സങ്കടം ഉള്ളിലൊതുക്കി അത് പുറമേ കാണിക്കാതെ എല്ലാവരെയും സന്തോഷിപ്പിക്കാന്‍ കഴിവുള്ള നടിയായിരുന്നു കല്‍പ്പന. കുടുംബ ജീവിതത്തിലുണ്ടായ പ്രശ്‌നങ്ങളില്‍ ഏറെ ദുഖിതയായിരുന്നു കല്‍പ്പന. സഹോദരിമാര്‍ക്കും ഒരോ പ്രശനമുണ്ടാകുബോഴും ഓടിയെത്തുന്നത് കല്‍പ്പനയായിരുന്നു. കല്‍പ്പനയുടെ മരണം വിശ്വസിക്കാനാകാതെ ഇരിക്കുകയാണ് സഹോദരിമാരായ കലാരഞ്ജിനിയും ഉര്‍വശിയും.
ഹൈദരാബാദിലെ ഷൂട്ടിങ്ങ് സെറ്റിലേക്ക് വളരെ സന്തോത്തോടെ തന്നെയായിരുന്നു കല്‍പ്പന എത്തിയിരുന്നത്. ജീവിതത്തില്‍ ബുദ്ധിമുട്ടുകളുണ്ടായിരുന്നെങ്കിലും കല്‍പ്പന അതൊന്നും സഹപ്രവര്‍ത്തകരോട് പങ്കുവെക്കാറില്ലായിരുന്നു. അരോടും തര്‍ക്കിക്കാത്ത പ്രകൃതം. എവിടെയും ഇണങ്ങിചേര്‍ന്ന് ആര്‍ക്കൊപ്പവും ഏത് റോളം ചെയ്യാന്‍ കല്‍പ്പനയ്ക്ക് മടിയില്ലായിരുന്നു. ജീവിതത്തില്‍ ഈ അടുത്ത കാലത്തുണ്ടായ സംഭവങ്ങളില്‍ ഏറെ ദുഖിതയായിരുന്നു അവര്‍. ഇന്നലെ ഏറെ വൈകിയും കല്‍പ്പനയുടെ റൂമില്‍ ലൈറ്റ കണ്ടതായി റിപ്പോര്‍ട്ടുണ്ട്. ഫോണ്‍ വിളിച്ചിട്ട് എടുക്കാത്തതിനെ തുടര്‍ന്ന് പുലര്‍ച്ചേ റൂംബോയ് വന്ന് വിളിച്ചിട്ടും വാതില്‍ തുറന്നില്ല. തുടര്‍ന്ന് വാതില്‍ തുറന്ന് പരിശേധിച്ചപ്പോഴാണ് കല്‍പ്പനയെ മരിച്ച നിലയില്‍ കണ്ടത്. ഹൃദയാഘാതമാണ് മരണകാരണമെന്നാണ് റിപ്പോര്‍ട്ട്.
പുലര്‍ച്ചെ തന്നെ അപ്പോളോ ആശുപത്രിയില്‍ എത്തിച്ചെങ്കിലും അതിനു മുന്‍പ് മരണം നടന്നിരുന്നുവെന്നാണ് ആശുപത്രി അധികൃതര്‍ അറിയിച്ചത്. ഹൈദരാബാദിലെ അപ്പോളോ ആശുപത്രിയിലാണ് മൃതദേഹം സൂക്ഷിച്ചിരിക്കുന്നത്.
ചാര്‍ളിയാണ് അവസാനം റിലീസ് ആയ ചിത്രം. മൃതദേഹം ഇന്നു വൈകീട്ടോടെ കേരളത്തില്‍ എത്തിക്കും.ബാലതാരമായാണ് സിനിമയില്‍ എത്തിയത്. നാടകപ്രവര്‍ത്തകരായ വി.പി.നായരുടെയും വിജയലക്ഷ്മിയുടേയും മകളാണ് കല്‍പന. മികച്ച സഹനടിക്കുള്ള ദേശീയപുരസ്‌കാരം ലഭിച്ചിട്ടുണ്ട്. നടിമാരായ കലാരഞ്ജിനിയും ഉര്‍വശിയും സഹോദരിമാരാണ്. എം.ടി.യുടെ മഞ്ഞ്, അരവിന്ദന്റെ പോക്കുവെയില്‍ തുടങ്ങിയ സിനിമകളില്‍ പതിമൂന്ന് വയസ്സുള്ളപ്പോള്‍ അഭിനയിച്ചു.
കല്‍പ്പനയുടെ മരണവാര്‍ത്ത സിനിമാ ലോകത്തെയായെ ഞെട്ടിച്ചിട്ടുണ്ട്.
മൂന്നൂറിലേറെ സിനിമയില്‍ അഭിനയിച്ച കല്‍പ്പന നാടക പ്രവര്‍ത്തകരായ ചവര വിപി നായരുടെയും വിജയലക്ഷ്മിയുടെയും മകളാണ്. അവസാനകാലത്ത് കല്‍പ്പന ജീവിതത്തെ കുറിച്ച് അതീവ ദുഖിതയായിരുന്നു. തന്റെ ദുഖം പങ്കുവെച്ച്് കല്‍പ്പന പ്രമുഖ വാരികയില്‍ അഭിമുഖം നല്‍കിയിരുന്നു. ഒറ്റക്ക് ഇരിക്കാനാണ് തനിക്ക് ഇപ്പോള്‍ ഏറെ ഇഷ്ടപ്പെടുന്നുവെന്ന് പറഞ്ഞ് അധികം ദിവസം കഴിയുന്നതിനു മുന്നെയായിരുന്നു ആകസ്മികമായ മരണം കല്‍പ്പനയെ തേടിയെത്തിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha