പനച്ചിക്കാട് ദക്ഷിണമൂകാംബിക ക്ഷേത്രത്തില്‍ നവരാത്രി മഹോത്സവത്തിന് 14-ന് തുടക്കമാകും. രാവിലെ ഒമ്പത് മണിയോടെ നവരാത്രി കലോപാസനക്ക് തുടക്കം കുറിക്കും. ചലച്ചിത്രതാരം പ്രൊഫ ബാബു നമ്പൂതിരി ഭദ്രദീപം തെളിയിക്കും. 9.10-മുതല്‍ വൈകുന്നേരം 3.50 വരെ സംഗീത കച്ചേരി. നാല് മുതല്‍ രാത്രി 12 വരെ ശാസ്ത്രീയ നൃത്തം എന്നിവ അരങ്ങേറുകയും ചെയ്യും.


സംഗീത കച്ചേരികള്‍, ജലതരംഗ കച്ചേരി, ശാസ്ത്രീയ നൃത്തങ്ങള്‍, ഭരതനാട്യം എന്നിവ നടക്കും. സിക്കില്‍ ഗുരുചരണ്‍ അവതരിപ്പിക്കുന്ന സംഗീത കച്ചേരി, ശ്രീലക്ഷ്മി ഗോവര്‍ദ്ധന്റെ കുച്ചിപ്പുടി, യുപി രാജു ജയവിഘ്നേശ്വര്‍ എന്നിവര്‍ അവതരിപ്പിക്കുന്ന മാന്‍ഡലിന്‍ ഡ്യൂയറ്റ്. 21-ന് ഉച്ചയ്ക്ക് 12 മണിയ്ക്ക് സാരസ്വതം സ്‌കോളര്‍ഷിപ്പും കച്ഛപി പുരസ്‌കാര വിതരണവും നല്‍കും. 6.30ന് സംഗീത സരസ്വതി പുരസ്‌കാര സമര്‍പ്പണം നടക്കും. ദുര്‍ഗാഷ്ടമി ദിനമായ 22-ന് വൈകിട്ട് 6.30-ന് സരസ്വതി നടയില്‍ വെള്ളി അങ്കി സമര്‍പ്പണം നടക്കും.
ശേഷം ദീപാരാധന, ഗ്രന്ഥമെഴുന്നള്ളിപ്പ്, പൂജവെയ്പ്പ് എന്നിവ നടക്കും. മഹാനവമി ദിനമായ 23-ന് രാവിലെ ഏഴ് മണി മുതല്‍ സംഗീത സദസ്സ് ആരംഭിക്കും. വിജയദശമി ദിനമായ 24-ന് പുലര്‍ച്ചെ നാലിന് പൂജയെടുക്കും. ഇതിന് ശേഷം വിദ്യാരംഭത്തിന് തുടക്കം കുറിക്കും.