റബ്ബര്‍ വിലയിടിവിനെ തുടര്‍ന്ന് കര്‍ഷകര്‍ക്ക് ആശ്വാസമെത്തിക്കാനായി കേരളാ കോണ്‍ഗ്രസ് എംപി ജോസ് കെ മാണി നടത്തുന്ന നിരാഹാരം 5-ാം ദിവസം കടക്കുമ്പോള്‍ റബ്ബര്‍ കര്‍ഷകര്‍ക്ക് താല്‍കാലിക ആശ്വാസമായി സ്വാഭാവിക റബറിന്റെ ഇറക്കുമതി കേന്ദ്രസര്‍ക്കാര്‍ നിരോധിച്ചു. റബര്‍ കര്‍ഷകരുടെ പ്രശ്‌നങ്ങളില്‍ കേന്ദ്ര സര്‍ക്കാര്‍ അടിയന്തരമായി ഇടപെടണമെന്ന് ആവശ്യപ്പെട്ടാണ് കേരളാ കോണ്‍ഗ്രസ് എം എംപി ജോസ് കെ മാണി കോട്ടയം തിരുനക്കരയില്‍ അനിശ്ചിതകാല നിരാഹാര സമരം തുടരുന്നത്. മാര്‍ച്ച് 31 വരെയാണ് റബറിന്റെ ഇറക്കുമതി നിരോധനം. റബര്‍ ഇറക്കുമതി നിരോധിക്കുന്നതായി ജനുവരി 21 മുതല്‍ മാര്‍ച്ച് 31 വരെ ഡയറക്ടറേറ്റ് ജനറല്‍ ഓഫ് ഫോറിന്‍ ട്രേഡ് അറിയിച്ചു. ഇറക്കുമതി താല്‍ക്കാലികമായി നിരോധിച്ചത് ചെന്നൈ, നഹാവ ഷെവാ എന്നീ രണ്ടു തുറമുഖളില്‍ കൂടി മാത്രം ഇറക്കുമതിയെന്നു തീരുമാനിച്ചതിനു പിന്നാലെയാണ്. സ്വാഭാവിക റബ്ബര്‍ ഇറക്കുമതി നിരോധിച്ച് വാണിജ്യമന്ത്രാലയത്തിലെ വിദേശ വ്യാപാര ഡയറക്ടര്‍ ജനറല്‍ വ്യാഴാഴ്ച ഉത്തരവിറക്കി. റബ്ബറിന്റെ വിലത്തകര്‍ച്ചമൂലം പൊറുതിമുട്ടുന്ന കര്‍ഷകരെ സഹായിക്കാനാണ് കേന്ദ്രം ഈ തീരുമാനമെടുത്തത്. ഇറക്കുമതി ആറുമാസത്തേക്ക് നിരോധിക്കുമെന്ന് വാണിജ്യമന്ത്രി നിര്‍മല സീതാരാമന് നേരത്തേ കേരള എംപി.മാര്‍ക്ക് ഉറപ്പുനല്‍കിയിരുന്നു. എന്നാല്‍, ഇറക്കുമതി ചെന്നൈ, മുംബൈ തുറമുഖങ്ങളിലൂടെ മാത്രമാക്കി കൊണ്ടുള്ള ഉത്തരവാണ് ബുധനാഴ്ച പുറത്തുവന്നത്. എന്നാല്‍, ഇത് ഗുണം ചെയ്യില്ല എന്ന് കണ്ടാണ് ഇറക്കുമതിക്ക് താത്കാലിക നിയന്ത്രണം കൊണ്ടുവന്നത്.
നാലാം ദിവസം പിന്നിട്ടതും ജോസ് കെ മാണിയുടെ നിരാഹാരം ഇതിന് കാരണമായി. ഇതോടെ ജോസ് കെ. മാണിയുടെ ജീവന്‍ രക്ഷിക്കാന്‍ അടിയന്തരമായി ഇടപെടണമെന്നാവശ്യപ്പെട്ട് യൂത്ത് ഫ്രണ്ട് പ്രവര്‍ത്തര്‍ പ്രധാനമന്ത്രിക്കും കേന്ദ്ര വാണിജ്യ മന്ത്രിക്കും കത്തുകളും, എസ്.എം.എസും അയക്കുകയും ചെയ്തു. ഇതിന്റെ ഭാഗമായി കോട്ടയം നഗരത്തില്‍ ബുധനാഴ്ച യുവജനകൂട്ടായ്മ സംഘടിപ്പിച്ചു. അതിനിടെ ജോസ് കെ. മാണി എംപിയെ പരിശോധിച്ച ഡോക്ടര്‍മാരുടെ സംഘം ആരോഗ്യനില തൃപ്തികരമല്ലെന്ന് അറിയിച്ചു. ഇതോടെയാണ് അടിയന്തര നടപടികള്‍ കേന്ദ്ര സര്‍ക്കാര്‍ എടുത്തതെന്നും സൂചനയുണ്ട്. കഴിഞ്ഞയാഴ്ച െ്രെകസ്തവ സഭയുമായി സംസാരിച്ച കേന്ദ്രമന്ത്രി സദാനന്ദ ഗൗഡയോട് റബ്ബറിന്റെ വിലത്തകര്‍ച്ച വിഷയം സഭയും ഉയര്‍ത്തിയിരുന്നു.
റബ്ബറിന്റെ വില നൂറിലും താഴേയ്ക്കു പതിച്ചതോടെ റബ്ബര്‍ ഉപജീവനമാര്‍ഗമായ മലയോരപ്രദേശങ്ങള്‍ കടുത്ത മാന്ദ്യത്തിലായിരുന്നു. അന്താരാഷ്ട്ര വിപണിയില്‍ നിന്നുള്ള റബര്‍ ഇറക്കുമതി നിലയ്ക്കുന്നതോടെ ആഭ്യന്തരവിപണിയിലെ റബ്ബറിന് കൂടുതല്‍ വില ലഭിക്കുന്നതിനും സാധ്യതയുണ്ടാകുമെന്നാണ് വിലയിരുത്തല്‍. ജോസ് കെ മാണിയുടെ സമരത്തിനെതിരെ കേന്ദ്രസര്‍ക്കാര്‍ കണ്ണടച്ചാല്‍ യുഡിഎഫ് ഈ സമരം ഏറ്റെടുക്കുമെന്ന് ആഭ്യന്തര മന്ത്രി രമേശ് ചെന്നിത്തല പറഞ്ഞിരുന്നു. അതിനിടെയാണ് കേന്ദ്ര തീരുമാനം വരുന്നത്. ഈ സാഹചര്യത്തില്‍ നിരാഹാരത്തില്‍ ഇന്ന് തീരുമാനം എടുക്കുമെന്ന് ജോസ് കെ മാണി അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha