സര്‍ക്കാരിനെ കൊണ്ട് ലാവ്‌ലിന്‍ കേസ് വീണ്ടും കുത്തിപ്പൊക്കിയതിന് പിന്നില്‍ പ്രതിപക്ഷനേതാവിനും പങ്കെന്ന് കണ്ണൂര്‍ ലോബിയുടെ ആരോപണം. പിണറായിയെ മുഖ്യമന്ത്രിയാക്കുന്നതിന്റെ ഭാഗമായി സി.പി.എമ്മിന്റെയും പോഷക സംഘടനകളുടെയും സകല പരിപാടികളിലും ഇപ്പോള്‍ വി.എസിനെ പങ്കെടുപ്പിക്കുന്നില്ല. കേരളയാത്രയില്‍ പിണറായിയെ ജാഥാക്യാപ്റ്റനുമാക്കി. ഇതൊക്കെ കണ്ട് സഹിക്കാതിരുന്ന വി.എസ് ഉമ്മന്‍ചാണ്ടി വഴിയാണ് ഓപ്പറേഷന്‍ നടത്തിയതെന്നും ഔദ്യോഗിക പക്ഷത്തെ നേതാക്കള്‍ രഹസ്യമായി പറയുന്നുണ്ട്.

തനിക്ക് തലവേദന ഉണ്ടാക്കരുതെന്ന് ജനറല്‍ സെക്രട്ടറി സീതാറാം യെച്ചൂരി വി.എസിന് നിര്‍ദ്ദേശം കൊടുത്തതിനാലാണ് ഇത്രയും സംഭവങ്ങളൊക്കെ നടന്നിട്ടും മിണ്ടാതെ ഇരിക്കുന്നത്. അങ്ങനെ ഇരുന്നപ്പോഴാണ് വി.എസിന്റെ ഉപദേശകരിലാരോ ലാവ്‌ലിന്‍ കുത്തിപ്പൊക്കാന്‍ നിര്‍ദ്ദേശിച്ചതെന്നും അറിയുന്നു. മാണി എല്‍.ഡി.എഫിനൊപ്പം ചേര്‍ന്ന് മുഖ്യമന്ത്രി ആകാന്‍ ശ്രമിക്കുന്ന വിവരം ഉമ്മന്‍ചാണ്ടിക്ക് കൊടുത്തത് വി.എസ് ആണെന്ന് പരസ്യമായ രഹസ്യമാണ്.  അന്ന് ഉമ്മന്‍ചാണ്ടിക്ക് വിവരം നല്‍കിയത് കൊണ്ട് അദ്ദേഹത്തിന് മാത്രമല്ല, വി.എസിനും ഗുണമുണ്ടായി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha