ശബരിമല മണ്ഡലകാലം ആരംഭിക്കുന്നതിനു മുന്നോടിയായി തീര്ത്ഥാടകരുടെ സുരക്ഷിത യാത്രയ്ക്കായി വിപുലമായ ഒരുക്കങ്ങള് ആരംഭിച്ചതായി ഗതാഗത മന്ത്രി ആന്റണി രാജു ... ശബരിമല ദര്ശനത്തിനായുള്ള വെര്ച്വല് ക്യൂ സംവിധാനത്തില് കെഎസ്ആര്ടിസി ടിക്കറ്റുകള് കൂടി ഉള്പ്പെടുത്തുന്നതിനുള്ള സൗകര്യമൊരുക്കും
ശബരിമല മണ്ഡലകാലം ആരംഭിക്കുന്നതിനു മുന്നോടിയായി തീര്ത്ഥാടകരുടെ സുരക്ഷിത യാത്രയ്ക്കായി വിപുലമായ ഒരുക്കങ്ങള് ആരംഭിച്ചതായി ഗതാഗത മന്ത്രി ആന്റണി രാജു .
ഈ വര്ഷത്തെ ശബരിമല തീര്ത്ഥാടനത്തോടനുബന്ധിച്ചുള്ള മുന്നൊരുക്കങ്ങള് വിലയിരുത്തുവാനായി കെഎസ്ആര്ടിസി, മോട്ടോര് വാഹന വകുപ്പ്, കേരള റോഡ് സുരക്ഷ അതോറിറ്റി, മറ്റ് ബന്ധപ്പെട്ട വകുപ്പുകള് എന്നിവയിലെ ഉദ്യോഗസ്ഥരുടെ യോഗം മന്ത്രിയുടെ അധ്യക്ഷതയില് ഇന്ന് പമ്പ സാകേതം ഹാളില് ചേര്ന്നു.
തീര്ത്ഥാടകരുടെ യാത്ര സുഗമമാക്കുന്നതിനും യാത്രികരുടെ സുരക്ഷ ഉറപ്പുവരുത്തുന്നതിനുമായി മോട്ടോര് വാഹന വകുപ്പും, കേരള റോഡ് സുരക്ഷ അതോറിറ്റിയും, പൊലീസ്, പൊതുമരാമത്ത്, ഫയര്ഫോഴ്സ്, ദേവസ്വം ബോര്ഡ്, ആരോഗ്യ വകുപ്പ്, ബി.എസ്.എന്.എല് തുടങ്ങിയവയുമായി ചേര്ന്ന് നടപ്പിലാക്കുന്ന ശബരിമല സേഫ് സോണ് പദ്ധതിയുടെ പ്രാഥമിക പ്രവര്ത്തനങ്ങള് പൂര്ത്തിയായതായി മന്ത്രി
. ദക്ഷിണേന്ത്യയിലെ വിവിധ സംസ്ഥാനങ്ങളില് നിന്ന് എത്തുന്ന ലക്ഷക്കണക്കിന് വാഹനങ്ങളുടെയും യാത്രക്കാരുടെയും യാത്ര സുഗമമാക്കുന്നതും അപകട രഹിതമാക്കുന്നതും ഉറപ്പുവരുത്തുവാനാണ് ശബരിമല സേഫ് സോണ് പ്രോജക്ട് ആരംഭിച്ചത്. പദ്ധതിയുടെ ഭാഗമായുള്ള നിരന്തര ഇടപെടലുകള് കൊണ്ട് തീര്ത്ഥാടന കാലത്തെ റോഡ് അപകട നിരക്ക് വലിയതോതില് കുറയ്ക്കുവാന് സാധിച്ചിട്ടുണ്ടെന്ന് മന്ത്രി പറഞ്ഞു.
