ശ്രീചിത്തിര തിരുനാള് ആധുനിക കേരളത്തിന്റെ ശില്പിയാണെന്ന് ഉപരാഷ്ട്രപതി
ശ്രീചിത്തിര തിരുനാള് ബാലരാമവര്മ്മ മഹാരാജാവ് ആധുനിക കേരളത്തിന്റെ ശില്പിയാണെന്ന് ഉപരാഷ്ട്രപതി ഹമീദ് അന്സാരി. കഴിഞ്ഞ വര്ഷത്തെ ശ്രീചിത്തിര തിരുനാള് ദേശീയ അവാര്ഡ് മുന് അംബാസഡര് ടി.പി. ശ്രീനിവാസനു നല്കി സംസാരിക്കുകയായിരുന്നു അദ്ദേഹം.
ബാലവിവാഹ നിരോധനം, ഹിന്ദുവിധവകളുടെ പുനര്വിവാഹം തുടങ്ങി നിരവധി സാമൂഹിക നവോത്ഥാന നീക്കങ്ങള്ക്കു തുടക്കം കുറിച്ച ശ്രീചിത്തിര തിരുനാള് സമൂഹത്തിനു നല്കിയ സംഭാവനകള് അമൂല്യമാണ്. ശ്രീചിത്തിര തിരുനാളിന്റെ 1936 ലെ ക്ഷേത്രപ്രവേശന വിളംബരം കേരളത്തിലെ സാമൂഹികവിപ്ലവത്തിന്റെ പ്രധാന ചുവടുവയ്പ്പായിരുന്നെന്നു ചടങ്ങില് അധ്യക്ഷത വഹിച്ച ഗവര്ണര് ജസ്റ്റിസ് പി. സദാശിവം അഭിപ്രായപ്പെട്ടു.
അവാര്ഡ് തുകയായ ഒരുലക്ഷംരൂപ മികച്ച അധ്യാപകനുള്ള എന്ഡോവ്മെന്റായി നല്കാന് ശ്രീചിത്തിര തിരുനാള് ട്രസ്റ്റിനു കൈമാറുമെന്നു മറുപടി പ്രസംഗത്തില് ടി.പി. ശ്രീനിവാസന് പറഞ്ഞു. ശ്രീചിത്തിര തിരുനാള് ട്രസ്റ്റിനു കീഴിലുള്ള സ്കൂള് പ്രിന്സിപ്പല് പുഷ്പവല്ലി ഉപരാഷ്ട്രപതിക്ക് ഉപഹാരം സമ്മാനിച്ചു. മുഖ്യമന്ത്രി ഉമ്മന് ചാണ്ടി, മന്ത്രി വി.എസ്. ശിവകുമാര്, ശ്രീചിത്തിര തിരുനാള് മാനേജിങ് ട്രസ്റ്റി ടി. സതീഷ്കുമാര്, പുഷ്പവല്ലി എന്നിവര് പ്രസംഗിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
