കേരളത്തിലെ നിയമസഭാ തെരഞ്ഞെടുപ്പ് മേയ് 14നും ഫലപ്രഖ്യാപനം മേയ് 18നും ആയിരിക്കുമെന്നു സൂചന. കേരളം, ബംഗാള്‍, തമിഴ്‌നാട്, അസം, പുതുച്ചേരി എന്നീ സംസ്ഥാനങ്ങളിലെ നിയമസഭാ തെരഞ്ഞെടുപ്പ് മേയ് രണ്ടാം വാരം നടത്താനാണ് തെരഞ്ഞെടുപ്പ് കമ്മിഷന്‍ തയാറെടുക്കുന്നത്. 

വോട്ടെടുപ്പ് രണ്ടുദിവസങ്ങളിലായി നടത്താനാണ് ആലോചന മേയ് 12നും 14നും. ബംഗാളിലും അസമിലും 12നും കേരളം, തമിഴ്‌നാട്, പുതുച്ചേരി എന്നിവിടങ്ങളില്‍ 14നും വോട്ടെടുപ്പും എല്ലായിടത്തെയും ഫലപ്രഖ്യാപനം 18നും നടത്തുംവിധമുള്ള തിരഞ്ഞെടുപ്പ് ഷെഡ്യൂള്‍ ആണു പരിഗണനയില്‍. 2011ല്‍ ഏപ്രില്‍ 13ന് ആയിരുന്നു കേരളത്തിലെ നിയമസഭാ തിരഞ്ഞെടുപ്പ്. എന്നാല്‍ ഫലപ്രഖ്യാപനത്തിന് ഒരു മാസം കാത്തിരിക്കേണ്ടിവന്നു. വോട്ടെണ്ണിയത് മേയ് 13ന് ആണ്. അന്ന് ബംഗാളില്‍ ആറു ഘട്ടമായാണ് വോട്ടെടുപ്പു നടത്തിയത്. ക്രമസമാധാനനില കണക്കിലെടുത്തായിരുന്നു അത്. ഇത്തവണ അതിനു പകരം ഏകദിന വോട്ടെടുപ്പ് സാധ്യമാണോ എന്നാണ് തിരഞ്ഞെടുപ്പു കമ്മിഷന്‍ പരിശോധിക്കുന്നത്. 

2011ല്‍ മാര്‍ച്ച് ഒന്നിനായിരുന്നു തിരഞ്ഞെടുപ്പു കമ്മിഷന്‍ ഈ സംസ്ഥാനങ്ങളിലെ തിരഞ്ഞെടുപ്പു തീയതികള്‍ പ്രഖ്യാപിച്ചത്. ഇക്കുറിയും പ്രഖ്യാപനം മാര്‍ച്ച് ആദ്യമായിരിക്കും. തമിഴ്‌നാട്ടിലും പുതുച്ചേരിയിലും വെള്ളപ്പൊക്ക ദുരിതാശ്വാസ പ്രവര്‍ത്തനങ്ങള്‍ നടന്നുവരികയാണ്. കാലാവധി അവസാനിക്കുന്നതു മേയ് 31ന് ആണ്. ബംഗാള്‍, തമിഴ്‌നാട് എന്നിവയുടേത് മേയ് തിരഞ്ഞെടുപ്പു പ്രഖ്യാപനം വരികയും പെരുമാറ്റച്ചട്ടം നിലവില്‍വരികയും ചെയ്യുന്നതോടെ ഈ പ്രവര്‍ത്തനങ്ങള്‍ തടസ്സപ്പെടരുത് എന്നതും കമ്മിഷന്‍ കണക്കിലെടുത്തിട്ടുണ്ട്. കേരള നിയമസഭയുടെ 29–ും അസമിന്റേത് ജൂണ്‍ അഞ്ചിനും പുതുച്ചേരിയുടേത് ജൂണ്‍ രണ്ടിനും അവസാനിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha