കണ്ണീര്ക്കാഴ്ചയായി.... വേങ്ങര കടലുണ്ടി പുഴയില് കുളിക്കാനിറങ്ങിയ സഹോദരിമാര് മുങ്ങി മരിച്ചു
വേങ്ങര കടലുണ്ടി പുഴയില് കുളിക്കാനിറങ്ങിയ സഹോദരിമാര് മുങ്ങി മരിച്ചു. വേങ്ങര വെട്ടുതോട് സ്വദേശിനി അജ്മല (21), സഹോദരി ബുഷ്റ (27) എന്നിവരാണ് മരിച്ചത്.
ബന്ധുവീട്ടില് വിരുന്നിനെത്തിയതായിരുന്നു ഇരുവരും. ഒഴുക്കില് പെട്ട ഇരുവരെയും രക്ഷപ്പെടുത്തി മലപ്പുറത്തെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാന് കഴിഞ്ഞില്ല.
അതേസമയം ഇടുക്കിയില് ചെങ്കുളം ഡാമില്നിന്ന് മീന് പിടിക്കുന്നതിനിടെ ചെങ്കുളം ബ്രദേഴ്സ് വടംവലി ടീമിലെ അംഗം മുങ്ങിമരിച്ചു. ചെങ്കുളം നാലാനിക്കല് ശീമോന്റെ മകന് ജിമ്മി (33) ആണ് മരിച്ചത്. ബുധനാഴ്ച്ച രാത്രി എട്ടിനാണ് സംഭവം. ജിമ്മിയും സുഹൃത്തുക്കളായ രണ്ടുപേരും ചേര്ന്ന് ടയര് ട്യൂബില് ഡാമിലൂടെ സഞ്ചരിച്ച് വലകെട്ടി മീന് പിടിക്കുകയായിരുന്നു. ഇതിനിടെ കുളിക്കുന്നതിനുവേണ്ടി ജിമ്മി വീണ്ടും വെള്ളത്തില് ഇറങ്ങി.
സുഹൃത്തുക്കള് ഏറെനേരം കരയില് കാത്തുനിന്നെങ്കിലും ജിമ്മി തിരികെ എത്തിയില്ല. തുടര്ന്ന് ഡാമില് മീന് പിടിക്കുകയായിരുന്ന ആളുകളുമായി ചേര്ന്നുനടത്തിയ തിരച്ചിലിലാണ് ജിമ്മിയെ അബോധാവസ്ഥയില് വെള്ളത്തില് കണ്ടെത്തിയത്. ആനച്ചാലിലെ സ്വകാര്യ ആശുപത്രിയില് എത്തിച്ചപ്പോഴേക്കും മരിച്ചിരുന്നു.
"
https://www.facebook.com/Malayalivartha