അന്യസംസ്ഥാനങ്ങളില് നിന്ന് വരുന്ന ഡ്രൈവര്മാര്ക്ക് റോഡുകള് പരിചിതമാകുന്നതിനായി ലഘു വീഡിയോകള് തയ്യാറാക്കി സാമൂഹ്യ മാധ്യമങ്ങളിലൂടെ പ്രചരിപ്പിക്കും. സൈന് ബോര്ഡുകളും റിഫ്ലക്ടറുകളും ബ്ലിങ്കറുകളും കോണ്വെക്സ് ദര്പ്പണങ്ങളും ഹെല്പ് ലൈന് നമ്പറുകളുള്ള ബോര്ഡുകളും വഴിയിലുടനീളം സ്ഥാപിച്ച് വാഹനങ്ങളുടെ സുരക്ഷിത യാത്ര ഉറപ്പുവരുത്തും. വാഹന നിര്മ്മാതാക്കളും വാഹന ഡീലര്മാരും ശബരിമല സേഫ് സോണ് പദ്ധതിയുമായി സഹകരിക്കുന്നുണ്ടെന്നും മന്ത്രി പറഞ്ഞു.
ശബരിമല മണ്ഡലപൂജ മകരവിളക്ക് കാലയളവില് കെഎസ്ആര്ടിസി കേരളത്തിന്റെ വിവിധ ഭാഗങ്ങളില് നിന്ന് അധിക സര്വീസുകള് നടത്തും. തിരക്കിനനുസൃതമായി മൂന്നു ഘട്ടങ്ങളായി തിരിച്ചാണ് ബസ് സര്വീസുകള് ക്രമീകരിച്ചിരിക്കുന്നത്.
ശബരിമല മണ്ഡലപൂജ മകരവിളക്ക് കാലഘട്ടത്തില് 14 സ്പെഷ്യല് സര്വീസ് സെന്ററുകള് സജ്ജീകരിച്ചിട്ടുണ്ട്. തിരുവനന്തപുരം, കോട്ടയം, പത്തനംതിട്ട, എറണാകുളം, കുമളി, എരുമേലി, ചെങ്ങന്നൂര്, കൊട്ടാരക്കര, പമ്പ, പുനലൂര്, അടൂര്, തൃശ്ശൂര്, ഗുരുവായൂര്, കായംകുളം എന്നിവിടങ്ങളിലാണ് സ്പെഷ്യല് സര്വീസ് സെന്ററുകള്. കേരളത്തിലെ എല്ലാ പ്രധാന സെന്ററുകളില് നിന്നും ഡിമാന്ഡ് അനുസരിച്ച് സര്വീസുകള് ക്രമീകരിക്കും.
പമ്പ - നിലയ്ക്കല് ചെയിന് സര്വീസുകള് സമയബന്ധിതമായി അയ്യപ്പഭക്തര്ക്ക് സൗകര്യപ്രദമായ രീതിയില് ക്രമീകരിക്കും. അയ്യപ്പ ദര്ശനം കഴിഞ്ഞ് വരുന്ന ഭക്തര്ക്ക് പമ്പയിലെ യൂ-ടേണ് ഭാഗത്ത് മൂന്ന് ബസ് ബേ ക്രമീകരിച്ച് 10 ബസുകള് വിതം തയ്യാറാക്കി നിര്ത്തും. ശബരിമല ദര്ശനത്തിനായുള്ള വെര്ച്വല് ക്യൂ സംവിധാനത്തില് കെഎസ്ആര്ടിസി ടിക്കറ്റുകള് കൂടി ഉള്പ്പെടുത്തുന്നതിനുള്ള സൗകര്യമൊരുക്കും.
40-ല് കൂടുതല് യാത്രക്കാര് ഗ്രൂപ്പായി ബുക്ക് ചെയ്താല് ഏത് സ്ഥലത്ത് നിന്നും യാത്രക്കാരെ പിക്കപ്പ് ചെയ്യാനുള്ള സൗകര്യം ഒരുക്കുമെന്നും മന്ത്രി ആന്റണി രാജു പറഞ്ഞു.
"
https://www.facebook.com/Malayalivartha
