ജയരാജനെ പ്രതിചേര്ത്തത് ആര്എസ്എസ് നിര്ദേശ പ്രകാരം, സംസ്ഥാന സര്ക്കാരും സിബിഐയും ഒത്തുകളിച്ചു: കോടിയേരി
കതിരൂര് മനോജ് വധക്കേസില് സിപിഎം കണ്ണൂര് ജില്ലാ സെക്രട്ടറി പി.ജയരാജനെ പ്രതിചേര്ത്തത് ആര്എസ്എസ് ആസ്ഥാനത്തു നിന്നുള്ള നിര്ദേശ പ്രകാരമാണ് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. കേസില് ആര്എസ്എസ് ഇടപെട്ടതിന്റെ കത്ത് ചില മാധ്യമങ്ങള് പുറത്തുവിട്ടിരുന്നു. ഇതിനൊപ്പം സംസ്ഥാന സര്ക്കാരും സിബിഐയും ഒത്തുകളിച്ചുവെന്നും അദ്ദേഹം ആരോപിച്ചു. സിപിഎമ്മിനെ ഒതുക്കുന്നതിനാണ് നേതാക്കന്മാരെ അറസ്റ്റ് ചെയ്യുന്നത്.
നിയമസഭാ തിരഞ്ഞെടുപ്പില് പ്രചരണത്തിന് പല നേതാക്കളും ഉണ്ടാവന് പാടില്ലായെന്നതാണ് ഇതിന്റെ ലക്ഷ്യം. സിപിഎം കണ്ണൂര് ജില്ലാ സെക്രട്ടറിയെന്ന നിലയില് ജയരാജനെതിരെയുള്ള ആക്രമണം പാര്ട്ടിക്കെതിരെയുള്ള ആക്രമണമാണ്. ആര്എസ്എസ് മുന്പ് ജയരാജനെ വധിക്കാന് ശ്രമിച്ചു. ഇപ്പോള് കേസുകള് കെട്ടിചമച്ച് ജീവിക്കാന് അനുവദിക്കുന്നില്ല. അവര് ഇപ്പോഴും ജയരാജനെ ലക്ഷ്യമിടുന്നുവെന്നും കോടിയേരി പറഞ്ഞു.
ഇന്ത്യ മുഴുവന് അറിയപ്പെട്ടിരുന്ന ആര്എസ്എസിന്റെ പല പ്രവര്ത്തകരും രാജിവച്ച് കണ്ണൂരില് സിപിഎമ്മിലേക്ക് വരികയാണ്. ഇതിന്റെ ഭാഗമായി സിപിഎമ്മിനെ ലക്ഷ്യമിടുകയാണ്. ജയരാജനെതിരായ നീക്കം നിയമപരമായി തന്നെ നേരിടും. യുഎപിഎ ചുമത്തിയാല് ജാമ്യം അനുവദിക്കാന് കഴിയില്ലെന്ന വാദം തെറ്റാണെന്നും കോടിയേരി വ്യക്തമാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
