എറണാകുളം ജില്ലാ മെഡിക്കല് ഓഫീസില് ആരോഗ്യ വകുപ്പ് കണ്ട്രോള് റൂം ആരംഭിച്ചു.: മന്ത്രി വീണാ ജോര്ജ്
എറണാകുളം ജില്ലാ മെഡിക്കല് ഓഫീസില് ആരോഗ്യ വകുപ്പ് കണ്ട്രോള് റൂം ആരംഭിച്ചു.ഹെല്പ്പ് ലൈന് നമ്പര് 04842360802 , 7907642736.
ആരും ആശങ്കപ്പെടേണ്ടതില്ല; എല്ലാ ആധുനിക ചികിത്സാ സംവിധാനങ്ങളും ക്രമീകരിച്ചതായും മന്ത്രി വീണാ ജോര്ജ്.കോട്ടയം മെഡിക്കല് കോളേജിലെ ബേണ്സ് ടീം എത്തും. കോട്ടയം മെഡിക്കല് കോളേജില് നിന്നുള്ള ബേണ്സ് ചികിത്സാ വിദഗ്ധ സംഘം കളമശേരി മെഡിക്കലെത്താന് ആരോഗ്യ വകുപ്പ് മന്ത്രി വീണാ ജോര്ജ് നിര്ദേശം നല്കി. കോട്ടയം മെഡിക്കല് കോളേജും സജ്ജമാണ്. മതിയായ കനിവ് 108 ആംബുലന്സുകള് ലഭ്യമാക്കാനും നിര്ദേശം നല്കി.
അതേസമയം കളമശേരിയില് പൊട്ടിത്തെറി ഉണ്ടായ സാഹചര്യത്തില് മികച്ച ചികിത്സയൊരുക്കാന് ആരോഗ്യ വകുപ്പ് മന്ത്രി വീണാ ജോര്ജ് ആരോഗ്യ വകുപ്പ് ഡയറക്ടര്ക്കും മെഡിക്കല് വിദ്യാഭ്യാസ വകുപ്പ് ഡയറക്ടര്ക്കും നിര്ദേശം നല്കി. ആശുപത്രികള്ക്ക് ജാഗ്രതാ നിര്ദേശം നല്കി. അവധിയിലുള്ള മുഴുവന് ഡോക്ടര്മാര് ഉള്പ്പെടെയുള്ള ആരോഗ്യ പ്രവര്ത്തകരും അടിയന്തരമായി തിരിച്ചെത്താന് മന്ത്രി നിര്ദേശം നല്കി. കളമശേരി മെഡിക്കല് കോളേജ്, എറണാകുളം ജനറല് ആശുപത്രി, കോട്ടയം മെഡിക്കല് കോളേജ് എന്നിവിടങ്ങളില് അധിക സൗകര്യങ്ങളൊരുക്കാനും നിര്ദേശം നല്കി. അധിക ജീവനക്കാരുടെ സേവനവുമൊരുക്കും. ജില്ലയിലെ മറ്റാശുപത്രികളിലും സൗകര്യമൊരുക്കാന് മന്ത്രി നിര്ദേശം നല്കി.
https://www.facebook.com/Malayalivartha
