സംസ്ഥാനത്തെ ജയില്നിയമത്തില് ഭേദഗതി വേണമെന്ന് മനുഷ്യാവകാശ കമ്മീഷന്
സംസ്ഥാനത്തെ ജയില്നിയമത്തില് ഭേദഗതി ചെയ്യണമെന്ന് മനുഷ്യാവകാശകമ്മീഷന്. ജീവനക്കാരുടെ കുറവ് ഉടന് പരിഹരിക്കണമെന്നും നിര്ദേശിച്ചു. തടവുകാരെ കോടതിയില് ഹാജരാക്കുന്നതില് വീഴ്ചയുള്ളതായും വിയ്യൂര് സെന്ട്രല് ജയില് സന്ദര്ശനത്തിന് ശേഷം മനുഷ്യാവകാശ കമ്മീഷന് ചെയര്മാന് ജെ.ബി. കോശി വിമര്ശിച്ചു.
കവര്ച്ചയും കൊള്ളയും കവര്ച്ചക്കിടയിലെ കൊലപാതകവും തുടങ്ങി ഐ.പി.സി 392 മുതല് 402 വരെയുള്ള വകുപ്പുകള് പ്രകാരം ശിക്ഷിക്കപ്പെടുന്നവര്ക്ക് നിലവിലെ ജയില് നിയമം പരോള് അനുവദിക്കുന്നില്ല. ഇത് മനുഷ്യാവകാശലംഘനമാണെന്നും ഭേദഗതി ചെയ്യണമെന്നുമാണ് മനുഷ്യാവകാശകമ്മീഷന്റെ നിലപാട്.
സംസ്ഥാനത്തെ ജയിലുകളില് ആവശ്യമുള്ളതിന്റെ 30 ശതമാനം വരെ ജീവനക്കാര് കുറവാണ്. എസ്കോര്ട്ട് കൊണ്ടുപോകാന് ആളില്ലാത്തതിനാല് റിമാന്ഡ് പ്രതികളെ നിയമം ആവശ്യപ്പെടുന്ന ദിവസങ്ങളില് കോടതിയില് ഹാജരാക്കാനാവുന്നില്ല. ഈ വീഴ്ച അംഗീകരിക്കാനാവില്ലെന്നും വ്യക്തമാക്കി.
വിയ്യൂരിലെ തടവുകാര്ക്ക് മെഡിക്കല് കോളജിലടക്കം ആവശ്യമായ ചികിത്സ ലഭിക്കുന്നില്ല. വീഴ്ച വരുത്തുന്ന ഡോക്ടര്മാര്ക്കെതിരെ നടപടിയെടുക്കണമെന്നും ആവശ്യപ്പെട്ടു. ജയിലുകളില് നടപ്പാക്കേണ്ട നിര്ദേശങ്ങള് ഉടന് സര്ക്കാരിന് നല്കുമെന്നും തടവുകാരുടെ പരാതി കേട്ടശേഷം അദേഹം വ്യക്തമാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
