വിവാഹം മുടങ്ങിയതിനെത്തുടര്‍ന്ന് മുന്നംഗ കുടുംബം ആത്മഹത്യ ചെയ്ത സംഭവത്തിനു ഉത്തരവാദിയായ യുവാവിനെ പൊലീസ് പിടികൂടിയതായി സൂചന. വിവാഹം മുടങ്ങിയതിനെത്തുടര്‍ന്നാണ് വരാക്കരയില്‍ അച്ഛനും അമ്മയും മകളും ആത്മഹത്യ ചെയ്തത്. വാട്ട്‌സ് ആപ്പിലൂടെ പഴയകാല സൗഹൃദ ചിത്രങ്ങള്‍ വരനു അയച്ചു കൊടുത്തതാണ് വിവാഹം മുടങ്ങാന്‍ ഇടയാക്കിയത്. അത്താണി അമ്പലപുരം സ്വദേശി അനന്തുവാണ് പിടിയിലായത്. 
വരാക്കര ചുക്കിരിക്കുന്ന് തുപ്രത്ത് ബാബു (54), ഭാര്യ സവിത (42), മകള്‍ ശില്‍പ (22) എന്നിവരാണു മരിച്ചത്. 13ന് മൂന്നുമണിയോടെയാണ് ഇവര്‍ താമസിക്കുന്ന വീടിനു സമീപത്തെ പഴയ വീട്ടില്‍ അബോധാവസ്ഥയില്‍ മൂവരെയും കണ്ടെത്തിയത്. സയനൈഡ്, ശീതളപാനീയ കുപ്പി, മൊബൈല്‍ ഫോണുകള്‍ തുടങ്ങിയവ സമീപത്തു നിന്നു കണ്ടെത്തിയിരുന്നു. ഒപ്പമുണ്ടായിരുന്ന മൂന്നു പേജുള്ള കുറിപ്പില്‍ നിന്നാണ് ശില്‍പയുടെ വിവാഹം സുഹൃത്തായിരുന്ന വടക്കാഞ്ചേരി സ്വദേശിയായ യുവാവ് മുടക്കിയതിലുള്ള ദുഃഖം മൂലമാണ് ജീവനൊടുക്കുന്നതെന്ന വിവരം പൊലീസിനു ലഭിച്ചത്.

കോളജ് പഠനകാലത്ത് എടുത്ത ഗ്രൂപ്പ് ഫോട്ടോയില്‍ കൃത്രിമമായി ചിത്രീകരിച്ച ഫോട്ടോയാണ് അനന്തു പ്രണയചിത്രമെന്ന് കാണിച്ച് യുവാവിന് അയച്ചുനല്‍കിയത്. ഇക്കാര്യം വ്യക്തമായതോടെ പൊലീസ് അനന്തുവിനെതിരെ കേസെടുത്തു. ഇയാള്‍ കുറ്റം സമ്മതിച്ചു.
വെറും ഫോട്ടോയുടെ പേരില്‍ വിവാഹം വേണ്ടെന്നുവെച്ച ആ വരനും ഈ ആത്മഹത്യയില്‍ നിന്നും എങ്ങനെ ഒഴിയാന്‍ സാധിക്കും. ഇവര്‍ക്കെല്ലാം എങ്ങനെ ഉറങ്ങാന്‍ പറ്റും ദൈവമേ.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha