ബാബു രാജിവെച്ചതില് സങ്കടം ബാറുകാര്ക്ക്, എക്സൈസ് മന്ത്രിക്ക് വിനയായത് അബ്കാരികളുമായുള്ള ഇഴപിഴിയാത്ത സൗഹൃദം
എക്സൈസ് മന്ത്രിയായിരുന്ന കെ ബാബു രാജിവെച്ചതില് സന്തോഷിക്കുന്നതിനേക്കാളേറെ ദുഖിക്കുന്ന ബാര്മുതലാളിമാരാണ് ഏറ്റവും കൂടുതല്. ബാറുകാരുമായി ഇത്രയധികം ചങ്ങാത്തമുള്ള ബാബുവിനെപ്പോലെയൊരു മന്ത്രി കേരളത്തിലുണ്ടായിട്ടില്ലെന്നാണ് റിപ്പോര്ട്ട്.മദ്യനയത്തില് ഇടയ്ക്കിടെ മാറ്റംവരുത്തിയതും ഇവരില്നിന്നും കനത്ത സംഭാവന സ്വീകരിച്ചതോടെയുമാണു ബാബു മറ്റ് അബ്കാരികളുടെ വിദ്വേഷത്തിനുപാത്രമായത്.
മദ്യനയം തോന്നുംപടി തിരുത്തിയതിലൂടെ കോടികള് ഒഴുകി. ഇതിനിടെ കോഴ ആരോപണത്തെക്കുറിച്ച് അന്വേഷിക്കാന് നിയോഗിക്കപ്പെട്ട വിജിലന്സ് ഉദ്യോഗസ്ഥര് 'ഉറക്കംതൂങ്ങിയ'തോടെ കോടതിയുടെ കടുത്ത വിമര്ശനം ക്ഷണിച്ചുവരുത്തുകയും ചെയ്തു.ബാബുവിനെതിരായ കേസന്വേഷണത്തില് ഞെട്ടിക്കുന്ന വിവരങ്ങളാണു എറണാകുളം വിജിലന്സ് എസ്.പിക്കു ലഭിച്ചത്. ഇതുകാരണം ഇന്നലെ കേസ് തൃശൂര് കോടതിയില് പരിഗണനയ്ക്കുവന്നപ്പോള് അന്വേഷണം സംബന്ധിച്ച ഒരു രേഖയും ഹാജരാക്കാന് അവര് തുനിഞ്ഞില്ല.
പകരം കൂടുതല് സമയം വേണമെന്നുമാത്രമായിരുന്നു ആവശ്യപ്പെട്ടത്. ഇക്കാര്യം വിജിലന്സ് ജഡ്ജിയെ നേരില്കണ്ട് അറിയിക്കാനായി എസ്.പി: ആര്. നിശാന്തിനി കോടതിയിലെത്തുകയും ചെയ്തു. എന്നാല് കടുത്ത പ്രത്യാഘാതങ്ങള് നേരിടേണ്ടിവരുമെന്ന മുന്നറിപ്പിനെത്തുടര്ന്നു അവര് പിന്വാങ്ങി.
അബ്കാരികള്ക്കു മന്ത്രിയെന്ന നിലയില് കെ. ബാബു പ്രത്യുപകാരമായി ചെയ്ത കാര്യങ്ങള് ഇവയാണ്: മദ്യനയത്തില് ഇടയ്ക്കിടെ ഇവര് വരുത്തിയ മാറ്റങ്ങള്, സുപ്രിംകോടതിയില് ബാറുടമകള്ക്കു അനുകൂലമായി സ്വീകരിച്ച നിലപാടുകള്, ഇവര് നിര്ദേശിക്കുന്ന മദ്യ കമ്പനികളുടെ ബ്രാന്റുകള് ബിവറേജസിലൂടെ കൂടുതലായി സംഭരിക്കുക.
മന്ത്രിക്കെതിരായ ബാര് കോഴ ആരോപണത്തെക്കുറിച്ചുളള പ്രാഥമികാന്വേഷണ റിപ്പോര്ട്ട് സമര്പ്പിക്കാന് വിജിലന്സ് കോടതി ഒന്നരമാസത്തെ സമയം നല്കിയെങ്കിലും എറണാകുളം വിജിലന്സ് എസ്.പിയായിരുന്ന കെ.എം. ആന്റണി ഇക്കാര്യത്തില് നിസംഗത പാലിക്കുകയായിരുന്നെന്നു ചൂണ്ടിക്കാണിക്കപ്പെടുന്നു. അന്വേഷണം നടത്താന് മുകളില്നിന്നു നിര്ദേശം ഉണ്ടായതുമില്ല. എസ്.പി: ആന്റണി കേസന്വേഷണം നടത്തുന്നുണ്ട് എന്നാണു തങ്ങള് വിശ്വസിച്ചിരുന്നതെന്നായിരുന്നു വിജിലന്സ് ഡയറക്ടറേറ്റ് നല്കിയ വിശദീകരണം. കോഴിക്കോട്ടേക്കു സ്ഥലംമാറ്റിയ കെ.എം. ആന്റണിക്കുപകരം എസ്.പി: ആര്. നിശാന്തിനിയാണ് എറണാകുളം വിജിലന്സ് എസ്.പിയായത്. ഇവരും കോടതി ഉത്തരവ് പ്രകാരമുളള അന്വേഷണത്തിനു മെനക്കെട്ടില്ല. ഇന്നലെ കേസ് പരിഗണനയില്വന്നപ്പോള് കോടതി ചോദിച്ചത് അന്വേഷണ റിപ്പോര്ട്ട് എവിടെയെന്നായിരുന്നു. അതിനു കൃത്യമായ മറുപടി നല്കാന് അഭിഭാഷകനായില്ല.
അന്വേഷണത്തിനു കുറച്ചുകൂടി സമയം വേണമെന്നായിരുന്നു സര്ക്കാരിന്റെ ആവശ്യം. ഇതു കോടതിയെ പ്രകോപിപ്പിച്ചു. ഒന്നരമാസം കഴിഞ്ഞിട്ടും പേരിനുവേണ്ടിപോലും അന്വേഷണം നടത്തിയില്ലെന്നും കേസെടുത്ത് ഇനി അന്വേഷണം നടത്തിയാല് മതിയെന്നും കോടതി നിര്ദേശിക്കുകയായിരുന്നു .
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
