ക്ളിഫ് ഹൗസ് സമരത്തിനെതിരെ വന്ന വീട്ടമ്മയ്ക്ക് പ്രത്യുപകാരം; സ്പോര്ട്സ് കൗണ്സിലില് അനധികൃത നിയമനം
സോളാര് തട്ടിപ്പ് കേസില് മുഖ്യമന്ത്രിക്കെതിരായുണ്ടായ ക്ലിഫ് ഹൗസ് സമരം പൊളിക്കാന് രംഗത്തുവന്ന സന്ധ്യ എന്ന വീട്ടമ്മയ്ക്ക് സര്ക്കാര് വകപ്രത്യുപകാരം. സര്ക്കാരിന്റെ കാലാവധി അവസാനിക്കാനിരിക്കെ സന്ധ്യയ്ക്ക് സ്പോര്ട്സ് കൗണ്സിലില് നിയമനം നല്കി. പോസ്റ്റില് സ്ഥിരപ്പെടുത്താമെന്ന ഉറപ്പോടെ ശംഖുമുഖം ഇന്ഡോര് സ്റ്റേഡിയത്തിന്റെ അഡ്മിനിസ്ട്രേറ്റര് തസ്തികയിലാണ് നിയമനം നല്കിയിരിക്കുന്നത്.
ദിവസ വേതന അടിസ്ഥാനത്തില് മാസം പതിനയ്യായിരം രൂപ വേതനത്തിനാണ് ഇവരെ നിയമിച്ചിരിക്കുന്നത്. കായിക രംഗവുമായി യാതൊരു ബന്ധവുമില്ലാത്ത ഇവര്ക്ക് മുഖ്യമന്ത്രിയുടെയും കായികമന്ത്രിയുടെയും പ്രത്യേക നിര്ദ്ദേശ പ്രകാരമാണ് നിയമനം നല്കിയതെന്നാണ് ആരോപണം. വാക്ക് ഇന് ഇന്റര്വ്യു നടത്തിയാണ് നിയമനം നല്കിയതെന്ന് അധികൃതര് വാദിക്കുന്നുണ്ടെങ്കിലും മാധ്യമപരസ്യം നല്കാതെയും നോട്ടീസ് പതിപ്പിക്കാതെയും നടത്തിയ അഭിമുഖത്തില് സന്ധ്യ മാത്രമാണ് പങ്കെടുത്തത്.
ക്ലിഫ് ഹൗസ് സമരത്തിനെതിരെ രംഗത്തു വന്ന സന്ധ്യ പിന്നീട് എം.എം ഹസന്റെ ഹര്ത്താല് വിരുദ്ധ സമരം അടക്കം കോണ്ഗ്രസിന്റെ നിരവധി വേദികളില് എത്തിയിരുന്നു. ഇടതു മുന്നണിക്കെതിരായ പരസ്യ പ്രതികരണത്തിന് സമ്മാനമായി വ്യവസായി കൊച്ചൗസേപ്പ് ചിറ്റിലപ്പള്ളി അഞ്ച് ലക്ഷം രൂപ നല്കുകയും ചെയ്തിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha