കോൺഗ്രസ് നേതാവ് മാത്യു കുഴൽനാടൻ എംഎൽഎക്കെതിരെ നികുതി വെട്ടിപ്പ് ആരോപണവുമായി സിപിഎം കഴിഞ്ഞ ദിവസം രംഗത്ത് വന്നിരുന്നു. മാസപ്പടി വിവാദത്തിൽ മുഖ്യമന്ത്രിക്കെതിരെ രൂക്ഷ വിമർശനം മാത്യു കുഴൽനാടൻ ഉന്നയിച്ച് നിൽക്കുന്നതിനിടയിലാണ് എം എൽ എയെ വെട്ടിലാക്കി കൊണ്ട് കഴിഞ്ഞ ദിവസം സിപിഎം രംഗത്ത് വന്നത്. മാത്യു കുഴൽനാടൻ ചിന്നക്കനാലിൽ വാങ്ങിയ സ്ഥലത്തെ കുറിച്ച് നൽകിയ കണക്കുകളിൽ ക്രമക്കേട് ഉണ്ടെന്നായിരുന്നു സിപിഎം എറണാകുളം ജില്ലാ സെക്രട്ടറി സി എൻ മോഹൻ ആരോപിച്ചത്.

മാത്രമല്ല മറ്റു പല ആരോപണങ്ങളും അദ്ദേഹം ഉന്നയിക്കുന്നുണ്ട്. എന്നാൽ ഈ ആരോപങ്ങൾക്ക് എല്ലാം ഇന്ന് മറുപടി നൽകും എന്നാണ് മാത്യു കുഴൽനാടൻ എം എൽ എ പറഞ്ഞിരിക്കുന്നത്. എന്താണ് അദ്ദേഹത്തിന്റെ മറുപടി എന്നാണ് ഏവരും ഉറ്റുനോക്കുന്നത്. കള്ളപ്പണം വെളുപ്പിക്കൽ നികുതി വെട്ടിപ്പ് അടക്കമുള്ള ആരോപണങ്ങളാണ് എം എൽ എയ്‌ക്കെതിരെ സിപിഎം ഉന്നയിച്ചിരിക്കുന്നത്. അതുകൊണ്ട് തന്നെ ഈ ആരോപണങ്ങൾക്ക് എന്ത് മറുപടി ആണ് അദ്ദേഹം നൽകുന്നത് എന്നത് അറിയേണ്ടതായിട്ടുണ്ട്.

കഴിഞ്ഞ ദിവസം ചില പ്രതികരണങ്ങൾ അദ്ദേഹം നടത്തിയിരുന്നു. ചിന്നക്കനാലിൽ ഭൂമിയും വീടും ഉണ്ടെന്ന് സ്ഥിരീകരിച്ചു അദ്ദേഹം . ഏത് അന്വേഷണത്തെയും സ്വാഗതം ചെയ്യുന്നു. ആരോപണങ്ങൾ പഠിച്ചശേഷം മുഴുവൻ കാര്യങ്ങൾക്കും മറുപടി പറയുമെന്നാണ് മാത്യു കുഴൽനാടൻ എം എൽ എ പറഞ്ഞത് . നികുതിവെട്ടിപ്പ് നടത്തിയിട്ടില്ല. സിപിഎമ്മിന്റെ മുഴുവൻ ആരോപണങ്ങൾക്കും ഇന്ന് മറുപടി പറയുമെന്നും അദ്ദേഹം വ്യക്തമാക്കിയിരുന്നു .