വിശാല കഴ്ച്ചപ്പാടുമായി പഠന കോണ്ഗ്രസ്, വികസനത്തിന് പുതിയ രൂപരേഖ
ട്രാന്സ് ജന്റര് നയം\' ചര്ച്ച ചെയ്ത് നാലാം അന്താരാഷ്ട്ര കേരള പഠന കോണ്ഗ്രസ്. ഭിന്നലിംഗക്കാരുടെ അവകാശങ്ങള്ക്കായി ശബ്ദമുയര്ത്താന് സി.പി.ഐ എം. നാലാം അന്താരാഷ്ട്ര കേരള പഠന കോണ്ഗ്രസില് ട്രാന്സ് ജന്റര് നയം ചര്ച്ച ചെയ്താണ് സി.പി.ഐ എം പുതിയ നയ നീക്കത്തിന് ഒരുങ്ങുന്നത്. ആദ്യമായിട്ടാണ് ഒരു രാഷ്ടീയ പാര്ട്ടി ഭിന്നലിംഗക്കാരുടെ വിഷയത്തില് ചര്ച്ച ചെയ്യുന്നത്. ഭിന്നലിംഗക്കാരുടെ വിഷയത്തില് സി.പി.ഐ എം സ്വീകരിക്കുന്ന നയം അനുകൂലമാണെങ്കില് അത് വിപ്ലവകരമായ തീരുമാനം തന്നെയാകുമെന്നതില് സംശയമില്ല.
ഭിന്നലിംഗക്കാരെ മനുഷ്യരായി കണക്കാക്കേണ്ടത് ജനാധിപത്യത്തിന്റെ കടമയാണെന്ന് നാലാം അന്താരാഷ്ട്ര കേരള പഠന കോണ്ഗ്രസിലുയര്ന്ന അഭിപ്രായമുയം. \'ട്രാന്സ് ജന്റര് നയം\' വിഷയത്തില് നടന്ന ചര്ച്ചയിലാണ് മൂന്നാംലിംഗക്കാര് എന്നുവിളിക്കപ്പെടുന്നവരും അവരുടെ പുനരധിവാസത്തിനുവേണ്ടി പ്രവര്ത്തിക്കുന്നവരും ഇക്കാര്യം ആവശ്യപ്പെട്ടത്. സംരക്ഷകരാകേണ്ട പൊലീസിന്റെ ഭാഗത്തുനിന്നാണ് ഏറ്റവുംകൂടുതല് പീഡനം അനുഭവിക്കേണ്ടിവരുന്നത്. ഭിന്നലിംഗക്കാര്ക്കെതിരെയുള്ള ആക്രമണങ്ങള് നിയമംമൂലം നിയന്ത്രിക്കണം. തദ്ദേശസ്ഥാപനങ്ങളിലേക്കും നിയമസഭയിലേക്കും ഇവര്ക്ക് അവസരം നല്കണമെന്നും ചര്ച്ചകള് ഉയര്ന്നു.
സ്ത്രീകള്ക്കും കുട്ടികള്ക്കും ലഭിക്കുന്ന നിയമസംരക്ഷണം ഭിന്നലിംഗക്കാര്ക്ക് ലഭിക്കുന്നില്ല. ആണുങ്ങളുടെയും പെണ്ണുങ്ങളുടെയും കക്കൂസുകളിലും ഇവര്ക്ക് പ്രവേശനമില്ല. സ്കൂളുകളില് അധ്യാപകരും സഹപാഠികളുംപോലും പലവിധത്തില് ഉപദ്രവിക്കുന്നതിനാല് പഠനം പൂര്ത്തിയാക്കാന് കഴിയുന്നില്ല.
മൂന്നാംലിംഗം, ഭിന്നലിംഗം തുടങ്ങിയ പദപ്രയോഗങ്ങള് ഒഴിവാക്കണം. ഇത്തരക്കാര് മൂന്നാം ലിംഗക്കാരായാല് ഒന്നുംരണ്ടും ലിംഗക്കാര് ആരെന്ന ചോദ്യം പ്രസക്തമാകും. മൂന്നാമതൊരു ലിംഗമില്ലാതിരുന്നിട്ടും നിയമത്തില്പോലും മൂന്നാംലിംഗക്കാര്, ഭിന്നലിംഗക്കാര് തുടങ്ങിയ വേര്തിരിവുകളിലൂടെ കാണുന്നത് ഒഴിവാക്കണം. ട്രാന്സ്ജന്റര് വിഭാഗത്തില്പ്പെട്ടവരെ സീരിയലുകളിലും സിനിമകളിലും ഉള്പ്പെടെ മോശമായി ചിത്രീകരിക്കുന്നത് കുറ്റമാക്കുന്ന നിയമം കൊണ്ടുവരണം.
പെണ്ണിന്റെ മനസ്സും ചേഷ്ടകളുമുള്ള താന് പെണ്ണായി മാറാന്തന്നെ തീരുമാനിച്ചു. ശസ്ത്രക്രിയയിലൂടെ പെണ്ണായി മാറി. ഇപ്പോള് ചാനലുകളില് പരിപാടികള് ലഭിക്കുന്നുണ്ട്. പക്ഷേ \'മൂന്നാംലിംഗക്കാര്, ഭിന്നലിംഗക്കാര്, ഹിജഡകള്, ചാന്തുപൊട്ട്\' തുടങ്ങിയ പേരുകളില് വിളിക്കപ്പെടുന്ന ആയിരങ്ങള് കേരളത്തില് പലവിധ ചൂഷണങ്ങളും സഹിച്ചുകഴിയുകയാണെന്നും അവര്ക്ക് നിയമസംരക്ഷണം ഉണ്ടാകണമെന്നും സൂര്യ ആവശ്യപ്പെട്ടു. കേരളത്തില് ആദ്യമായി സിപിഐ എം നേതൃത്വത്തില് ഒരു രാഷ്ട്രീയ പാര്ട്ടി തങ്ങളുടെ സമൂഹത്തിന്റെ പ്രശ്നങ്ങള്ക്ക് പരിഹാരം കാണാന് മുന്നിട്ടിറങ്ങുന്നത് പ്രതീക്ഷ പകരുന്നുവെന്നും സൂര്യ പറഞ്ഞു.
സ്വവര്ഗാനുരാഗികള്ക്ക് ലോകരാജ്യങ്ങളില് ലഭിക്കുന്ന പരിഗണന കേരളത്തിലും ലഭിക്കണമെന്നും ചര്ച്ച ഉയര്ന്നു. ഗൗതമന് അദ്ധ്യക്ഷനായി. അഡ്വ. അരവിന്ദ് നാരായണന് വിഷയം അവതരിപ്പിച്ചു. കെ സി സന്തോഷ്കുമാര് മോഡറേറ്ററായി. ദീപ വാസുദേവന്, ശീതള് ശ്യാം, ജിജോ കുര്യാക്കോസ്, എ അനില്, കവീശന് കൃഷ്ണന്കുട്ടി, ശരത് ചേലൂര്, സുനില് മോഹന്, സൂര്യ എന്നിവര് സംസാരിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
