തലസ്ഥാനത്ത് എസ്ഡിപിഐ ​ഗുണ്ടായിസം. തെറ്റായ ദിശയിൽ വാഹനമോടിച്ചത് ചോദ്യം ചെയ്തതിന്റെ പേരിലുണ്ടായ തർക്കമാണ് പ്രശ്നം തുടങ്ങിയതെന്നാണ് വിവരം. കഴക്കൂട്ടം ആണ്ടൂർകോണം സ്വദേശി മുഹമ്മദ് ഷമീനും, ഭാര്യ പിതാവ് മുജീബിനുമാണ് പരിക്കേറ്റത്. ബൈക്കിലായെത്തിയ ആറോളം പേരാണ് ആക്രമണം നടത്തിയത്. മുഹമ്മദ് ഷമീനിന്റെ തലയ്‌ക്കും കൈയ്‌ക്കും ​ഗുരുതരമായി പരിക്കേറ്റു.

വീട്ടിൽ സ്ത്രീകളും കുട്ടികളും ഉൾപ്പെടെയുണ്ടായിരുന്നു ആക്രമണം തടയാനെത്തിയ സ്ത്രീകളെയും അക്രമികൾ മർദ്ദിച്ചു. നാല് മാസം ​ഗർഭിണിയായ മുഹമ്മദ് ഷമീനിന്റെ ഭാര്യയെ അക്രമികൾ നിലത്തേക്ക് തള്ളിയിട്ടു. ഇത് കണ്ട് ഓടിയെത്തിയ മുജീബിനെ അക്രമികൾ ക്രൂരമായി മർദ്ദിക്കുകയായിരുന്നു. മാരകായുധങ്ങളുമായെത്തിയ സംഘം വീടുകയറി ആക്രമിക്കുകയും ഗൃഹനാഥനെ വെട്ടിപ്പരിക്കേൽപ്പിക്കുകയുമായിരുന്നെന്ന് പോലീസ് മനസ്സിലാക്കിയതിന്റെ അടിസ്ഥാനത്തിൽ കേസെടുത്തു.

എന്നാൽ ജാമ്യമില്ലാ വകുപ്പ് പ്രകാരം 7 പേർക്ക് എതിരെ എടുത്ത കേസിൽ 2 പേരെ മാത്രമാണ് പോലീസ് അറസ്റ്റ് ചെയ്തിരിക്കുന്നത്. അറസ്റ്റ് ചെയ്ത് മണിക്കൂറുകൾക്കുള്ളിൽ രണ്ട് പേർക്കും ജാമ്യം ലഭിച്ചു എന്നതാണ് ഇതിൽ ആ കുടുംബത്തിനുള്ള ആശങ്ക.