പ്രശസ്ത നടി കല്‍പ്പന അന്തരിച്ചു. ഹൈദരബാദിലെ സ്വകാര്യ ആശുപത്രിയില്‍ ഇന്ന് രാവിലെയായിരുന്നു അന്ത്യം. ഹൈദരബാദിലെ ഒരു അവാര്‍ഡ് നിശയില്‍ പങ്കെടുക്കാനെത്തിയ കല്‍പ്പനയെ പൂലര്‍ച്ചേ ഹോട്ടല്‍മുറിയില്‍ അവശ നിലയില്‍ കണ്ടെത്തുകയായിരുന്നു.
ഇന്നു തന്നെ പുലര്‍ച്ചെ അപ്പോളോ ആശുപത്രിയില്‍ എത്തിച്ചെങ്കിലും അതിനു മുന്‍പ് മരണം നടന്നിരുന്നുവെന്നാണ് ആശുപത്രി അധികൃതര്‍ അറിയിച്ചത്. എന്താണ് മരണ കാരണം എന്ന് വ്യക്തമല്ല. ഹൈദരാബാദിലെ അപ്പോളോ ആശുപത്രിയിലാണ് മൃതദേഹം സൂക്ഷിച്ചിരിക്കുന്നത്.
ചാര്‍ളിയാണ് അവസാനം റിലീസ് ആയ ചിത്രം. മൃതദേഹം ഇന്നു വൈകീട്ടോടെ കേരളത്തില്‍ എത്തിക്കും.ബാലതാരമായാണ് സിനിമയില്‍ എത്തിയത്. നാടകപ്രവര്‍ത്തകരായ വി.പി.നായരുടെയും വിജയലക്ഷ്മിയുടേയും മകളാണ് കല്‍പന. മികച്ച സഹനടിക്കുള്ള ദേശീയപുരസ്‌കാരം ലഭിച്ചിട്ടുണ്ട്. നടിമാരായ കലാരഞ്ജിനിയും ഉര്‍വശിയും സഹോദരിമാരാണ്. എം.ടി.യുടെ മഞ്ഞ്, അരവിന്ദന്റെ പോക്കുവെയില്‍ തുടങ്ങിയ സിനിമകളില്‍ പതിമൂന്ന് വയസ്സുള്ളപ്പോള്‍ അഭിനയിച്ചു.
എങ്ങനെയാണ് മരണം സംഭവിച്ചതെന്നുളള കൂടുതല്‍ വിവരങ്ങള്‍ പുറത്ത് വന്നിട്ടില്ല. ആത്മഹത്യയെന്ന് സംശയം ഉയരുന്നുണ്ട്. കല്‍പ്പനയുടെ മരണവാര്‍ത്ത സിനിമാ ലോകത്തെയായെ ഞെട്ടിച്ചിട്ടുണ്ട്.
മൂന്നൂറിലേറെ സിനിമയില്‍ അഭിനയിച്ച കല്‍പ്പന നാടക പ്രവര്‍ത്തകരായ ചവര വിപി നായരുടെയും വിജയലക്ഷ്മിയുടെയും മകളാണ്. നടിമാരായ കലാരഞ്ജിനി, ഉര്‍വശി എന്നിവര്‍ സഹോദരങ്ങളാണ്.
അവസാനകാലത്ത് കല്‍പ്പന ജീവിതത്തെ കുറിച്ച് അതീവ ദുഖിതയായിരുന്നു. തന്റെ ദുഖം പങ്കുവെച്ച്് കല്‍പ്പന പ്രമുഖ വാരികയില്‍ അഭിമുഖം നല്‍കിയിരുന്നു. ഒറ്റക്ക് ഇരിക്കാനാണ് തനിക്ക് ഇപ്പോള്‍ ഏറെ ഇഷ്ടപ്പെടുന്നുവെന്ന് പറഞ്ഞ് അധികം ദിവസം കഴിയുന്നതിനു മുന്നെയായിരുന്നു ആകസ്മികമായ മരണം കല്‍പ്പനയെ തേടിയെത്തിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha