പ്രതിഷേധങ്ങള്ക്കിടെ ഗസല് ഗായകന് ഗുലാം അലി ഇന്ന് കേരളത്തില്
പാക്കിസ്ഥാന് ഗസല് ഗായകന് ഗുലാം അലി ഇന്നു കേരളത്തിലെത്തും. തിരുവനന്തപുരം വിമാനത്താവളത്തില് ബുധനാഴ്ച രാത്രിയോടെ വന്നിറങ്ങുന്ന ഗുലാം അലിക്കു വന് സ്വീകരണമാണ് സംഘാടകര് ഒരുക്കിയിരിക്കുന്നത്. സ്വരലയയുടെ നേതൃത്വത്തില് 15ന് തിരുവനന്തപുരത്തും 17ന് കോഴിക്കോടുമാണ് സംഗീതപരിപാടികള് സംഘടിപ്പിച്ചിരിക്കുന്നത്.
ഗുലാം അലിക്കെതിരെ പ്രതിഷേധങ്ങള് ശക്തമായിരിക്കെയാണ് കേരളത്തില് സംഗീതപരിപാടികള് പ്രഖ്യാപിക്കപ്പെട്ടത്. സ്വരലയ സംഘടിപ്പിക്കുന്ന പരിപാടികള് നടക്കുന്നിടത്തേക്കു പ്രതിഷേധ പ്രകടനം നടത്തുമെന്നു പ്രഖ്യാപിച്ചു തിങ്കളാഴ്ച ശിവസേനാ രംഗത്തെത്തിയിരുന്നു. നേരത്തെ മുംബൈയിലും ഡല്ഹിയിലും ഗുലാം അലിയുടെ പരിപാടികള് സംഘടിപ്പിക്കുന്നതിനെയും ശിവസേന എതിര്ത്തിരുന്നു.
അതേസമയം പരിപാടി നടത്താനനുവദിക്കില്ലെന്ന പ്രസ്താവനയുമായി ശിവസേനയും രംഗത്തെത്തിയിട്ടുണ്ട്. പരിപാടിയെയും ഗുലാം അലി വിഷയവുമായും ബന്ധപ്പെട്ട് ശിവസേനയുടെ ദേശീയ ഘടകത്തിന്റെ നിലപാടാണ് കേരളത്തില് നടപ്പിലാക്കുകയെന്നും സംഘടന വക്താക്കള് പറഞ്ഞു. ഏത് തരത്തിലുള്ള പ്രതിഷേധങ്ങളെയും തടയുമെന്ന് ഡി.വൈ.എഫ്.ഐയും നിലപാട് എടുത്തിരുന്നു.
പാകിസ്താന് പൗരനായ ഗുലാം അലിയെ ഇന്ത്യയില് പരിപാടി അവതരിപ്പിക്കാന് അനുവദിക്കില്ലെന്ന ശിവസേനയുടെ നിലപാടിലും തുടര്ന്നുണ്ടായ വ്യപക പ്രതിഷേധത്തെ തുടര്ന്നും മുംബൈയില് നടത്താന് ഉദ്ദേശിച്ചിരുന്ന പരിപാടി ഗുലാം അലി റദ്ദാക്കിയിരുന്നു. തുടര്ന്ന് ദില്ലിയില് പരിപാടി നടത്താന് ക്ഷണമുണ്ടായിരുന്നെങ്കിലും ഭീഷണിയെത്തുടര്ന്ന് അതും റദ്ദാക്കിയിരുന്നു. കൊല്ക്കത്തയില് ഗുലാം അലിയുടെ സംഗീത പരിപാടിക്ക് ഈഡന് ഗാര്ഡന് വേദിയാക്കുന്നത് ബംഗാള് ക്രിക്കറ്റ് അസോസിയേഷന്റെ എതിര്പ്പിനെ തുടര്ന്ന് മാറ്റിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivarthahttps://www.facebook.com/Malayalivartha
