പെണ്കുട്ടികളെ സൂക്ഷിച്ചോ? കന്യകമാരെ കാണാതാകുന്നതിനുപിന്നില് സാത്താന്സേവക്കാരെന്ന് സംശയം
പറവൂരില് നഴ്സിങ് വിദ്യാര്ഥിനിയെ ദുരൂഹ സാഹചര്യത്തില് കാണാതായ സംഭവത്തില് സാത്താന് സേവകര്ക്കു പങ്കുണ്ടെന്ന സൂചന. ഡിസംബര് നാലിനാണ് വിദ്യാര്ഥിനിയെ കാണാതായത്. പറവൂര് പൊലീസ്, മിസ്സിങ് കേസായി ആരംഭിച്ച അന്വേഷണം, പെണ്കുട്ടിയുടെ നോട്ട് ബുക്കില് സാത്താന് സേവകരുമായി ബന്ധപ്പെട്ട വിവരങ്ങള് കണ്ടെത്തിയതോടെ ക്രൈം ഡിറ്റാച്ച്മെന്റിനു കൈമാറുകയായിരുന്നു. അന്വേഷണം ആരംഭിച്ച് ഇത്രയും ദിവസമായിട്ടും പെണ്കുട്ടിയെ സംബന്ധിച്ച് ഒരു വിവരവുമില്ല. ഇതിനിടെ സമാന രീതിയില് പശ്ചിമകൊച്ചിയില്നിന്നും വിദ്യാര്ഥിനിയെ കാണാതായതായി റിപ്പോര്ട്ടുണ്ട്.
കാണാതാകുന്നതിന് ആഴ്ചകള് മുന്പേ വീട്ടുകാരോടു പോലും അകലം പാലിച്ചിരുന്ന വിദ്യാര്ഥിനി, ഡിസംബര് നാലിനു രാവിലെ കോളെജിലേക്ക് എന്നു പറഞ്ഞാണ് വീട്ടില്നിന്നിറങ്ങിയത്. വൈകുന്നേരമായിട്ടും തിരിച്ചെത്താതായതോടെ വീട്ടുകാര് പൊലീസിനെ സമീപിക്കുകയായിരുന്നു. കൂട്ടുകാരെയും മറ്റും ചോദ്യം ചെയ്തെങ്കിലും യാതൊരു സൂചനയും ലഭിച്ചിരുന്നില്ല.
ഇതിനിടെ പൊലീസിന്റെ നിര്ദേശ പ്രകാരം വീട്ടുകാര് പെണ്കുട്ടിയുടെ നോട്ട് ബുക്കുകള് പരിശോധിച്ചതില് നിന്നാണ് സാത്താന് സേവകരുമായുള്ള ബന്ധം വ്യക്തമാകുന്നത്. \'ബ്ലാക്ക് മാജിക്ക് സര്\' എന്ന് അഭിസംബോധന ചെയ്ത് സാത്താന് സേവകര്ക്കെഴുതിയ കത്തും കണ്ടെടുത്തു.
കത്തോലിക്കാ വിഭാഗത്തിലുള്ള പെണ്കുട്ടി സാത്താന്സേവകരെക്കുറിച്ച് 12 വയസുള്ള സഹോദരനോടു പറഞ്ഞിട്ടുണ്ട്. \'\'സാത്താന് ആരാധനയ്ക്കു പോയിട്ടുണ്ട്. അവിടെ വലിയ അദ്ഭുതങ്ങളാണു നടക്കുന്നത്. വിശുദ്ധ കുര്ബാനയ്ക്ക് ഉപയോഗിക്കുന്ന ഓസ്തിയില്നിന്നു ചോര വരുന്നതു തന്നെ കാണിച്ചു\' എന്നിങ്ങനെ പെണ്കുട്ടി സഹോദരനോടു പറഞ്ഞെന്ന് വീട്ടുകാര്. എന്നാല്, സംഘവുമായി ബന്ധപ്പെട്ട ആരിലേക്കും നേരിട്ട് എത്തിച്ചേരാവുന്ന വിവരങ്ങള് നോട്ട് ബുക്കില് ഇല്ല. ഇതോടെ അന്വേഷണം വഴിമുട്ടിയ സ്ഥിതിയിലാണ്.
കന്യകമാരെ പ്രലോഭിപ്പിച്ചും ഭീഷണിപ്പെടുത്തിയും കറുത്ത കുര്ബാനയ്ക്ക് ഉപയോഗിക്കുന്നത് സാത്താന് സേവകരുടെ രീതിയാണ്. യുഎസ് അടക്കമുള്ള രാജ്യങ്ങളില് ഇത്തരം സംഭവങ്ങള് റിപ്പോര്ട്ട് ചെയ്യപ്പെട്ടിട്ടുണ്ടെങ്കിലും പെണ്കുട്ടികളെ തട്ടിയെടുക്കുന്നതായി കേരളത്തില് റിപ്പോര്ട്ട് ചെയ്യപ്പെടുന്നത് ആദ്യം. വിദ്യാര്ഥിനികളെയും യുവാക്കളെയും ലക്ഷ്യമിട്ട് സാത്താന് സേവകര് കേരളത്തില് പിടിമുറുക്കുന്നതായി നേരത്തെ പൊലീസ് രഹസ്യാന്വേഷണ വിഭാഗം റിപ്പോര്ട്ട് ചെയ്തിരുന്നു. കൊച്ചിയിലും പരിസര പ്രദേശങ്ങളിലും വര്ഷങ്ങള്ക്കു മുന്പു തന്നെ സാത്താന് സേവകരുടെ സാന്നിധ്യം പലതവണ വ്യക്തമായിട്ടുള്ളതുമാണ്. പള്ളികളില് കവര്ച്ച നടത്തി, കുര്ബാനയ്ക്കുപയോഗിക്കുന്ന വസ്തുക്കള് തട്ടിയെടുക്കുന്നതു പോലുള്ള സംഭവങ്ങള് മുന്പും ഉണ്ടായിട്ടുണ്ട്. ഉന്നതര് ഉള്പ്പെട്ട കേസായതിനാല് അന്വേഷണങ്ങള് പാതിവഴിയില് അവസാനിപ്പിക്കുകയായിരുന്നു പൊലീസ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
