ഒരു ചർച്ച നടക്കുന്നുണ്ട് അതിനെ കുറിച്ച് എന്താണ് പറയാനുള്ളത് എന്നായിരുന്നു ചോദ്യം. എന്നാൽ അദ്ദേഹത്തിന്റെ മറുപടി; നിങ്ങൾക്ക് നല്ല നിരാശയുണ്ട് . ഞാൻ ചത്തു എന്ന് നിങ്ങൾ എഴുതിയില്ലല്ലോ. കെ സുരേന്ദ്രൻ ചത്തു എന്ന് നിങ്ങൾ വാർത്ത കൊടുത്തില്ലല്ലോ . അത് നല്ല കാര്യമായി കാണുന്നുവെന്നും അദ്ദേഹം ഈ വിഷയത്തിൽ പ്രതികരിച്ചു .