വി.എസ് മൗനം വെടിഞ്ഞാല്... വി.എസ് അച്യുതാനന്ദന്റെ മൗനം പിണറായി വിജയന് തലവേദനയാകുന്നു
വി.എസ് അച്യുതാനന്ദന്റെ മൗനം പിണറായി വിജയന് തലവേദനയാകുന്നു. നവകേരള മാര്ച്ചിന്റെ ഉദ്ഘാടന വേദിയില് വി.എസ് ലാവ്ലിനെ കുറിച്ച് എന്തെങ്കിലും പറയുമോ എന്ന ആശങ്കയിലായിരുന്നു പിണറായി. എന്നാല് യെച്ചൂരിയുടെ നിര്ദ്ദേശം പാലിച്ച് വി.എസ് ഒന്നും മിണ്ടിയില്ല. എന്നാല് പിന്നീടുള്ള വി.എസിന്റെ മൗനം പിണറായിക്ക് തലവേദനയായിരിക്കുകയാണ്. വി.എസ് മൗനം വെടിഞ്ഞാല് അതൊരു വലിയ ബോംബായിരിക്കും. ആ ബോംബ് തനിക്ക് എതിരെയായിരിക്കുമെന്ന് പിണറായിക്കറിയാം.
പി.ജയരാജന് ഉള്പ്പെടെ പ്രതിരോധത്തിലായതോടെ എന്ത് ചെയ്യണമെന്ന് കണ്ണൂരിലെ നേതാക്കള്ക്ക് അറിയില്ല. അക്രമം നടത്തിയാല് ജനം കൂടെ നില്ക്കില്ല. കേന്ദ്രസര്ക്കാരിനെ സ്വാധീനിക്കാനും കഴിയില്ല. സിബിഐ കോടതി കുറ്റക്കാരനല്ലെന്നു കണ്ടു വെറുതേവിട്ട പിണറായി വിജയനെതിരെ ഹൈക്കോടതിയില് സര്ക്കാര് ഉപഹര്ജി സമര്പ്പിച്ചതോടെ തെരഞ്ഞെടുപ്പു വേളയില് ലാവ്ലിന് ഒരിക്കല്കൂടി ശത്രുക്കള്ക്ക് പ്രചരണായുധമായി. ലാവ്ലിന് കേസില് പിണറായി വിജയനും സിപിഎം നേതാക്കളും പ്രതികരിച്ചു വിവാദങ്ങള് ഉണ്ടാക്കാതെ മുന്നോട്ടുപോകുമ്പോഴാണു പി.ജയരാജനെ കതിരൂര് മനോജ് കേസില് സിബിഐ പ്രതിചേര്ത്തത്.
ഇതോടെ കേരളത്തിന്റെ പുതിയ വികസന രേഖയുമായി തെരഞ്ഞെടുപ്പു പ്രചരണത്തിനിറങ്ങിയ സിപിഎമ്മിനു നേതാക്കള്ക്കെതിരെയുള്ള കേസുകളെ സംബന്ധിച്ചും ജനങ്ങളോടു മറുപടി പറയേണ്ടിവന്നിരിക്കുകയാണ്. നിയമസഭാ തെരഞ്ഞെടുപ്പില് പി.ജയരാജന് മത്സരിക്കാന് തയാറെടുപ്പുകള് തുടങ്ങിയ സാഹചര്യത്തിലാണു കേസില് പ്രതിചേര്ക്കപ്പെട്ടതെന്നുള്ളതും ശ്രദ്ധേയമാണ്. തെരഞ്ഞെടുപ്പ് അടുക്കുന്തോറും കുരുക്കുകള് മുറുകുമോ എന്ന ഭയത്തിലാണ് പിണറായിയും കോടിയേരിയും അടക്കം. എന്നാല് വി.എസിന്റെ മൗനം ഇവര്ക്കെതിരെയുള്ള ബോംബാകുമോ?
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
