ധനമന്ത്രി കെ.എം.മാണിക്കെതിരായ ബാര്‍ കോഴക്കേസിലെ കേസ് ഡയറി ഹാജരാക്കാന്‍ തിരുവനന്തപുരം വിജിലന്‍സ് കോടതി വിജിലന്‍സിനോട് നിര്‍ദ്ദേശിച്ചു. ഇതോടാപ്പം വസ്തുതാ വിവര റിപ്പോര്‍ട്ടും ഹാജരാക്കാന്‍ കോടതി ഉത്തരവിട്ടിട്ടുണ്ട്. കേസ് വിശദമായ വാദം കേള്‍ക്കുന്നതിന് ഫെബ്രുവരി 16ന് പരിഗണിക്കും.

അതേസമയം കെ.എം.മാണിക്കെതിരായ ബാര്‍ കോഴ ആരോപണത്തില്‍ കഴമ്പില്ലെന്ന് വിജിലന്‍സ് എസ്.പി. സുകേശന്‍ റിപ്പോര്‍ട്ട് നല്‍കി. തിരുവനന്തപുരത്തെ പ്രത്യേക വിജിലന്‍സ് കോടതിയില്‍ സമര്‍പ്പിച്ച റിപ്പോര്‍ട്ടിലാണ് ഇക്കാര്യം പറയുന്നത്. ബാറുകള്‍ പൂട്ടാനുള്ള സര്‍ക്കാരിന്റെ തീരുമാനം കാരണം ബാര്‍ ഹോട്ടല്‍ അസോസിയേഷന്‍ ബിജു രമേശിന് കോടികളുടെ നഷ്ടമുണ്ടായെന്നും അതിനാല്‍ സര്‍ക്കാരിനെ ഭീഷണിപ്പെടുത്താനാണ് ബിജു ശ്രമിക്കുന്നതെന്നും എസ്.പി സമര്‍പ്പിച്ച 148 പേജുള്ള തുടരന്വേഷണ റിപ്പോര്‍ട്ടില്‍ പറയുന്നു.
മാണിക്ക് മൂന്നു തവണയായി കോഴ നല്‍കിയെന്ന ആരോപണത്തിന് തെളിവില്ല. പാലായില്‍ മാണിയുടെ വീട്ടില്‍ വച്ച് പണം നല്‍കിയതിനും തെളിവൊന്നും ലഭിച്ചിട്ടില്ല. മാണിയ്‌ക്കെതിരെ സാഹചര്യ തെളിവുണ്ടെന്ന തന്റെ ആദ്യ റിപ്പോര്‍ട്ട് തെറ്രായിരുന്നെന്നും സുകേശന്‍ പറഞ്ഞു. ഫോണ്‍കോളുകള്‍ പരിശോധിക്കാതെയാണ് താന്‍ അത്തരമൊരു നിഗമനത്തില്‍ എത്തിയതെന്നും റിപ്പോര്‍ട്ടില്‍ പറയുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha