റബ്ബര് കര്ഷകരുടെ പ്രശ്നം ദേശീയ ശ്രദ്ധയാകര്ഷിക്കുന്നു, അടിയന്തര നടപടിക്ക് പ്രധാനമന്ത്രിയുടെ നിര്ദ്ദേശം, ജോസ് കെ മാണി എംപിയുടെ നിരാഹാര സമരം ഫലംകണ്ടു
റബര് വിലയിടിവിന് പരിഹാരം ആവശ്യപ്പെട്ടുള്ള ജോസ് കെ. മാണി എം.പിയുടെ നിരാഹാരസമരവും റബര് കര്ഷകരുടെ പ്രതിഷേധവും ദേശീയ ശ്രദ്ധയാകര്ഷിച്ചിട്ടുണ്ട്. കേരളത്തിലെ റബ്ബര് കര്ഷകരുടെ പ്രശ്നങ്ങള്ക്ക് അടിയന്തിര പരിഹാരം കാണമെന്ന് പ്രധാനമന്ത്രി നരേന്ദ്രമോഡി വാണിജ്യവ്യവസായ മന്ത്രി നിര്മലാ നീതാരാമന് നിര്ദ്ദേശം നല്കി. മാത്രമല്ല വരുന്ന ബജറ്റില് കര്ഷകരുടെ പ്രശ്നം പരിഹരിക്കുന്നതിനായി കൂടുതല് തൂക മാറ്റിവയ്ക്കാന് പ്രധാനമന്ത്രി ധനകാര്യമന്ത്രി അരുണ്ജയ്റ്റിലിക്ക് നിര്ദ്ദേശം കൊടുത്തതായും റിപ്പോര്ട്ടുണ്ട്.
ജോസ് കെ മാണിയുടെ നിരാഹാരത്തിലൂടെ റബ്ബര് കര്ഷകരുടെ പ്രതിസന്ധി കേന്ദ്രസര്ക്കാരിന്റെ സജീവശ്രദ്ധയിലെത്തിക്കാന് ആറു ദിവസം നീണ്ട നിരാഹാരസമരത്തിനു കഴിഞ്ഞു. സംഭവം മറ്റ് ദേശീയ മാധ്യമങ്ങളും ഏറ്റടുത്തു. മാത്രമല്ല ഇന്ത്യയിലെ മറ്റ് കര്ഷക സംഘടനകളും ജോസ് കെ മാണിക്ക് പിന്തുണയുമായി രംഗത്തെത്തിയിരുന്നു.
റബറിന്റെ നികുതിരഹിത ഇറക്കുമതിക്കു താല്ക്കാലിക നിരോധനവും തുറമുഖ നിയന്ത്രണവും ഏര്പ്പെടുത്തിയ കേന്ദ്രസര്ക്കാരിന്റെ നടപടിക്ക് എം.പിയുടെ നിരാഹാര സമരം വഴിമരുന്നായി. ദീര്ഘകാലത്തില് ഗുണം ചെയ്യില്ലെങ്കിലും അനുദിനം ഇടിഞ്ഞുകൊണ്ടിരുന്ന റബര് വില നിയന്ത്രിച്ചു നിര്ത്താന് ഈ രണ്ട് നടപടികളും ഇടയാക്കി. റബര് കര്ഷകരുടെ പ്രതിഷേധം നിര്ജീവമായ അവസ്ഥയിലാണു ജോസ് കെ. മാണി നിരാഹാരസമരം പ്രഖ്യാപിച്ചത്. സമരത്തിനെതിരേ പ്രതിപക്ഷകക്ഷികള് ആക്ഷേപം ഉന്നയിച്ചെങ്കിലും പിന്നോട്ടില്ലെന്ന നിലപാടിലായിരുന്നു അദ്ദേഹം. ഒടുവില് പ്രതിപക്ഷ കക്ഷികള്ക്കും റബറിന്റെ പേരില് പ്രസ്താവന പുറപ്പെടുവിക്കുകയും സമരം പ്രഖ്യാപിക്കുകയും ചെയ്യേണ്ട സ്ഥിതിയെത്തി. എം.പിയുടെ സമരം ജനശ്രദ്ധ ആകര്ഷിക്കുന്നുവെന്നു മനസിലാക്കിയ ഘട്ടത്തിലാണ് എല്.ഡി.എഫ്. ഹര്ത്താല് പ്രഖ്യാപിച്ചതെന്നു വിലയിരുത്തപ്പെടുന്നു.
സമരത്തിന്റെ മൂന്നാംനാള് റബറിന്റെ ഇറക്കുമതിക്കുള്ള തുറമുഖ നിയന്ത്രണം ഏര്പ്പെടുത്തിയതും പിന്നാലെ നികുതിരഹിത മാര്ഗത്തിലുള്ള ഇറക്കുമതി മാര്ച്ച് 31 വരെ നിരോധിക്കുകയും ചെയ്തു. ഈ രണ്ട് നടപടികള്ക്കും എം.പിയുടെ സമരം നിര്ണായക പങ്ക് വഹിച്ചതായി കേരള കോണ്ഗ്രസ് അവകാശപ്പെടുന്നു. സംസ്ഥാന ബജറ്റില് റബര് കര്ഷകര്ക്കായി അധിക തുക നീക്കിവയ്ക്കുമെന്ന മുഖ്യമന്ത്രി ഉമ്മന് ചാണ്ടിയുടെ പ്രഖ്യാപനം അതിനു പിന്നാലെയുണ്ടായി. നിരാഹാരസമരംമൂലം ആരോഗ്യനില വഷളാക്കിയതോടെ കോട്ടയം മെഡിക്കല് കോളജ് ആശുപത്രിയില് പ്രവേശിപ്പിച്ച ജോസ് കെ. മാണി ഇന്നലെ രാവിലെ പത്തരയോടെ ആശുപത്രി വിട്ടു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
