സംസ്ഥാനത്ത് അനധികൃത മദ്യത്തിന്റെ ഉല്പ്പാദനവും വിതരണവും കൂടുന്നു
സംസ്ഥാനത്തെ അനധികൃത മദ്യത്തിന്റെ ഉല്പ്പാദനവും വിതരണവും തടയാനുള്ള സംസ്ഥാന സര്ക്കാരിന്റെ നടപടികള് പരാജയപ്പെടുന്നു. സംസ്ഥാനത്തെ ബാറുകള് പൂട്ടിയതും മദ്യത്തിന്റെ ഉപഭോഗം കുറക്കുന്നതിനായി ബിവറേജസ് ഔട്ട്ലെറ്റുകളുടെ എണ്ണം കുറച്ചതും അനധിക്യത മദ്യത്തിന്റെ ഉല്പ്പാദനവും വിതരണവും കൂടി. ഇത് നിയന്ത്രിക്കുന്നതിനായി സര്ക്കാര് സ്വീകരിച്ച നടപടികളെന്നും തന്നെ വിജയം കണ്ടതുമില്ല. സംസ്ഥാനത്തെ കാറുകള് സഞ്ചരിക്കുന്ന മദ്യഷാപ്പുകളായി മാറിയെന്ന് പൊലീസ് തന്നെ സമ്മതിക്കുന്നു.അനധിക്യത മദ്യത്തിന്റെ ഉല്പ്പാദനവും വിതരണവും തടയാനുള്ള ജില്ലാതല ജനകീയ കമ്മിറ്റിയുടെ കഴിഞ്ഞ യോഗത്തിലെ തീരുമാനപ്രകാരം സ്കൂളുകള് കേന്ദ്രീകരിച്ച് എക്സൈസ് നടത്തിയ പ്രത്യേക പരിശോധനയില് 19 കേസുകളാണ് ആലപ്പുഴ ജില്ലയില് മാത്രം റിപ്പോര്ട്ട് ചെയ്യപ്പെട്ടിട്ടുള്ളത്. ഇതില് 16 പേരെ പ്രതിയാക്കി കേസ് രജിസ്റ്റര് ചെയ്തു. ജില്ലാകലക്ടര് എന്. പദ്മകുമാറിന്റെ അധ്യക്ഷതയില് കൂടിയ അവലോകന യോഗത്തിലാണു ഡെപ്യൂട്ടി എക്സൈസ് കമ്മീഷണര് എ. അബ്ദുള് കലാം ഇക്കാര്യം അറിയിച്ചത്.
സ്ഥിരമായി മയക്കുമരുന്ന് എക്സൈസ് കുറ്റകൃത്യങ്ങളില് പിടിക്കപ്പെടുന്നവരുടെ വിവരം ഉള്പ്പെടുത്തി പരിശോധിച്ചശേഷം സാമൂഹിക വിരുദ്ധപ്രവര്ത്തനം തടയാനുള്ള നിയമമായ കാപ്പ ചുമത്തുന്നതു പരിഗണിക്കുമെന്നു യോഗത്തില് കലക്ടര് എന്. പദ്മകുമാര് പറഞ്ഞിരുന്നു.
സ്കൂളുകളിലും കോളേജുകളിലും മയക്കുമരുന്ന്, വ്യാജമദ്യം എന്നിവയുടെ ഉപയോഗം കൂടിവരുന്നതായുള്ള സാഹചര്യത്തില് സര്ക്കാര് കൂടുതല് ജാഗ്രത പാലിക്കേണ്ട സമയം അതിക്രമിച്ചു. കഞ്ചാവുമായി പിടിക്കപ്പെടുന്ന കൂടുതല് കേസുകളില് കേസുകളിലും പ്രതികള് കൗമാര പ്രായക്കാര് ആണ് എന്നുള്ളത് ഞെട്ടിപ്പിക്കുന്നതാണ്. കഞ്ചാവിന്റെയും മയക്കുമരുന്നിന്റെയും ഉപയോഗം കൗമാര പ്രായക്കാരുടെ ഇടയില് കൂടി വരുന്നതായിയാണ് കണക്കുകള് സൂചിപ്പിക്കുന്നത്.
ബീഡിയിലും സിഗരറ്റിലും തുടങ്ങി പിന്നീട് കൂടുതല് ലഹരിയുടെ സാധ്യതകള് കണ്ടെത്തി കഞ്ചാവിന്റെയും മയക്കുമരുന്നിന്െയും പിറകെയാണ് ഇന്നത്തെ കൗമൗരം. ഇവര്ക്ക് ഇത് എത്തിച്ച് കൊടുക്കുന്നതായി പ്രത്യേക സംഘങ്ങള് തന്നെ പ്രവര്ത്തിക്കുന്നു. ഇത് നിയന്ത്രിക്കുന്നതില് സര്ക്കാര് പരാജയപ്പെടുന്നു എന്നതിന്റെ തെളിവാണ് അനധികൃത മദ്യത്തിന്റെ ഉല്പ്പാദനവും വിതരണവുമായി ബന്ധപ്പെട്ട കേസുകള്. അനധികൃത മദ്യത്തിന്റെ ഉല്പ്പാദനവും വിതരണവും തടയുന്നതിനും കഞ്ചാവിന്റെയും മയക്കുമരുന്നിന്റെയും ഉപയോഗം നിയന്ത്രിക്കുന്നതിനായി സര്ക്കാര് ഉണര്ന്ന് പ്രവര്ത്തിക്കേണ്ടിയിരിക്കുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
