സോളര്‍ തട്ടിപ്പുക്കേസില്‍ നുണ പരിശോധനയ്ക്ക് തയാറല്ലെന്ന് മുഖ്യമന്ത്രി ഉമ്മന്‍ചാണ്ടി. തെറ്റ് ചെയ്തു എന്ന് ബോധ്യമില്ലാത്തതിനാല്‍ നുണ പരിശോധനയ്ക്ക് തയാറാണോ എന്ന ചോദ്യത്തിന് തന്നെ പ്രസക്തിയില്ല. സോളര്‍ കമ്മിഷന്‍ മുന്‍പാകെയാണ് മുഖ്യമന്ത്രി നിലപാട് വ്യക്തമാക്കിയത്.
ഇന്നലെ രാവിലെ പതിനൊന്നിന് തുടങ്ങി ഇന്ന് പുലര്‍ച്ചെ ഒരു മണി വരെ നീണ്ട കമ്മിഷന്‍ സിറ്റിങ്ങിന്റെ അവസാനമാണ് നുണപരിശോധനക്ക് തയാറുണ്ടോയെന്ന് ബിജു രാധാകൃഷ്ണന്റെ അഭിഭാഷകന്‍ മുഖ്യമന്ത്രിക്ക് നേരേ ചോദ്യമെറിഞ്ഞത്. മനഃസാക്ഷി അനുസരിച്ച് പ്രവര്‍ത്തിക്കുന്ന തനിക്ക് നുണപരിശോധനക്ക് വിധേയനാകേണ്ട കാര്യമില്ലെന്നായിരുന്നു മുഖ്യമന്ത്രി ഉമ്മന്‍ചാണ്ടിയുടെ മറുപടി. നുണ പറയാറില്ല. തെറ്റു ചെയ്‌തെന്ന് ബോധ്യവുമില്ല. കമ്മിഷന് മുന്നില്‍ പറഞ്ഞകാര്യം പുറത്ത് മാധ്യമപ്രവര്‍ത്തകരോടും മുഖ്യമന്ത്രി ആവര്‍ത്തിച്ചു.
ബിജു രാധാകൃഷ്ണന്‍ നുണപരിശോധനക്ക് തയാറാണെന്ന് അഭിഭാഷകന്‍ വ്യക്തമാക്കി. സോളര്‍ ഇടപാടിലെ യഥാര്‍ഥ വസ്തുതകള്‍ പുറത്തുവരണം. മുഖ്യമന്ത്രിയോട് ചോദിക്കാനുളള ചോദ്യങ്ങള്‍ ബിജു രാധാകൃഷ്ണന്‍ സ്വന്തംനിലയില്‍ തയാറാക്കി അഭിഭാഷകനെ ഏല്‍പ്പിക്കുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha