എന്ഡോസള്ഫാന് ദുരിതബാധിതരുടെ പ്രശ്നങ്ങള് ഏറ്റെടുക്കാന് സിപിഐഎം നീക്കം
കാസര്ഗോട്ടെ എന്ഡോസള്ഫാന് ദുരിതബാധിതരുടെ പ്രശ്നങ്ങള് സിപിഐഎം ഏറ്റെടുക്കുന്നു. ഇതിനു മുന്നോടിയായി ദുരന്തമേഖലയില് നാളെ പിണറായി വിജയന് സന്ദര്ശിക്കും.സര്ക്കാര് വാഗ്ദാനങ്ങള് പാലിക്കാത്ത സാഹചര്യത്തില് ദുരിതബാധിതര് വീണ്ടുമൊരു സമരത്തിനൊരുങ്ങി നില്ക്കുന്ന ഘട്ടത്തിലാണ് പിണറായിയുടെ സന്ദര്ശനം എന്നതും ഈ വിഷയത്തിന് പ്രസക്തി കൂട്ടുന്നു.
എന്ഡോസള്ഫാന് ദുരിതബാധിതരുടെ പ്രശ്നങ്ങള് നേരിട്ടറിയാനാണ് സിപിഐഎം പോളിറ്റ് ബ്യൂറോ അംഗം പിണറായി വിജയന് എത്തുന്നത്. ദുരിതബാധിത പ്രദേശങ്ങള് സന്ദര്ശിക്കുന്നതിനൊപ്പം രോഗികളെയും ബന്ധുക്കളെയും നേരില് കാണും.
എന്ഡോസള്ഫാന് ദുരിതബാധിതര്ക്ക് എല്ഡിഎഫ് ഗവണ്മെന്റ് കാലത്തുതുടങ്ങിവെച്ച മള്ട്ടി സ്പെഷ്യാലിറ്റി ആശുപത്രി , സമഗ്ര പുനരധിവാസം തുടങ്ങിയ പദ്ധതികളൊക്കെ യുഡിഎഫ് സര്ക്കാര് അധികാരത്തില് എത്തിയപ്പോള് അട്ടിമറിച്ചതായാണ് ഇടതുപക്ഷം ആരോപിക്കുന്നത്. തിരഞ്ഞെടുപ്പ് അടുത്തതോടെ പിണറായി വിജയന്റെ ഈ യാത്രയുടെ ലക്ഷ്യം രാഷ്ട്രീയ നേട്ടത്തിനുള്ളതാണെന്നാണ് യു.ഡി.എഫ് വിലയിരുത്തുന്നത്. എന്ഡോസള്ഫാന് ദുരിതബാധിതരുടെ പ്രശ്നങ്ങള് പൂര്ണ്ണമായും സിപിഐഎം ഏറ്റെടുക്കുന്നുവെന്ന സൂചനകളാണ് ലഭ്യമാകുന്നത്.
നേരത്തെ എന്ഡോസള്ഫാന് ദുരിതബാധിതര്ക്ക് സര്ക്കാര് നല്കിയ ഉറപ്പ് ലംഘിച്ച സാഹചര്യത്തില് സമരസമിതി അന്തിമ സമരം പ്രഖ്യാപിച്ചിരുന്നു. അമ്മമാരെയും കുട്ടികളെയും കൊണ്ട് മുഖ്യമന്ത്രിയുടെ വസതിക്കുമുന്നില് ഈ മാസം 26ന് അനിശ്ചിതകാല പട്ടിണി സമരത്തിനാണ് ഇവര് ഒരുങ്ങുന്നത്. പ്രതിപക്ഷ നേതാവ് വിഎസ് അച്യുതാനന്ദന് പട്ടിണി സമരത്തിന് പിന്തുണ പ്രഖ്യാപിച്ച സാഹചര്യത്തില് സമരം സര്ക്കാരിന് വലിയ വെല്ലുവിളിയായിരിക്കും ഉയര്ത്തുന്നത്. രാഷ്ട്രിയ പരമായി സിപിഐഎം ഈ സമരം ഏറ്റെടുക്കുവാണെങ്കില് തിരഞ്ഞെടുപ്പ് അടുത്തിരിക്കുന്ന സാഹചര്യത്തില് സര്ക്കാരിന് തലവേദന സൃഷ്ടിക്കുമെന്നതില് സംശയമില്ല.
ദുരിത ബാധിതരുടെ കടങ്ങള് എഴുതി തള്ളുക, അര്ഹരായ മുഴുവന് പേര്ക്കും സാമ്പത്തിക സഹായവും സൗജന്യ ചികിത്സയും നടപ്പിലാക്കുക, ഗോഡൗണുകളില് കെട്ടികിടക്കുന്ന എന്ഡോസള്ഫാന് നിര്വീര്യമാക്കുക തുടങ്ങിയ ആവശ്യങ്ങള് ഉന്നയിച്ചാണ് സമരം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
